عنوان الموضوع : ماهو الحل تم الاجابة
مقدم من طرف منتديات العندليب

سلام عليكم

حابة تشاركونييا هوممنا لأن هناك ضغط في درنا بزاف هاليامات في درنا

بسبب اختي الكبيرة المتزوجة وهي المتزوجة الوحيدة فالبيت ملي تزوجت ماعرفنا راحة
وغادي نلخص لكم حكايتها أختي قبل زواج كانت تدعي برك تتزوج وكي جاء مكتوبها مكنتش تعرفه ومكنش يعرفها أخت زوجة عمي هي لبدت تشكر فيه وهي لجبته لأختي وجاء خطبها ومبعد شفها ب رؤية شرعية كان الكل حضر من رجال الكبار في العيلة ومبعد سقسينا عليه قالولنا كل جيرانه واقربئه بلي مكنش كيما هو ومكنش كيما عيلتهم

ومدينها بصح مكانوش يهدره مع بعض وميشفوش بعاضهم غير لما شافو بعضهم في رؤية شرعية وفترة الخطوبة دامت شهر وتزوجو وكي تزوجت راحت البيت العيلة عنده 7 أخوات في هداك الوقت حتى واحدة ماتزوجت وهو الولد الوحيدة فدار أملا فشهر الأول كانه غاية خوتاته حتى كلنا فرحنا وراجلها كان مليح جاز شهر لأنه عويدنا العروسة ماتخدمش شغل دار ألا بعد شهر وكي جاز شهر مدولها دالتها وأختي تدير نورمال وهنا بدات الوسطانية لتقرا فالجامعة تشنف وتدير زكارة لأختي وقالتها بلي انتي العروسة وذانتي لتخدمي وحدك شغل دار هدا درك

وأختي مقبلتش هاد شي ومن هداك نهار بداو المشاكل هادي الوسطانية ستت كامل خواتتها قالتلهم ماتديره حتى حاجة هي لتدير علينا وحرضت ياماها ثاني والكل يسمعلها الهدرة هدوك 5 معندهمش شخصية هادي لتمشيهم كيما تحب

واختهم صغيرة رقم 7 طيبة بزاف الوحيدة لخلفتهم وتبهدلهم بصح ماتقدرلهمش وصحتها معلولة شوية تمرض .

المهم أختي شتكت لراجلها وراجلها راح لأخواته يعيط عليهم بصح هما بدللو راسه فدقيقة وولا قال لأختي انتي لتخدمي ومرانيش حاب المشاكل خدمي وين تقدري وحبسي تكمل ياما وصح هكدا صرات تخدم اختي وعجوزتها أما هما والو ويرديولها زكارة يشوفوها تسيق يعمرو بدون ماء يفرغوه و أختي شطرة بصح ماتقدرلهمش وهكدا تعيط عليهم وتخليه متسيقش مرة ثانية بصح اخوات زوجها افاعي يخليو دار معمرة بالماء وكي يجي راجلها يقوله بلي مرتك لدرت وهكدا يجي يضرب أختي حتى تزرق كل يوم وبقات أختي صبرة وكي عرفت بلي حاملة وخفت على طفل جات لدرنا حتى زيدت ومحبتش ترجع وتدخل بابا وكرلهم كراج نتاع واحد معارفنا وهكدا اختي تهنات منهم حتى زيدات وكبر شوي وليدها جاء مول الكراج طردهم حاب يهدم الكراج وملقتش وين تكري كلش غالي املا رجعت لدارنا سكنت شوي وراجلها محبش يسكن عندنا قالها نوليو لدرانا ونديرلك كوزينة وحدك أختي محبتش بصح مع الوقت قبلت بشرط يديرلها كوزينة

وكي ولاو عرفه خواته بلي راح يديرلها كوزينة زعفو بزاف واختهم الوسطانية هديك الافعى الكبيرة تخطبت فقالتو بلي قريب تعرس ولازم يسعدها فالقش ّأملا كامل دراهم لجمعهم للكوزيينا مدلهم ليها وأختي بقات هكداك تندب على روحها وبداو المشاكل كتر من الول وهادي المرة يفرغولها بدون نتاع المرة كلما تسياق وأختي مسكينة محبتش تدير مشاكل مع راجلها ولات تعود تسيق وهما يدرو وأختي تسياق وكلما تروح تغسل ماعن هي تغسلهم كامل وهما يوسخهم باه تعودلهم وكلما والماكلة يكلو كلش وأختي مايخلوها والو باه تطيب وحدها ويقول راجلها بلي مرتك تطيب وحدك وهكدا راجلها يضرب أختي حتى تزرق ولات المسكينة تبقى بشر

وعجوزتها تخبيلها شوي ماكلة وتجيبلها تاكله بسر عجوزتها مليحة بزاف وديما تقولهم خافه رب لبناتها بصح هما يزعفوا عليها ويقوللها حنا بناتك ماسشي هي والوسطانية هديك شريرة تضرب امها تصفعها كي متسمعش الهدرة اما الاخرين مايضربوهاش املا عوزتها تخاف منهم بزاف ومتدخلش روحها ولات

واختهم صغيرة ديما مريضة ومايحبوهاش ويديرولها زكارة المسكينة تدافع على اختي وامها بصح قلبوهلها حياتها جحيم
وهكدا صبرت وكي تزوجت هديك الوسطانية فرحت اختي وجات رحة فدار هدوك 5 لمعندهمش شخصية ولاو نورمال معها بصح هديك الوسطانية بقات سمانة وجات عندهم طونبيل ولات تبقى يومين فدارها سمانة في دار موليها كي شغل متزوجتش واختي مسكينة مترتاحش وهكدا واحد نهار جات اختنا لدار هما فتشولها غرفتها بيتها ورفدولها ملابس داخلية وداهم عند المشعود باه يديرولها سحور ويركهها راجلها واختهم صغيرة لقالت لاختي بصح قالتها ماتقوليلهمش ومبعد راجعت اختي لدارها ولقات كلش في بلاصته غير روبة داخلية واحدة لناقصة وقاتلهم وين روبة نتاعي ومبعد تدخلت هديك الوسطانية شمرت على دراعها قاتلها علاه صافي تقولي بلي سرقناها واختي خافت منهم فقالتهم مقلتش هكدا ومبعد دارو عليها خمسة الاخرين وكلوها بالهدرة واختي قاتلهم يجي راجلي نقوله ومبعد الوسطانية هديك صفعت اختي واختي ردتلها صفعة وهكدا شدوها في سنة يضربوها وامهم تعيط وتبكي وماتقدر تدير والو خافت وهكدا تدخلت هديك المريضة تدافع وللاو يهاجمو عليها وخلاو اختي وهديك المريضة تقولهم انا مريضة خطيوني درك نموت وهما مرحمهاش واختي بدات تعيط على الجيران ودخلو الجيران بصح لقاو اختهم المريضة تغاشات ودوها لطبيب وقريب ماتت المسكينة وكسرولها دراعها وبقات في المستشفى اسبوعين ماتهدر ماوالو غير تسوف وتتغدى بسيروم
واختي حست روحها هي المدنبة وهدوك ولاو يعيروها يقوللها انتي سبة واختي هربت لدرنا بقات حتى خرجت اختهم من سبيطار بصح راجلها ميحبش يقعد فدرنا ورجعها لبيتهم وهكدا ولا راجلها تبدل بزاف ولا حتى هو يديرلها زكارة يضربها بلا وقدامهم وهما يضحكو ويقلوله زيدلها وكي يخلص هو تربطها الوسطانية هديك ويضربوها الاخرين وعجوزتها غير تبكي ومبعد كي سمع بابا جبلها لدرنا ومقالو مانرجعهالكش حتى تديرلها كوزينتها

  • وصح درلها كوزينتها وفرحت اختي ورجعت لدارها قالت بلي تهنيت بصح قعدت غير شوي بداو المشاكل يرمولها كل الوسخ وهي تكست باه برك تهني روحها يجيبو دراري صغار يضربوها بالحجار وهي تسكت وادا شتكت لراجلها غادي يضربها حتى تزرق مزية برك اختي بصحة جيدة املا تسكت غير ووليدها ولا يبول في روحه من الخوف وهكدا غير سكتت وصبرت وهما يزيدلها في زكارة كي تروح هديك الوسطانية لردها تنزل رحمة وكي تجي تنزل الجهنم لدار وبقاو على هديك الحالة وكي عرفت أختي روحها حاملة خافت على روحها قالت لراجلها تجي عندنا بصح قالها لو كان تخرجي ماتوليش ياخي درتلك دار وحدك واس تحبي كثر قاتله خواتتك مهبلوني قالها مكنش منها خواتاتي مكنش كيما هما لانه خواتاته قدامه يبانو ملايكة كي يجي هو هديك الوسطانية تولي هايلة مع اختي وكامل يوليو هايلين وكي يخرج راجلها ينوضه القرون

على هادي مايصدقش أختي وحتى واحد الخطرة بدات هديك الوسطانية كي شافت بلي مكنش نتيجة ولات تبطب لباب اختي وكي خرجت اختي قاتلها ياما راهي تستحقك واختي دخلت عندهم وهي مدبت عليها وكي دخلت اختي شفت عجوزتها تلوحها بيدها باه ترجع واختي مفهتش ومبعد قاتلها رانا سمعين بلي حابة تروحي عند موليك خفتي على البيبي واختي معلبالهاش بلي يتنصتو ليها واختي قاتلهم علاه راكم تتنصتو ماتحشموش وهديك الوسطانية فار دمها وراحت جابت ماء مغلي من الكوزينه وقالت لاخواتتها حكمو رسها ودخلوه في هاد البيدون وهي تعيط وعجوزتها تعيط وهديك المريضة تعيط ومبعد ربطوها وبدا يضربوها بتناوب والجيران كامل سمعو مراهمش حابين يدخلو روحهم وعجوزتها تحلل فيهم ماراهمش حابين يقوفه قاللها راح تموت اليوم يعني اليوم وماوقفوش حتى شافو يماهم جاتها لكريز ودوها سبيطار بصح ماتت فطريق واختي قاللوها انتي ولاو يبكيو على ياماهم واختي بدات تعيط وتجري على العاشرة نتاع الليل حتى دوها ناس لسبيطار وحنا كنا نجريو لسبيطار ولقينا اختي تهدر وحدها وتضحك وحدها وقالنا طبيب بلي فقدت عقلها ودخلناها مستشفى المجانين وباب طلب طلاق بصح بعد واش بعد ما قتلو ياماهم وبعد ولات اختي مجنونة وهدوك ماولاوش ملاح مزلهم ستايت جاو عندنا قالوا راح يديو طفل لان القانون لصالحهم

وكي سقسينا المحامي قال ايه لصالحهم



ارجوكم وضحولي نقدرو نجيبه حضانة طفل ادا بينا بلي هما لهبلوها وكيفاه نجيبه دليل بلي هما سبة


ثانيا قالنا المحامي متقدروش تجيبو الحقوق المادية لان حنا لطلبنا طلاق بصح ادا جبتو دليل بلي هما سبب طلاق غادي تربحو القضية وتجيبو شهود والجيران محابوش يشهدو كيفاه ندير كاين حل اخر


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ونسيت مقتلكمش بلي البيبي مات في بطنها نهار ضرب لانهم تعمدو يضربوها لبطنها وخرجوه طبة

ارجوكم لممرت بنفس تجربة يقولنا واش نديرو مرانا ناكلو غير نبكيو

__________________________________________________ __________

>>>> الرد الثاني :

مالقيت مانقلك يا اختي قصة تبكي هاذو معندهم حتى ذرة انسانية ان شاء الله ربي يكون معاكم وينصركم عليهم
وان شاء الله تبرا اختك وتولي لاباس عليها


__________________________________________________ __________

>>>> الرد الثالث :

يا اختي قوليلها تصلي و تدعي ربي و الله حقها مايضيع ختي صرالها نفس شيء تحملت تخسر و تفارق جابت كامل حوايجها و طلقت المهم تسلك من هذيك الزريعة المرة و ماتنساش تروح لطبيب شرعي دير شهادة طبية لتبين اثار الدرب لانو لما تشتكي ما يدخلوش فالمشاكل الزوجية لاكن تقدر تشتكي بخوتاتو و الله يرزقها من حيث لا تحتسب

__________________________________________________ __________

>>>> الرد الرابع :

المشاركة الأصلية كتبت بواسطة nina nanoucha
يا اختي قوليلها تصلي و تدعي ربي و الله حقها مايضيع ختي صرالها نفس شيء تحملت تخسر و تفارق جابت كامل حوايجها و طلقت المهم تسلك من هذيك الزريعة المرة و ماتنساش تروح لطبيب شرعي دير شهادة طبية لتبين اثار الدرب لانو لما تشتكي ما يدخلوش فالمشاكل الزوجية لاكن تقدر تشتكي بخوتاتو و الله يرزقها من حيث لا تحتسب

ماقريتيش الموضوع كامل واش تشتكي راهي في مستشفى الماجنين هبلت خلاص

__________________________________________________ __________

>>>> الرد الخامس :

لاحول ولا قوة الا بالله
وعلاه ختك ما دارتش سارتافيكا ميديكال بلي نضربت باه طاح البيبي .
من جهة الحق معاهم منعرفش القوانين...
ان شاء الله ربي يفرج عليكم وما تخافوش حق ختك عند ربي...
حسبي الله ونعم الوكيل