عنوان الموضوع : حقي من ذاك الكبش قضايا المجتمع
مقدم من طرف منتديات العندليب

السلام عليكم جميعا كيف احوالكم؟
يا جماعة هدرنا على الكباش وغلاهم واللي قادر يشري واللي ماراهش قادر
نحكو ضرك على اللي خاطبين والمخطوبات
الشباب اللي خاطبين هل مفروض عليكم تدو ا المهيبة او ما يسمى حق الخطيبة من الكبش وكان عندكم العادة هذي
لبنات اللي مخطوبات يعني لو خطيبك ما ذبحوش وما عندوش هل لازم يجيبلك حلجة اخرى يعني مفروض عليه
الصراحة انا نشوفها زيادة مصاريف وحتى يعني حقها نتاع الكبش هذي ما علاباليش منين جابوها يعني هل مذكورة فالقرآن لأنو صراحة نأمن باللي فالقرآن وبرك شكرا النقاش لكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله اعلم مكانش منها حق الخطيبة هذي اطلاقا

__________________________________________________ __________

>>>> الرد الثاني :

المشاركة الأصلية كتبت بواسطة مـجيد
الله اعلم مكانش منها حق الخطيبة هذي اطلاقا

السلام عليكم اخي
في مناطق كاينة عندنا العادة هذي يجو فاليوم الثاني الخطيب وأمو ويجيبو حق الخطيبة مع هدية ممكن لباس او عطر او أي شيء


__________________________________________________ __________

>>>> الرد الثالث :

تقاليد تاعنا جايحة قاع أوتبهدل ثانيك ،

__________________________________________________ __________

>>>> الرد الرابع :

تخيلو لو أمريكي أو فرنسي مسلم يخطب وحدة جزائرية

لما يلحق عيد الأضحى يطلبو منو المهيبة يعني حقها كيما نقولو نتاع اللحم يحبس من مخو


يقلهم أعطوني رقم الآية اللي في القرآن التي تتحدث عن هذا



ربي يهدينا

__________________________________________________ __________

>>>> الرد الخامس :

المخطوية عندها حق واحد انها على رأس قائمة الزواج عند الرجل ههه......................انا نديلها سهمها ونعرض روحي عندهم نذوق الطياب كي تسمع بالفكرة تقلي شد اللحم عندك بطلت ههه

واش رايكم ؟؟؟