همي تم حل المشكلة
عنوان الموضوع : همي تم حل المشكلة
مقدم من طرف منتديات العندليب
السلام عليكم
انا حبيت نفضفض هنا و خلاص راح نتخنق والله مشكلتي هي زوجات اخوتي والله يزيدو على العبد من يوم دخلو حياتنا انقلبت حياتنا تماما المشاكل كثرت و امي مرضت كل واحدة بدارها مي يجو ينغصولنا حياتنا و اختي الكبيرة ردوها خديمة والله تغيضني ماجاش مكتوبها و يلوحولها الكلام و مازاد الطين بلة زوجة اخي الاخيرة ولات كيفهم جاو يسكنو عندنا ولينا محاصرين مانقدرو نتنفسو حبا نتزوج نتهنا دي فوا نقول نقبل بالي جا و نتهنا و ندعي لاختي ربي يفرج عليها اكثر مني والله ماعرفت واش ندير خلاص قلبي تعمر واش ندير هدا وزعما مانهدرش معاهم مي يضلموني ادعولي بالفرج انا و اختي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ربي يرزقك الزوج الصالح
و يهدي نسا خاوتكْ
__________________________________________________ __________
>>>> الرد الثاني :
أقلك حاجة أختي
يجب ان تعرفي كيف تتعاملي مع زوجات أختك فليس الهروب حل
وديري في بالك
تخيلي لو تتزوجي كما قلتي وتجدي عند زوجك نساء في عائلته امر ما عندك
فتعلمي كيف تتصرفي بحكمة
لأن الحياة مدرسة حتى ولو أخطأنا نتعلم من أخطائنا وأخطاء غيرنا
رزقك الله بالزوج الصالح
__________________________________________________ __________
>>>> الرد الثالث :
و خواتك معلابلهمش بيكم زعما ؟
و ثاني كيفاه كامل الزوجات كيف بعضهم ما كان حتى وحدة فيهم عاقلة ؟
__________________________________________________ __________
>>>> الرد الرابع :
السلام عليكم و رحمة الله و بركاته أختي الله يصبركم و يهدي زوجات خاوتك ربي يرزق أختك الكبرى بالزوج الصالح عاجل غير آجل و خليهم يمعنيو كيما ربي يعطي يقدر ينحي الدنيا تفرح و تبكي و ربي يرزقك انت كذلك لازوج الصالح بصح نقولك ماشي لي جا تقبلي بيه شوفي المهم الدين و الأخلاق يا لعزيزة و انتوما كي تشوفوهم كترو أهطيوهم زوج كلمات يسكتوهم لعقالة بزاف ماشي مليحة و كاين لي يشوفوك عاقلة يطلعولك فوق راسك مالا أمشي معاهم بسياسة تعامليني مليح نحطك في عينيا تعامليني بالشر نعاملك بالخير بصح نقولك بلي راكي زودتيها حطي روحك و الله يفرج يا أختي و يرزقكم ربي العالي أزواج صالحين يستروكم و يهنوكم اللهم آمـــــــيـــــــــــــن
__________________________________________________ __________
>>>> الرد الخامس :
المشاركة الأصلية كتبت بواسطة walid_alg 
و خواتك معلابلهمش بيكم زعما ؟
و ثاني كيفاه كامل الزوجات كيف بعضهم ما كان حتى وحدة فيهم عاقلة ؟
لانو ازواجهن فتحولهم عينيهم .......... ولما يكون الزوج بلا شخصية الزوجة يتفتحو عينيها سبحااااااااااااااااااااااان الله كيف يكونو النساء قبل مايتزوجو ومبعد يرجعو انسان اخر ........... ربي يطيحنا في بنات الحلال صاحبات العقل الرزين والحبوبة
رد مع اقتباس
