عنوان الموضوع : ياليتني كنت معقدة !!!! تم الحل
مقدم من طرف منتديات العندليب

السلام عليكم و رحمة الله و بركاته

اعضاء المنتدى الكرام انا لدي مشكلة اريد ان استشيركم فيها

انا فتاة عمري 17سنة ادرس ثانية ثانوي
انا عندي عقلية نتاع نحكي مع ولد و مانحكيش مع بنت هاد الكلمة كانت تقولهالي اتساذة و مكنتش نفهمها حتى لدرك فهمت واش كانت تقصد لبنات درك ولوال عندهم غي شكل نتاع امراة و من لداخل الله اعلم في بداية السنة الدراسة تعرف على واحد يقرا معايا في القسم و كان يهدر بزااااااااااااف و يضحك و دائما مبتسم و كان يجلس مورايا و يهدر معايا بزاف و يقلبلي راسي لوحد الدرجة انا منقدرش نتحمل بصح من بعد يولي كل شيء عادي نضحكو نورما و كان يقولي لي زعفوا ماتو المهم هو كان يكتب الشعر و انا بصراحة يقتلوني لي يكتبو الشعر من خلال الحديث لي كان يدور بيناتنا عرف بزاف صوالح عليا لي هو يبغيهم يعني مشتركة و في الايام الاخيرة عرفت بلي راه يبغي وحدا و منبعد اكتشفت بلي هي انا بصراحة انصدمت مكنتش متوقعة ابدا و هو في الاصل مكانش باغي يعترف لخطرش قالوله مستحيل تقبل بيك و درك من عرف بلي انا علابالي تخيلو واش دار مراهش يحكي معايا و ميحكيش اصلا دائما ساكت كل الاناس لاحظوا هاد الشيء ودائما يسكت و لا يقول و كيف امرح وبالقلب علل انا بكت في القسم شحال من مرة مقدرتش نشوفه هكدا حزين دائما و وليت نخمم بزاف و نشوف كوابيس حتى مانيش نبغي نرقد انا مانقدرش نعيش نورمال و انا سبب تعاسة شخص .
قلولي واش اندير نبدل القسم و لا الثانوية و لا واش

بصراحة درك راني نقول يارتني جيت وحدة متدينة متشددة يعني كيما يقولوا معقدة باش مانحكي مع حتى شخص لكن للاسف قدر الله و ماشاء فعل

اعزائي ارجوكم ساعدوني و لو بكلمة
جزاكم الله خيرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم و رحمة الله و بركاته
يا اختي العزيزة
في حياتنا اليومية نلتقي باناس ليسوا مثلنا و لكل احد منا نظرته الخاصة للحياة
فهذا التلميذ قد وجد هذا الحل مرضيا له فلما تقلقين نفسك مادام انه اتخذ هذا القرار
و لقد سبق لك ان قلت بانك كنت تتكلمين معه مجرد كلام عابر
فلا علاقة بينكما و لا صلة بين روحيكما
اتمنى ان تبقي هكذا بروحك الطيبة و العفيفة
و ان لا تسقطي في فخ المراهقة
تقواك بالله يعطيك القوة و العزيمة ان شاء الله
و تذكري ان اي فعل سوف تقومين به اتجاهه سوف يعود عليك بالخيبة
ابتعدي عنه و ان استطعت لا تنظرين اليه اصلا يا حبيبتي

في امان الله

__________________________________________________ __________

>>>> الرد الثاني :

واش راك نقولك أختي

بصراحة

منذ بدأت في قراءة بعض المشاكل هنا

لا أعرف هل هي مشكلة أم ماذا ؟؟؟؟؟؟

راكم دوختونا بالقصص أنتاعكم .

__________________________________________________ __________

>>>> الرد الثالث :

المشاركة الأصلية كتبت بواسطة مشكلتي

بصراحة درك راني نقول يارتني جيت وحدة متدينة متشددة يعني كيما يقولوا معقدة باش مانحكي مع حتى شخص لكن للاسف قدر الله و ماشاء فعل

السلام عليكم ورحمة الله وبركاته
متدينة = متشدّدة
هذا هو الشيء الوحيد الذي تحفظونه عن ظهر قلب..
على كل حال


إهتمي بدراستك واعلمي أن والديك ينتظران نجاحك و عندما
ابتعثاك للدراسة إنما هو لثقتهما فيك فكوني على مستوى المسؤولية ...

__________________________________________________ __________

>>>> الرد الرابع :

السلام عليكم ورحمة الله وبركاته
الحل ساهل وراكي تمنيتيه
ولي معقدة ومتشددة درك تعيشي مهنية ولاباس عليك
وأخطيك من غاضني وما غاضني
خمي في روحك قبل راكي 17 سنة يعني كل حاجة تديريها راك محاسبة عليها قدام ربي سبحانه



__________________________________________________ __________

>>>> الرد الخامس :

خمي في قرايتك لا حب الا بعد الزواج


سبحان الله