عنوان الموضوع : اريد نصيحة مشكلتي
مقدم من طرف منتديات العندليب

مساء الخير عندى موضوع حابا نستشيركم فى موضوع محيرتى بزاف
تقدم شخص لطلب يدى لزواج صاحب دين واخلاق الناس كامل تشهد بذالك ابن عائلة معروفة اوضاع المادية جيدة عمرو 33 سنة عيبو الوحيد مستواه الدراسي سنة 8 متوسط.
بالنسبة لى انا جامعية وموظفة الحمد لله من عائلة معروفة جميلة ذات خلق ودين عمرى 24 سنة
وهاذ الشخص مايعرفنيش قبل هو حاب يخطب دلوه عليا وجا هدر مع ابي وانا رفضت لانو مستواه الدراسي محدود هاذ الشخص بعد مارفضتو عاود رجع وعاودت رفضت وعاود رجع مرة اخرى ورانى محتارة وحابا نصيحة هاذ الشخص مدة سنة ونص وهو يروح ويرجع يخطب حقيقة مايعيبو والو غير مستواه الدراسي
خابفا من الفرق فى المستوى الدراسي يكون حاجز ومايكونش توافق واش تنصحونى


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

رفضتي بعد صلاة الاستخارة ؟؟؟؟

كي يزيد يجي صلي الاستخارة و ان شاء الله خير

كاين الخطبة و ان شاء الله تم تتعرفي عليه و تشوفي اذا تتوالمو و الا لالا

ربي يوفق

__________________________________________________ __________

>>>> الرد الثاني :

وعلاه ان كان مايعيبو والو وش دخل الدراسة المهم يكون ذو اخلاق ودين صلي وربي يجيب اللي فيه الصلاح
استخيري اكثر من مرة

__________________________________________________ __________

>>>> الرد الثالث :

علاه تحطي مستواه سبة في عدم قبولكِ له


بالاك يكون فاهم خير من الي قرا


مابيد راهو وليد فاميليا و ذو اصل ودين واخلاق والناس كامل تشهد عليه علاه ترفضــــــــيه

و في الاخير صلي صلاة الاستخارة وربي يجيب الي فيها الخيـــر


__________________________________________________ __________

>>>> الرد الرابع :

المشاركة الأصلية كتبت بواسطة tamila
رفضتي بعد صلاة الاستخارة ؟؟؟؟

كي يزيد يجي صلي الاستخارة و ان شاء الله خير

كاين الخطبة و ان شاء الله تم تتعرفي عليه و تشوفي اذا تتوالمو و الا لالا

ربي يوفق

رايي من راي الاخت فمثلما قالت لك

__________________________________________________ __________

>>>> الرد الخامس :

أختي هذا ليس عذرا ولا تسدي الباب أمامه ما دام حسن الاخلاق والدين فتوكلي على الله