عنوان الموضوع : لا حياء في الدين من المجتمع
مقدم من طرف منتديات العندليب

السلام عليكم با جماعة شكرا على كل مرور ومشاركة
جملة لا حياء في الدين تتقال في حالة مثلا ذهاب المرأة إلى الطبيب يقولولها عادي لا حياء في الدين من خلال تجربتي الشخصية لما نروح للطبيب نحشم بزاف ونتمنى لو أنو تكون طبيبة لكن مرات الاطباء رجال لما نقوللهم هكذا يزعفو ويعتبروه تخلف خاصة في قسم التوليد
علاش ما تروحش المرا عند طبيبة والراجل عند طبيب يسمحونا الاطباء ممكن كاين بيننا اطباء رجال لكن انا نرفض الفكرة لكن الأامر ليس بيدي
واش رايكم فالموضوع هل انتم معه أو ضده الشباب هل تقبلون بكشف الطبيب على نسائكم وشكرا
ملاحظة
السلام عليكم يا جماعة أنا قرأت الردود الجملة أنا ديما نسمعها هكذا و ما رانيش أنا اللي إخترعتها نبهني عضو واحد كنت من البارح نحاول نعدل اعنوان في نظركم أنا ما نعرفش باللي دين كله حياء تركتو لب الموضوع ولصقتو فالعنوان غلطة ما راهيش مني ناس بزاف يقولولها راني نحاول عدلت العنوان ونظن ما درتش جريمة شكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي كاين طبا نسا ممكن تروحيلهم خصوصا اذا كان يتعلق بالتوليد او امور جنسية
انا عن نفسي منخليش طبيب ذكر يعالجني اخجل كثيرا حتى واذا كان في منطقة عادية يعني العينين او الفم
فما ادراك بمنطقة اخرى
اذا كان ظرف طارئ ممكن نعم
على حسب الظروف


__________________________________________________ __________

>>>> الرد الثاني :

السلام عليكم اختي مريلنا...فقط بغيت انبه نفسي والاعضاء:
لاتقل هذه العبارة لاحياء في الدين


...
احببت أن أنبهكم عن ا الجملة التى كثيرا مانرددها عندمانتحدث عن أمور حساسة..وهي من الاخطاء الشائعه بين المسلمين
ولا نعلم أننا على خطأ وأنها ليس لها أساس فى ديننا.....بل بعكس العبارة تماما فالدين كله حياء...[ومن كان قائلا فليستبدلها بما جاء فى القرآن الكريم(ماجعل عليكم فى الدين من حرج)).....أي لا حرج فى الدين وليس لا حياء فى الدين....
أما عن نفسي...كاين طبيبات في ولايتي للتوليد وطبيبات عوام...لذا فالمشكل لا يطرح بالنسبة لي..

__________________________________________________ __________

>>>> الرد الثالث :

كما تفضل الاخ الفاضل عبدل انو كل الحياء في الدين...............ولاحرج في الدين وهذا هو الاصح ......بارك الله فيكم اخي الفاضل على التنبيه

والله امنية لو يفصلونا اطباء النساء واطباء الرجال ............لكن الكارثة احنا عدنا جابونا الكوبيين لمصلحة التوليد ......واحد رجل وملحد ويزيد يقوم بعمليات التوليد لنسائنا والله المستعان........كارثة .............والناس ربي يهديهم يجيب مرتو يطيشها للطبيب ومايقسيش عليها نهار ويرجع يديها العشية..........ويقلك مالقيناش الطبيبة وهو والله ماسقسا عليها يعطيك يتهنا وخلاص...........حتى الطبيبات والفرمليات يتقدمو لعلاج الرجال بلا حشمة ...............................

الله المستعان............انا مرة داوني للمستشفى كنت مريض جاتني ممرضة قالت لي نديرلك حقنة قتلها لا لا شوفيلي طبيب قاتلي انا ماعجبتكش ؟؟؟؟........قتلها مريض وحابة تناقشيني عندي حساسية قلت درك تحشم وتبعدني نصف ساعة وجاتني تجري قاتلي مالقيتش طبيب ........قتلها مستشفى كامل وانت الخدامة برك زعفتني خرجت ودخلت من باب اخر لقيت فرملي دارلي الحقنة في يدي قتلني ......هو يتعلم برك..........رجعت للدار مريض اكثر ........

__________________________________________________ __________

>>>> الرد الرابع :

السلام عليكم

اولا لازم نعرفو أن الدين كله حياء

وثانيا ، انا طبيبة مرا نحشم منها كيفاه راجل ، شوفي الاخت درك كاين طبيبات الله يبارك في الجزائر

مثال في حومتي برك كاين كاش ربعة ولا كثر ، يعني مانلعبهاش نروح عند راجل ، هاذيك بكري الله غالب عليهم ، العلم كان مختصر غير على الرجال ، ماتلقايش طبيبة ، اذا لقيتي تلقاي قابلة ، لكن درك لالا


شكرا ليك

__________________________________________________ __________

>>>> الرد الخامس :

بارك الله فيكم
على النصيحة
ولكن الحل كيما قال خويا الواثق
اين الحل
لوكان جا مرض مستعجل وانت تلقى طبيبة او العكس بنت او تلقى طبيب