بلادنا بلاد المعريفة من قضايا الساعة

[imilla]

عنوان الموضوع : بلادنا بلاد المعريفة من قضايا الساعة
مقدم من طرف منتديات العندليب

السلام عليكم يا جماعة البرد بزاف ربي يدفي قلوبكم إن شاء الله
اليوم حبيت نحكو على موضوع المعريفة او لكتاف كيما نقولوها بالعامية وين نروحو كان قرينا باه نخدمو لازمنا المعريفة نديرو ستاج لازمك معريفة ما تفوتش كامل ويقبلوك حتى بلاما تروح عند الطبيب الزوالي الرونديفو بالعام واللي عندو المعرفة في هذيك الدقيقة حتى كاين مرضى يجو من بلاد بعيدة مساكن يستناو دالتهم ويجي آخر بحكم المعريفة يتكسل ويفوت هو الاول علاه هذي الظاهرة والزوالي وين قيمتو معاه ربي مي بلاممعريفة واحد ما يشوف فيه ناقشوني من فضلكم في هذا الموضوع واللي تعرض لهكذا موقف يحكينا أنا تعرضت لهذا الموقف في المستشفى جا واحد حب يفوت هو الاول وكنت أنا وواحد المرا من تبسة مسكينة هي ووليدها انا قلتلها فوتي قبلي معليش أنا قريبة إنت اللي بعيدة ومن بعد جا واحد داخل مسكين ديركت خلعاتو الزبدة اللي كاين دايرها تقطر فوق شعرو والنواظر نتاع ماتريكس حب يبيننا باللي هو واعر قتلوا خويا إحنا رانا آنفيزيبل المرا من طرف الدنيا ومن بعد أنا رانا هنا من 7 نتاع الصباح قالي ختي الطبيب لافامي نحكي معاه 2 مينوت كيما قال هو قتلوا لافامي فالدار هنا رانا كامل مرضى إستنى دالتك قلت لللفرملية والله يدخل تنوض الحرب نتاع ليبيا هنا تولي مسراطة هههههه مليحة هذي جا التالي يقول يا مالي والله ما دخل المرا من بعد انا باه تستعرفو ههههههههههه شكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

صباح النور مريلينا
وي ختي كل شيء بالمعريفة الا من رحم ربي مرات حتى تقنطي كي تشوفي هذاك الشيء مي نتمناو حنا منديرو حتى شيء بالمعريفة باش تنقص شويا انا مثلا وين راني نخدم يجو عندنا لي يديرو ستاج انا نشدهم من دون اي وساطة باش نقصو شويا معريفة لي نقدرو عليها نديروها و الباقي على ربي
شكرا على الموضوع القيم كما عودتينا دائمااااااااااااااااا

__________________________________________________ __________

>>>> الرد الثاني :

المشاركة الأصلية كتبت بواسطة اميرة الجزائر2010 صباح النور مريلينا وي ختي كل شيء بالمعريفة الا من رحم ربي مرات حتى تقنطي كي تشوفي هذاك الشيء مي نتمناو حنا منديرو حتى شيء بالمعريفة باش تنقص شويا انا مثلا وين راني نخدم يجو عندنا لي يديرو ستاج انا نشدهم من دون اي وساطة باش نقصو شويا معريفة لي نقدرو عليها نديروها و الباقي على ربي شكرا على الموضوع القيم كما عودتينا دائمااااااااااااااااا

السلام عليكم ختي واش الحالة البرد يا ختي قتلنا الثلج حبينا نشوفوه مي شوية برك ما راناش فالروس
المعريفة المرض اللي ما يبراوش منو شي ناس مي عندهم بلاصة رايحين ليها ما فيهاش المعرفة عند ربي نكونو كامل كيفكيف ما تنفع حتى معريفة ربي يبارك فيك إنت ديري اللي عليك إمالا نجي ندير الستاج عندك وبوسي الحالة من عندك ههههههههههههه مقسر نعاك ختي

__________________________________________________ __________

>>>> الرد الثالث :

هذا حالنا للاسف .....................على بالي لو نكتب على هاذي الضاهرة 1000 سطر مايكفينيش ......................والله المستعان

__________________________________________________ __________

>>>> الرد الرابع :

السلام عليكم
واش تحبي حتي مريلنا هاذي هي الجزائر لبارح نتفرج في قناة المغاربية واحد اتصل بهم قاللهم حنا عندنا أئمة مدو الرشوة باش يخدمو في المساجد فمبالكي العمال الاخرون كثرت الرشوة والمعرفة والزوالي الله يكون في عونو
صدقيني اختي عندما دفعت ملف باه نخدم لقيتها غير زهر هاذي الخدمة البسيطة الكل قالي بالمعرفة اي اغلبهم

__________________________________________________ __________

>>>> الرد الخامس :

لمشكلة كبيرة و الوضع ينم عن تردي العقلية و عدم احترام الاخرين و كأن لسان حالنا يقول إن لم تكن ذئبا أكلتك الذئاب (إذا لم تكن لديك المعريفة ضاع حقك ) فالله المستعان.