عنوان الموضوع : متسويلون ام محتالون ........
مقدم من طرف منتديات العندليب

سلام عليكم

ما تستخربوش من العنوان


هي حقيقة مرة


شيئ لخلاني نكتب هذ الموضوع هو

( متسحيلون)

متسولون + محتلون

المهم

منذ يومين كنت نمشي في سوق حتي شفت طلابة يعني متسولة تتكلم في التلفون بورتابل

شيئ غريب متسولةتتكلم في تلفون وزيد البورتابل لكانت تتكلم فيه يسوى تقريبا 7500دج

من أين لها هذ

وحالة الثانية هذي قاتلهم روح تربحوا

هذ واحد راجل معه ولد الله العم اذ كان ولدوا

هذ زعما مايشوفش أعما وهذك لولد ديما به زعما عينه

المهم

هذي في رمضان قبل عام كنت نميش حتي شفت هذك أعمي في يدوا بورتابل وكتب في نمروا

أعمي واش يدير بتلفون

والله غير راسي حبس حال عين وحدة وكتب في نيمروا

والله غير عجب

هذي تاع متسحيلون

************************************************** ********************

أما هذ القصة حبستلي راسي

هذي مليهاش بزاف خويا كان راجع من الخدمة انتاعوا حتي شاف واحد جان .لباس بيه

دارب فيها حطة يحوس في القمامة ... زبلة أكرمكم الله

حتي عيطلوا خويا قالوا يخي راك لباس انت قاعد تحوس في القمامة

قالوا هذك انا راني زوالي راه طيحا بيا ومالقيتش واش ناكل

قالوا والله منقدر نطلب في ناس قالوا ناكل من القمامة وما نطلبش

يعني فهموني

ضرك

الفرق يبين هذ وهذ

واقسم بالله ما زدة حاجة من عندي

والله غير راسي حبس منهم هذ الناس




ولكم التعليق



وشكرا





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم اخي ههههه والله ضحكتني ما تنخلع ما والو انا سبق وكتبت موضوع على المتسولون لكن طلبت آرائهم كان يمدو الدراهم او لا
نحكيلك انا مرة جات فتاة والله صدقني الحوايج اللي لابتهم من الغاليين ودايرة ماكياج ومتهلية في روحها واش نقولك طبطبت في باب دارنا وطلبت الصدقة الصراحة انا نقولها قتلها ختي علاه ما تروحيش تخدمي راكي صغيرة وبصحتك ما تخافيش طبطبي فالبيوت ممكن يفتحلك شاب او شباب ما يخافوش ربي ويتعداو عليك قاتلي اواه ما نروحش نخدم وجاوبتني بالفرنسية الي ندخلها في نهار خير من الشهرية اللي نستناها الشهر كامل
قتلها وي عندك الحق إستنايني دقيقة نبدل حوايجي ونجي معاك هههههههه ياخي حالة ربي يهديهم رجعت مهنة وممكن قريب المهنة هذي تولي قانونية ربي يستر

__________________________________________________ __________

>>>> الرد الثاني :

المشاركة الأصلية كتبت بواسطة مريم الصابرة
السلام عليكم اخي ههههه والله ضحكتني ما تنخلع ما والو انا سبق وكتبت موضوع على المتسولون لكن طلبت آرائهم كان يمدو الدراهم او لا
نحكيلك انا مرة جات فتاة والله صدقني الحوايج اللي لابتهم من الغاليين ودايرة ماكياج ومتهلية في روحها واش نقولك طبطبت في باب دارنا وطلبت الصدقة الصراحة انا نقولها قتلها ختي علاه ما تروحيش تخدمي راكي صغيرة وبصحتك ما تخافيش طبطبي فالبيوت ممكن يفتحلك شاب او شباب ما يخافوش ربي ويتعداو عليك قاتلي اواه ما نروحش نخدم وجاوبتني بالفرنسية الي ندخلها في نهار خير من الشهرية اللي نستناها الشهر كامل
قتلها وي عندك الحق إستنايني دقيقة نبدل حوايجي ونجي معاك هههههههه ياخي حالة ربي يهديهم رجعت مهنة وممكن قريب المهنة هذي تولي قانونية ربي يستر




شكرا أختي



المشكل ليس هنا المشكل هذ الناس رهم يفسدوا علي فقراة ومحتجين تاع الصح

وهذ لمقلقني

انا والله غير نحب نعاون فقراء

بصح هذ نوع من ناس عادة يخلطلي حسابات وعدة نكره نمد حتي 5دج

وشكرا




__________________________________________________ __________

>>>> الرد الثالث :

انا لوكان نحكيلكم عندنا جارتنا تروح المقبرة بالجمعة تتطلب لوكان تشوفوا دارها طيحوا تتغاشاو كل عام تسبخ ب 10 ملاين وزيد تبدل فراش دارها تشري غير تع مليون وزيادة زنزيدكم ماتروحش المارشي تشري بل تروح الحوانت الغالين وزيد عندها فاميلتها قاع مرفهين لي تروح ليه يعطيها غير بالمليون والله وليت كي نشوف واحد يطلب نجي نعطيلوا ابعد قول وقيلة مايسحقهاش لي محتاج عمروا ويلا يمد يدوا وتصيبو صابر ياربي اعطينة القناعة

__________________________________________________ __________

>>>> الرد الرابع :

السلام عليكم
أصبح الواحد منا لا يفرق بين المحتاج فعلا ومن يدعي ذلك لكن وفي رأيي وكما أعمل أنا أحيانا
نمدلو لكتبها ربي وننويها صدقة لوجه الله وما يهمنيش إذا كان يمثل أو كان متسولا حقيقة
وزد أنا أصبحت أرى أن المتسولين لايقبلون اللباس والخبز بل يقبلون الدراهم فقط
هذا الذي يبقى محيرا
وعلى كل حال من يخدع الناس فهو يخدع نفسه ويعصي ربه
اللهم اهدنا وثبتنا على هدايتك
شكرا لك على الموضوع
احترماتي

__________________________________________________ __________

>>>> الرد الخامس :

السّلام عليكم

ولأنّنا في زمن غطت الأغلبية على الأقلية

فقد اختلطت الأمور

لهذا نعمل بالنية ونخليها على الله

بارك الله فيك