عنوان الموضوع : فهموني يرحم والديكم من قضايا الساعة
مقدم من طرف منتديات العندليب

سلام واش راكم.راح نحكي على حاجة راهي مقلقتني بزاف و الصح راهي محبستلي راسي و مافهمتهاش كنت نقرى في وحد المنتدى على موضوع العلاقة بين الزوجة و والدين الزوج معنتها هل واجب انو تخدميهم انا الصح تخلعت من ردود شي ناس و الي خلعتني كثر هي يجيبولك الهدرة بالشرع و الدين معنتها انو الزوجة راهي دايرا مزية في والدين راجلها كي راهي تخدم فيهم و كاين وين وصلت انو شي نسا قالو انو المراة اذا كانت تسكن وحدا نوغمالمو الراجل يدي اذنها اذا امو تقدر تقعد عندو يامات و هي بلاك تقبل و بلاك ماتقبلش و تقدر حتا و تكون امو ولا باباه مريض ماتخدمهمش و عادي و اذا خدمتهم فهذا لكرم اخلاقها اودي علابالنا بلي مكانش قانون يجبر واحد باه يخدم واحد مي ماتقولوليش اذا خدمتيهم راكي ديري في مزية اذا انتي راكي دايرا فيهم مزية امالا راجلك واش راه داير فيك كي تزوج بيك و داك لدارو انا مانيش ملاك و لا نهدر بمثالية زايدة ولا حتا مانبغيش نسكن روحي مي باه توصل وحدا باه تخمم تخمام كيما هكا امالا الدنيا هاذي صح ماولاتش دنيا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم أختي

نعم هناك كثير من يقول هذا وربي يهديهم وكاين اللي جيب الدليل من الشرع يعني ان ليس هناك اي شيء يأمر الزوجة بخدمة والدين الزوج


لكن انا نقول بما ان هذه الزوجة تقول لا يوجد في الشرع ما يأمر يعني انتي تحبي تطبقي الشرع


إذا الشرع يبيح للزوج ان يتزوج اربعة نساء لمذا تمنعيه من أن يتزوج عليك بما انك تريد ان تطبقي شرع ربي


أو تطبق شرع ربي إلا في الشيء اللي تساعدها برك والله ربي يهديهم


كذالك خدمة والدين الزوج راه في أجر وكذالك راح يرضى الزوج عليك وكذالك الزوجة يوم ما تصبح عجوزة وتجد من يتهلا فيها


تقبلو مروري

__________________________________________________ __________

>>>> الرد الثاني :



__________________________________________________ __________

>>>> الرد الثالث :

هاذيك عند الحنابلة لي جابوها

للجزائر الاخوة السلفيين من السعودية

__________________________________________________ __________

>>>> الرد الرابع :

سلام عليكم
حبيت نقول لي حطا روحها دير مزيا في والدين راجلها
كيما انتي عندك والديك و عزاز عليك
تاب هوعندوا والديه وعزاز عليه
والله لوكان كل وحدة تحط والدين راجلها كي والديها
والله غير تعيش هانيا
انا يما كي قسموا عمومي شرطت جي نانا معانا
قاتلنا انا كانت ماعنديش نانا و كنت نحس بالنقص
ماحبيتش ولادي يحس بنفس النقص
والله يما كانت عزيزا عند نانا و تعاملها خير من عمتي و يما تاني
واحنايا حسينا بحنانت نانا

__________________________________________________ __________

>>>> الرد الخامس :

انت باينة عايشة مع مرت خوك و هي قبيحة و تحقر فيكم انت و يماك
ههههههههههههههههههههه
و الغيرة هي لي راهي تهدر فييييييييييييييييك