توحشت....... ارواح حكيلنا عليه من قضايا الساعة
عنوان الموضوع : توحشت....... ارواح حكيلنا عليه من قضايا الساعة
مقدم من طرف منتديات العندليب
راك تتفرج في باب الحارة
و لا جمعي فاميلي
و تاكل:
حريرة +
طاجين زيتون +
طاجين حلو+
سلاطة بالطونة و المايونيز+
فلان+
دلاع و مشرووووبات
غاااااازية
مممممممممممممممممم
هههههههههههههههه
باش يفكركم هاذ ال menu؟؟؟؟
اكيد راح تقولي رمضان
ايه مالا نقولكم انو توحشتو بزااااااااااااااااااف
نعياو نطيبو نفس الطياب بصح
و الله ما تجي البنة كيما بنة رمضان
عندو ريحة خاصة و عندو جو خاص
تتجمع فيه العايلة مع الفطور و بعدو
و مع صلاة المغرب
نصلو صلاة الجماعة مع بابا
الله الله
و كي نكملو الصلاة يقعد يدعيلنا بدعوة الخير
و كي العادة يجو الشاشرة يجرو للطواجين :
شاطيبتو ؟؟؟؟؟؟
هههههههههههههههه
و يقضو على البوراك قبل ما نحطوه
و تسمعو عياطي فالدار
اخرجوووو من الكوزينااااااااااااااااااا
ههههههههههههههههه
و ذاك قلب اللوز مورا الفطور
ما نحكيلكش عليه
حكاااااااية
سيرتو كي نطيبو فالدار
يخرج رووووووووووعة
يقولولي فالدار ذوك نحللولك القاراج و تصنعينا قلب اللوز و حنا نبيعوه
ههههههههههههههه
و حكايات و حكايات........
حاجا اهم من كلشي
قراءة القرآن والذكر
و صلاة التراويح
الحمد لله يا ربي
رمضان اللي فات ختمت 3 ختمات
و جامي راطيت صلاة التراويح
و الحمد لله 30 يوووووووووم
فوتو فالدرا
لا خرجا لا دخلا
من جهة السخانة
و من جهة اخرى الصوم
و من جهة نرتاح من براااااااااا
ههههههههههههههه
راني طولت عليكم
هاذي حكايتي مع رمضان
راني نقارع لكل واحد فيكم
يحكيلنا حكايتو مع رمضان و كيفاش يفوت نهارك؟؟؟؟؟
اليكم الخط
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يومك سعيد نتي و كل اعضاء المنتدى
يقولو عنا مين يجوع يتفكر الوعدة
ربي يبارك فيك ختي غادة
راكي رجعتيني و فكرتيني في يمات رمضان
ايييه بنتوا خاصة و جامي كيفو وقت من لوقات
زعمى الشاشرا يديرونجوك
حنا والو ممنوع اللي يتوشي حاجة
اللي يبغي فقط يشوف بعينيه
الماكلا بعد المغرب
فقط دائما يديرو بعد الافطار الاندلسي في التيلي نكونوا في الدار لاهيين مع الحريرة
وزيدي الطاجين و زيدي البوراك و لا المعقودة
شا نقولك
مي دركا رانا في الصيف
لناس يعمروها ما و قازوز
نطيبوا و كلش يبقى للسحور كيما هو
المهم يكمل الفطور الناس يروحو للقهوة و الشامية او قلب اللوز و ختك تقعد مع الماعين
مرات يكملولها حقها نتاع الشامية و مرات تدس
ماعليش
مرات نروح مع أمي نصلي التراويح و مرات نكون مبلوكيا نقعد في الدار
و السهرة مليحة مع التفراج
المهم الهدرة بزاف و شا نقولك فكرتينا بيه يعني رمضان ، الله يسعد أيامك و كيما يقولوا الكبار ربي يفكرك بالشهادة
غادة ختي و بنت بلادي ربي يحفظك و يخليلك والديك و حاوتك الشاشرة و الشيرات ههههههههه
أيا تبقلي على خير
راهم جاو اللي يحرموا عليا النت
السلام عليكم الى الملتقى
__________________________________________________ __________
>>>> الرد الثاني :
السلام عليكم أختي غادة
ربي يخليك و و يبارك فيك على الموضوع
أولا باب الحارة و لا الأتراك راهم ليكم ههههههههها
فكرتينا في رمضان
بصح ماعليش راه قريب
ربي يحيينا و نصوموه و نقوموه و ناكلوا أشهى الأطباق
فقط في هذا العام اللي فات راكي عارفة السخانة اللي جات ، لا تطاق ، الله يدوم النعمة ، مكيف الهواء يخدم حتى طاب
المهم
أنا من محبي الحريرة نكمل غرفية و يليق تكون ملانة ههههههههههه
البوراك ، المعقودة ، السلايط ،و الطجين الحلو انقط منهم شوي شوي
الماء و القازوز ما نكثرش هههههه
أول من يشرب القهوة هو أنا .......ثم ثم نبدى شوب نتاع قهوة و نريح بعيد على المايدة و نبدى نشرب
نقابل التراويح في السعودية او كاش سكاتش في دزاير
نبغي قلب اللوز او الشامية نقولولها عنا
الزلابية شوي
ليام اللوالا تحلى الماكلة و من بعد نملوها
ليام التوالى يبداو يصنعوا في القاطو و العشا يولي كي والو وذاك الوقت نعرفوا بلب الفطر قرب و ذيك الزخرفة اللي موالفة تعمر المائدة بعد العيد تختفي
المهم تعجبنب التراويح نصلوها و مين نكملوا نريح مع صحابي برا و نقصروا مرات كنا نجيبوا الزوج
نتصحروا قبل الفجر و نقعدوا حتى نصلوا و من بعد نرقدوا و مرات نخرج مبكر من الدار
الشوارع خاوية تصفر
مرة جارنا قالي وين راهم الناس ،قط ماكان يسعى في الزنق ،قلتله راك عارف راهم راقدين ،قالي **بَبَا** يعني الخبز ، مين يغيب هكا يصرا في الشعب ههههههههه
ربي يبارك فيك على الموضوع
درك راني مليح لكن ربي يسمعنا الخير ،فقط أمي راهي مقلقتني بزاف
شكرااااااااااااااااااااااااااااااااااا
ســــــــــــــــــــــــــــــــــلام
__________________________________________________ __________
>>>> الرد الثالث :
اولا السلام عليكم وشكرا على الموضوع فكرتينا في رمضان ان شاء الله نكونو بخير وعافية بالنسبة لليوميات في رمضان بالطبع انا نقرا نروح على 8 نتاع الصباح ومنرجعش حتان 3 من بعد نصلي الضهر ونقرا شوية قرءان بعدها نوض ونتفتف شوية في الكوزينة هاكي تعرفي شربة فريك طاجين لحلو وشكشوكة من بعدها كي نخلصو من الطياب نروحو نتفرجو فرسان القرءان من بعد يلحق وقت الفطور نتلمو كامل على مائدة الافطار نفطرو واول شئ نبداو بيه التمر واللبن منبعد كي نخلصو الفطور نغسلو الماعن ونروحو نشوفو باب الحارة شوي من بعدها نصلو التراويح وكي نرجعو في السهرة ناكلو الفلان والزلابية وهدهي يومياتي باختصار شديد
__________________________________________________ __________
>>>> الرد الرابع :
المشاركة الأصلية كتبت بواسطة ghada91 
راك تتفرج في باب الحارة
و لا جمعي فاميلي
و تاكل:
حريرة +
طاجين زيتون +
طاجين حلو+
سلاطة بالطونة و المايونيز+
فلان+
دلاع و مشرووووبات
غاااااازية
مممممممممممممممممم:d
هههههههههههههههه:d
باش يفكركم هاذ ال menu؟؟؟؟
اكيد راح تقولي رمضان
ايه مالا نقولكم انو توحشتو بزااااااااااااااااااف
نعياو نطيبو نفس الطياب بصح
و الله ما تجي البنة كيما بنة رمضان
عندو ريحة خاصة و عندو جو خاص
تتجمع فيه العايلة مع الفطور و بعدو
و مع صلاة المغرب
نصلو صلاة الجماعة مع بابا
الله الله
و كي نكملو الصلاة يقعد يدعيلنا بدعوة الخير
و كي العادة يجو الشاشرة يجرو للطواجين :
شاطيبتو ؟؟؟؟؟؟
هههههههههههههههه
و يقضو على البوراك قبل ما نحطوه
و تسمعو عياطي فالدار
اخرجوووو من الكوزينااااااااااااااااااا
ههههههههههههههههه
و ذاك قلب اللوز مورا الفطور
ما نحكيلكش عليه
حكاااااااية
سيرتو كي نطيبو فالدار
يخرج رووووووووووعة
يقولولي فالدار ذوك نحللولك القاراج و تصنعينا قلب اللوز و حنا نبيعوه
ههههههههههههههه
و حكايات و حكايات........
حاجا اهم من كلشي
قراءة القرآن والذكر
و صلاة التراويح
الحمد لله يا ربي
رمضان اللي فات ختمت 3 ختمات
و جامي راطيت صلاة التراويح
و الحمد لله 30 يوووووووووم
فوتو فالدرا
لا خرجا لا دخلا
من جهة السخانة
و من جهة اخرى الصوم
و من جهة نرتاح من براااااااااا
ههههههههههههههه
راني طولت عليكم
هاذي حكايتي مع رمضان
راني نقارع لكل واحد فيكم
يحكيلنا حكايتو مع رمضان و كيفاش يفوت نهارك؟؟؟؟؟
اليكم الخط
والله فكرتنا فى رمضان
__________________________________________________ __________
>>>> الرد الخامس :
أولا أشكرك أختي لتألق في مواضيعك
وبعد نعطيك ملاحظة حول مواضيع ماتخافيش ملاحظة من الجانب النفسي فقط
بما يخص انا رمضان اهم شيء هي صلاة التراويح اللي نحب نركز عليها
بالنسبة للأكل والله ما يهمني واش دارو الفطور المهم تكون حاجة بنينة وخلاص
بالنسبة للبرامج التلفزيون كميرة مخفية أو أي شيء كوميدي
فقط حبيت نذكر عن السلف سابقا كيف كانو مع رمضان
اشتياق السلف إلى رمضان:
قال معلى بن الفضل عن السلف: 'كانوا يدعون الله ستة أشهر أن يبلغهم رمضان، ثم يدعونه ستة أشهر أن يتقبل منهم'.
وقال يحي بن أبى كثير: 'كان من دعائهم: اللهم سلمني إلى رمضان، وسلم لي رمضان، وتسلمه منى متقبلاً'.
وباع قوم من السلف جارية، فلما قرب شهر رمضان رأتهم يتأهبون له ويستعدون بالأطعمة وغيرها فسألتهم؛ فقالوا: 'نتهيأ لصيام رمضان'،
فقالت: 'وأنتم لا تصومون إلا رمضان؟!! لقد كنت عند قوم كل زمانهم رمضان، ردوني إليهم'.
البقية: فلتلهج ألسنتنا بهذا الدعاء .. اللهـــم بلغنا رمضـــــان
وشكرا أختي غدى على تألقك
تقبلو مروري
رد مع اقتباس
