عنوان الموضوع : كلكم فاشلون وفاشلات إجتماعيا قضايا المجتمع
مقدم من طرف منتديات العندليب







السلام عليكم جمعا اتمنى أن تكونو بألف خير

اولا أريد منكم الدعاء لي حتى تخف الآلام عني واكون شاكرة لكم جميعا عفوا على العنوان المستفز
موضوعي لهذا اليوم هو موضوع يدور في أسرنا كلنا حيثما يوجد الذكر وتوجد الانثى في البيت هنا الاكيد ظاهرتي التي سوف نتناقش حولها تكون موجودة
كثيرا منا عندما ينجز عملا ما ويفرح به ولو يكون بسيطا جدا وتهرول لتخبر به افراد الأسرة او حتى تنجزه امامهم ولو انك ناجح به بينك وبين نفسك



سوف اتكلم عن كسر المعنويات
أهالينا مرات وانت تشجع نفسك وترفه معنوياتك فتاتي عليك الكارثةكلام كالزلزال يحطم المعنويات
لو فتاة قامت بطبخ امر ما تاتي الأم
واش هذا عفن او فن وللياتك راهم يطيرو
هذا على اساس إنو البنات حمامات يطيرو وانا دجاجة باقية فالأرض
اما كان غسلت الاواني او الملابس واحسرتاه الام واقفة عند الراس وتعاير ببنت الجيران اللي اصلا يديها ما يموسوش الما



نرجعو للشباب اللي هم ياخدون الحظ الأوفر من تكسير المعنويات وطبعا الأم دائما مشجعة لهم والأب هو الذي البطل في تكسير المعنويات
ياتي الشاب بمشروع ما
الأم هايل وليدي احسب شعال يطيح وشوف صاحبك وكذا وكذا
يجي الأب
اقعد بلاصتك فاشل وين تروح روح شوف وليد فلان قافز من عمرو 8 سنين
شوف فلان متزوج وراه بولادو إنت اللي ديرها ما تخرجش عليك ريح كيما راك
كان بغا يتزوج يجي ليهم زوجوني
وتنوض الحرب خصك زواج روح تخدم كي سيادك وين راهم الدراهم نتاع الخطبة والخاتم والعرس والقاطو والكبش




ناقشت الموضوع بالعامية حتى اوصل الفكرة لكم
كثيرا ما يأتي اولادنا بافكار او بمعنويات مرتفعة ويأتي اوليائنا ربما لأننا عودناهم على فشلنا لن يثقو في إمكانية نجاحنا في أي مجال فهم يلقون عجز في فهم املنا في النجاح
او حتى لا يتقبلون فكرة محاولتنا رغم الفشل



نقاشكم

هل تجدون أننا السبب في فقدان الثقة بيننا وبين اهلنا في خصوص نجاحنا؟
هل أهلنا عندما يحطمون معنوياتنا هل يفكرون انهم بذلك يفكرون في نفسيتنا وفي مستقبلنا ؟
أنتم هل تعرضتمم لهكذا مواقف ؟ أرجو أن تقصو علينا تجاربكم مع تحطيم المعنويات
الشباب هل بينكم وبين الوالد تلك المساحة لتحطيم المعنويات ؟؟
البنات هل لديكم تجارب تحطيم المعنويات والنصيب من كلام زائد حول فشلكم كل مرة؟
كالعادة اختكم مريم طرقت أبوابكم للدعاء فأرجو أن لا تبخلو علي
شكرا للجميع











>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
مرحبا بك ليليا ههههه كنت حاسبة أسمك مريم ههههه
اصبري ليليا واحتسبي قلوبنا معك
ودعواتنا لن تفارقك
تفكري أختك الأثر الجميل بلي راي تدعيلك صباح، نص نهار ،مساء، ليل.
صدقيني ليليا وراني نقولها من قلبي
لوكان جيت نقدر ...ندي المرض في بلاصتك وترجعي أنت صحيحة
صديقتي راني حاسة بيك

بالرجوع لموضوعك هههههه راني نعاني مع تطياح المورال بزااااااااف
نروح من الخدمة ميتتة
نلقى المواعن تستنى فيا...رغم أنهم هوما اللي تغداو هههه
وإذا منعت من لمواعن ...أكيد العشاء راو يستنى هههه
واش نقولك مريومة
في الويكاند تدي أختي راحة ونعوضها أنا هههههه
وأرواحي تشوفي خاوتي
كي نكمل التسياق والفريز وكل حاجة في بلاصتها ونقول الحمد لله كملت
يجي التسونامي تاع خاوتي
اللي خدمتوا في نهار كامل...يتخرب في 15 دقيقة هههه
وفوق هذا كيما تريكلامي
يقولك واش تديروا....ياخي نهار كامل ونتوما قاعدين هههه
يا ليليا تقولي...نهز الحاجة اللي قدامي ونضربوا بيها هههه
موضوع رائع
يعطيك الصحة
باين عليك زدت شريتي مغناطيس واحد ههههههه


موضوعك والله هايل


[/IMG]





__________________________________________________ __________

>>>> الرد الثاني :

السلام عليكم اختي مريم
دعواتي لك بالشفاء العاجل
والله راك حطيتي يدك على الجرح
اسكتي برك متفكريناش اخخخخخخ
رانا نعانيو من هذا المشكل بزاف خصوصا من الامهات هههههههههه
ديري حاجة وتوريهالها تهبطلك معنوياتك لاقصى درجة خصوصا في الطبخ والله امي ذوقها صعيب ميعجبهاش العجب هههههه
لازم تنتقد متسكتش خلاص
وزيد يكملو عليك خاوتك يقلك لاه واش راكي ديري راكي تصنعي في الصواريخ اخخخخخ

__________________________________________________ __________

>>>> الرد الثالث :

المشاركة الأصلية كتبت بواسطة الأثر الجميل
السلام عليكم
مرحبا بك ليليا ههههه كنت حاسبة أسمك مريم ههههه
اصبري ليليا واحتسبي قلوبنا معك
ودعواتنا لن تفارقك
تفكري أختك الأثر الجميل بلي راي تدعيلك صباح، نص نهار ،مساء، ليل.
صدقيني ليليا وراني نقولها من قلبي
لوكان جيت نقدر ...ندي المرض في بلاصتك وترجعي أنت صحيحة
صديقتي راني حاسة بيك

بالرجوع لموضوعك هههههه راني نعاني مع تطياح المورال بزااااااااف
نروح من الخدمة ميتتة
نلقى المواعن تستنى فيا...رغم أنهم هوما اللي تغداو هههه
وإذا منعت من لمواعن ...أكيد العشاء راو يستنى هههه
واش نقولك مريومة
في الويكاند تدي أختي راحة ونعوضها أنا هههههه
وأرواحي تشوفي خاوتي
كي نكمل التسياق والفريز وكل حاجة في بلاصتها ونقول الحمد لله كملت
يجي التسونامي تاع خاوتي
اللي خدمتوا في نهار كامل...يتخرب في 15 دقيقة هههه
وفوق هذا كيما تريكلامي
يقولك واش تديروا....ياخي نهار كامل ونتوما قاعدين هههه
يا ليليا تقولي...نهز الحاجة اللي قدامي ونضربوا بيها هههه
موضوع رائع
يعطيك الصحة
باين عليك زدت شريتي مغناطيس واحد ههههههه


موضوعك والله هايل


[/IMG]

السلام عليكم اختي بارك الله فيك وشكرا على كل شي
والله أعلم مدى تفاعلكم مع حالتي وربي يجازي كل واحد فيكم يا رب
انا عندي اربع اسماء لخرين من بعد تعرفيهم مريم فالمنتدى ووليت برا يعيطو قدامي مريم نقولهم نعم
ربي يفرحك
نرجعو للموضوع وآآآآآآآآىحوجي واش نحكي واش نخلي امي لو نطيب كل ما اشهى وطاب ولما تلقى كاش وحدة تشكر في أختي المتزوجة وانا تقولهم كانت بطاطا وما تقلهاش يعني عييت نقولها كان فعل ماضي ناقص اهدري على المضارع مسكين راح ينتحر ووالو
اما الخاوة انا ما راهمش معايا ماكانش لما كانو واش نحكيلك كيما قلت فيضانات نتاع عفن الحمد لله ذيك الفترة كانت اختي انا كنت نقرا وناكل ونرقد بعدها خرجت فيا دعوتهم لما تزوجت اختي فترة قصيرة وراحو كامل وبقيت وحدي من جهة تهنيت من عفنهم ومن حهة نقول يا ريتهم بقاو معليش نخدمهم على الأقل كاين لمة فالدار
لكن امي بسلامتها تعوض عشرين تعلق وتعاود واش نديرو الله غالب
صدقي مرة جارتنا صغيرة بدات تتعلم طيب بعثتلي كارنطيطا تعرفيها نورمالو والله يا اختي ما تعرفيش كامل واش هي حمص او طمينة او رايب او مرقة خاسرة المهم امي نهار كامل شوفي قد بناتك واش دارت الطياب والشطارة قتلها علاه انا شكارة نسيتي كامل واش كليتي من عندي ههههههه هذوك شكون طيبهم الجنون
والفنا التعاليق انا نقول يكسرونا معنوياتنا حتى نتعلمو أكثر
شكرا وشرفني ردك بارك الله فيك


__________________________________________________ __________

>>>> الرد الرابع :

المشاركة الأصلية كتبت بواسطة asosa
السلام عليكم اختي مريم
دعواتي لك بالشفاء العاجل
والله راك حطيتي يدك على الجرح
اسكتي برك متفكريناش اخخخخخخ
رانا نعانيو من هذا المشكل بزاف خصوصا من الامهات هههههههههه
ديري حاجة وتوريهالها تهبطلك معنوياتك لاقصى درجة خصوصا في الطبخ والله امي ذوقها صعيب ميعجبهاش العجب هههههه
لازم تنتقد متسكتش خلاص
وزيد يكملو عليك خاوتك يقلك لاه واش راكي ديري راكي تصنعي في الصواريخ اخخخخخ


السلام عليكم اختي اسوسة شكرا على الدعاء ربي يفرحك يا رب
والله مشكل تحطيم المعنوات نشوف إنو من الأم اكثر من الأب اللي هو يعلق على إبنو الرجل
اما الطبخ شوفي هي الماكلة ياكلو مالح مسوس حلو او مر لما يكملو يعلقو هوما يشبعو وياكلو ويغسلو الطبسي ويبداو التعاليق والامهات عمرهم ولا تقولك هايل او مليح ديما حاجة ناقصة وهنا سر الأم حتى تعلم بنتها وتروح لدارها متعلمة
ربي يخليلك الوالدة يا رب
اما الخاوة والله انا كانو يقولو واش تخدم فالصوارخ نقولهم لالا بونبات يطرطقو عليكم
شكرا


__________________________________________________ __________

>>>> الرد الخامس :

السلام عليكم
موضوع واقعى فى حلة رائعة كما عودتنا الشريرة عفوا المبدعة مريم
المهم انا فراييى اكبر ناس يطيحو المورال هم العائلة البعيدة يعنى الاقارب يستغلوا انك تكون فى مناسبة اجتماعية ويقومون بضغط عن النقطة الحساسة فى حياتك لدرجة انك تبطل الحظور فى المناسبات الاجتماعية


لويطيحلى المورال الوالد ههه راح نقولو هدا السبع من هدا الاسد وفقط ههه

ربى يشفيك