عنوان الموضوع : الجار قبل الدار من المجتمع
مقدم من طرف منتديات العندليب

السلام عليكم يا جماعة شكرا جزيلا على مروركم ومشاركتكم
العنوان واضح وصريح الجار قبل الدار مثل نقولوه على الجيران يعني لما الإنسان يشري دار أو يرحل إلى مكان يقولولو شوف الجار قبل الدار يعني ممكن الدار مليحة والمكان جيد ولكن الجار لا يطاق والحياة امامه مستحيلة
الجيران الناس اللي يسكنو بجنبنا كاين اللي نعرفوهم ماللي كنا صغار وكاين اللي يجو يسكنو من جديد
واش رايكم في جيرانكم بكل صراحة و‘ذا كاين مشاكل معاهم يا هل ترى جيرانكم ناس ملاح أو العكس ؟ الجيران خير من الاهل بعض المرات او الجار يبقى جار؟ وأيضا هل بقات تلك المودة بين الجيران مثل ايام زمان؟
النقاش مفتوح وأعطونا رأيكم اللي أعتز بيه بزاف شكرا
وخلوني ندبا انا
جيراني الحمد لله هوما هوما ماللي كنت صغيرة روعة ونحبهم كامل ونحترمهم وهوما أكثر من أهل ومازالت تلك العلاقة الطيبة بيناتنا حتى الآن ويساعدوني ويساعدو الوالدة نتاعي الحمد لله ومازلنا نتبادلو الأطباق هههههه يعني عيب جارنا يشم وإحنا ناكلو نحترمهم بزاف ونقدرهم شكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
جيراننا نعم الجيران يا اختي ملي سكننا لم نرى منهم الا خيرا نتبادل الاطباق خصوصا في رمضان في الاعياد نصنع الحلوى مع بعضنا نجتمع في دار كبيرة و نصنعها
اولاد وبنات كالاخوة نساعد بعضنا يعني اذا مر شخص بازمة مالية يعاونوه طبعا اختي في بعض الاحيان الجار احسن من الاهل يعني هو ساكن بجنبك 24 سا على 24 سا يعرف كل صغيرة و كبيرة
اختي نعم اجد ان الجيرة مازلت كما هي (اللي يسمعني نهدر يقول عندي 50 سنة)

ربي يدوم المحبة بيناتنا هاكم عشرة في عينيكم اللي ميقولش الله يبارك

__________________________________________________ __________

>>>> الرد الثاني :

المشاركة الأصلية كتبت بواسطة عربية الهوية
السلام عليكم
جيراننا نعم الجيران يا اختي ملي سكننا لم نرى منهم الا خيرا نتبادل الاطباق خصوصا في رمضان في الاعياد نصنع الحلوى مع بعضنا نجتمع في دار كبيرة و نصنعها
اولاد وبنات كالاخوة نساعد بعضنا يعني اذا مر شخص بازمة مالية يعاونوه طبعا اختي في بعض الاحيان الجار احسن من الاهل يعني هو ساكن بجنبك 24 سا على 24 سا يعرف كل صغيرة و كبيرة
اختي نعم اجد ان الجيرة مازلت كما هي (اللي يسمعني نهدر يقول عندي 50 سنة:d)

ربي يدوم المحبة بيناتنا هاكم عشرة في عينيكم اللي ميقولش الله يبارك

السلام عليكم اختي شكرا على مشاركتك والله يبارك في جيرانك كيما جيراني ناس هايلييين
لا ماشي شرك نكونو كبار فالسن مي ماللي كنا صغار وهوما معانا يعني عقليتهم هي هي ونفس المعاملة نتيادلو الاطباق والأفراح والاحزان والله احسن من الاهل كيما قلت 24 س على 24 س وهوما معانا
وأنا متأكذة إنك صغيرة السن ههههه شكرا والله يبارك نحي العشرة من عينيا راني قلت الله يبارك هههههه

__________________________________________________ __________

>>>> الرد الثالث :

هههه لا اختي منحيهاش لوكان يجي عضو اخر ويقرى و ميقولش الله يبارك يضربنا بعين نعشو في مشاكل و غدوة نحل موضوع يتكلم على الجيران السوء
دوكا نخليها ولا نحيها خيري و قوليلي

__________________________________________________ __________

>>>> الرد الرابع :

المشاركة الأصلية كتبت بواسطة عربية الهوية
هههه لا اختي منحيهاش لوكان يجي عضو اخر ويقرى و ميقولش الله يبارك يضربنا بعين نعشو في مشاكل و غدوة نحل موضوع يتكلم على الجيران السوء
دوكا نخليها ولا نحيها خيري و قوليلي

السلام عليكم اختي هههههههه خليها وراني عارفة راحين بقولو الله يبارك وضرك يشاركو اللي عندهم جيران السوؤ نتمناو ما يكونوش مي الدنيا فيها الصالح و الطالح شكرا اسعدتني مشاركتك

__________________________________________________ __________

>>>> الرد الخامس :

احنا ماقبلتنا ابتدائية وجيراننا غير القراجات تاع التجارة والصخب تاع الكميوات مايحبسش والدراري كي يخرجو من الابتدائي نلقاهم طالعين فوق الشجرة كي الشواد مرات ونحكم واحد نعاقبو ......وفي الجهة الاخرى مقابلنا باركينق تاع صناعة مواد البناء وجارنا على اليمين لاحياة لمن تنادي جامي سمعت بحسو .......ومقابلتا مساحة كبيرة دايرينها صطاد لكرة القدم .....وعندنا جارنا ماشاء الله عندو دراري كل يوم يخرجلي واحد جديد نقلو لمن انتا يقلي انا جاركم وليت دايرلهم ارقام باش نحفظهم .......والمسجد مسامينا في حاسي تاع ماء التراكتوروات دايرين لاشين يعمرو في الماء تقول رانا في حرب عالمية تاع ماء ......هاذي الفوضة والفناها ..........وليت كي نسمعها باش نرقد هه