سن اليأس من الوظيفة العمومية........... قضايا اجتماعية

[سحر البوغديري]

عنوان الموضوع : سن اليأس من الوظيفة العمومية........... قضايا اجتماعية
مقدم من طرف منتديات العندليب

سوق العمل في الجزائر تزداد سوءا خاصة في الوظيفة العمومية فكم ينتابك الأسى و الأسف لما تدخل مسابقة مفتوحة لمنصبين أو ثلاثة حتى خمسة على

أقصى تقدير ....
في المقابل تجد أن عدد المترشحين لهذين المنصبين يفوق 700 مترشح ....... .معادلة توظيف لها حل وحيد ...وهو نجاح مترشحين من أصل 800

وكثيرة هي الأمثلة .......

لكن ما زاد في الأمر سوء هوتحديد السن في العديد من الوظائف التي تكون فيها المناصف متعددة كالشرطة التي كانت تقبل بالمترشحين حتى سن 35 والحماية المدنية و الجمارك .....

و أخيرا الوظائف التي أصبحت تحدد السن أقل من 28 في القطاعات الأخرى ....وها هي سوناطراك تطلب سن 30.

فهل ياترى الشاب يكون قد وصل لسن اليأس من الوظيفة العمومية ببلوغه الثلاثين ؟


تحياتي ولكم النقاش .......مفتوح ...صح رمضانكم ومرحبا بكم


--------------------تنبيه ---------------------------------------------------------------------------------

الموضوع يتكلم عن الوظيفة العمومية حتى لا يفهم من كلامي أنه تشكيك أو يأس من رحمة الله و الرزق المكتوب

وللعلم أنني لم أتجاوز الثلاثين سنة بعد


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم اخي مراد صحا فطورك خويا
وما تتقلق ما والو المكتوب عند الله ورزق حد ما يديه حد صح راني معاك الخدمة في بلانا ولات بشرزط كبيرة ولما تتقدم وتكون عندك مؤهلات وشهادات لكن فالمقابل ممكن يتوظف شخص ما عندو لا علاقة لا بالشهادة ولا بالتأهيل فقط المعرفة والرشوة خلاو هوصل للماكن اللي هو فيه نحكيكل حاجة خويا جراتلي ليا قبل ما نمرض وتدهور حالتي كنت قادرة نعمل رحت للبلدية ن كانو يبعثو بنات يخدمو فالبريد انا والدي متوفي وما عندي حتى عائل من غير والدتي وكنت ندرس فاجامعة وعندي شهادة الباكالوريا وشهادة الإعلام الآالي تخيل يختارو وحدة كانت تدرس معايا في نفس القسم مستوى 3 ثانوي وعندها الله يبارك فالدار بزاف رجال خاوتها قاجرين يخدمو عليها وزيد شهادتها نتاع الإعلام الآلي من عند الخواص وانا من عند الدولة وهي قبلوها وانا لالا علاه لأانو رئيس ابلدية فاميلتها شفت بلادنا كيفاه تمشي المهم الرزق على الله خويا وشكرا

__________________________________________________ __________

>>>> الرد الثاني :

المشاركة الأصلية كتبت بواسطة مريم الصابرة السلام عليكم اخي مراد صحا فطورك خويا وما تتقلق ما والو المكتوب عند الله ورزق حد ما يديه حد صح راني معاك الخدمة في بلانا ولات بشرزط كبيرة ولما تتقدم وتكون عندك مؤهلات وشهادات لكن فالمقابل ممكن يتوظف شخص ما عندو لا علاقة لا بالشهادة ولا بالتأهيل فقط المعرفة والرشوة خلاو هوصل للماكن اللي هو فيه نحكيكل حاجة خويا جراتلي ليا قبل ما نمرض وتدهور حالتي كنت قادرة نعمل رحت للبلدية ن كانو يبعثو بنات يخدمو فالبريد انا والدي متوفي وما عندي حتى عائل من غير والدتي وكنت ندرس فاجامعة وعندي شهادة الباكالوريا وشهادة الإعلام الآالي تخيل يختارو وحدة كانت تدرس معايا في نفس القسم مستوى 3 ثانوي وعندها الله يبارك فالدار بزاف رجال خاوتها قاجرين يخدمو عليها وزيد شهادتها نتاع الإعلام الآلي من عند الخواص وانا من عند الدولة وهي قبلوها وانا لالا علاه لأانو رئيس ابلدية فاميلتها شفت بلادنا كيفاه تمشي المهم الرزق على الله خويا وشكرا

شكرا مريم الله يفرج عليك و يكون لك عون و يعطيك أجر الصبر

لا لاأقصد أن مكتوب ربي أنه ينقطع الحمد لله ......لكن من حق الشباب أن يتفاءل أو يتحسر على الوضع ......و ترى متناقضات كبيرة جدا .........المكتوب يلحف لكن إطمئنان القلب في هاته الحياة يكون بإتخاذ الأسباب ...ووجود الفرص ...

__________________________________________________ __________

>>>> الرد الثالث :

المشاركة الأصلية كتبت بواسطة morad81 لا لاأقصد أن مكتوب ربي أنه ينقطع الحمد لله ......لكن من حق الشباب أن يتفاءل أو يتحسر على الوضع

السلام عليكم اخي اكيد المكتوب حاجة وربي ما قالناش أبقاو في بيوتكم لازم نسعاو ونخدمو نكسبو رزقنا لكن خويا واش دير راهم هم المسؤولين وإحنا ولفناهم ما نهدروش على حقنا لأانو زمان كان صاحب الحق معاه كل الناس اليوم صاحب الحق مدان
ربي يجيب الخير خويا وربي يرزقك الوظيغة اللي تليق بيك موفق

__________________________________________________ __________

>>>> الرد الرابع :

المشاركة الأصلية كتبت بواسطة مريم الصابرة السلام عليكم اخي اكيد المكتوب حاجة وربي ما قالناش أبقاو في بيوتكم لازم نسعاو ونخدمو نكسبو رزقنا لكن خويا واش دير راهم هم المسؤولين وإحنا ولفناهم ما نهدروش على حقنا لأانو زمان كان صاحب الحق معاه كل الناس اليوم صاحب الحق مدان ربي يجيب الخير خويا وربي يرزقك الوظيغة اللي تليق بيك موفق

شكرا يعطيك الصحة وربي يشافيك بفضل هذا الشهر الكريم......تحياتي مريم

__________________________________________________ __________

>>>> الرد الخامس :

اذا ربي كتبنا نخدمو تماك رانا نخدمو قبل داك اللاج و اذا ربي ما كتبناش تماك راه مكتبنا رزقنا في جيهة اخرى تجارة أو حرفة اخرى
المهم ما لازمش يصرانا كيما داك العود لي دايريله القيد غطوه عينيه وخلوله غير اتجاه واحد شوف فيه