عنوان الموضوع : الزوالي محقور قضايا المجتمع
مقدم من طرف منتديات العندليب

كرهت بلادي لي فيها الزوالي القاري محقور و مول الشكارة موشي قاري مشكور و مشهور كرهت بلادي يعرفو فيها غير فلان و فلتان في بلادي لازمك تكون من ولاد لي ريش باش يعتبروك انسان في بلادي المدير و الوزير و المسؤؤول ما جابش السيزيام و القاري المتعلم يخدم كوردوني ولا راهو حال طابلة دخان في بلادي يغيظني الحال كي تعود الخدمة بلمعريفة باش تقولي ماهيش بلمعريفة محال كرهت بلاد الظلم و الاحتقار الواسطة و الاحتكار معرفناش وين راهم يروحو دراهم البترول و الغاز ؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

القضية يا أخي قضية حرقة

اما تحرق للبحور إما تحرق روحك أما تقعد محروق

المهم الحريق

__________________________________________________ __________

>>>> الرد الثاني :

صح فطورك اخي واتفهمك .
قصة واقعية فتاة ماكثة كرهت من شاب مش خدام ومماطلة اتصلت به ان يتزوجها وتاكل معاه لو كسرة وماء وتزوجها اعلم اخي بعد اشهر جاته خدمة وبعد انجاب عطاوه سكنة .

قصة حكاتهالي مرأة كبيرة في السن .
اتمنى فهمت مغزى قصة الرزق بيد الله.
اتمنى ان تفرج عليك اخي في الله .

__________________________________________________ __________

>>>> الرد الثالث :

اصبر خويا و انوصيك ما تعيف الخدمة و كونك شااااااااااااااطر اقفز ما تستنى الرزق ايجيك انت اسعى و روح ليه و شد في ربي ربي ما ايضيعك
و احسنو الظن بالله

__________________________________________________ __________

>>>> الرد الرابع :

المشاركة الأصلية كتبت بواسطة إيمان احمد
اصبر خويا و انوصيك ما تعيف الخدمة و كونك شااااااااااااااطر اقفز ما تستنى الرزق ايجيك انت اسعى و روح ليه و شد في ربي ربي ما ايضيعك
و احسنو الظن بالله

يا اختي

باريس ياعشقي الأبدي راه دارتنا مشكل ماتجي تطلع تطلع روحي راها تفسد الموضوع

__________________________________________________ __________

>>>> الرد الخامس :

المشاركة الأصلية كتبت بواسطة وليد1990
يا اختي

باريس ياعشقي الأبدي راه دارتنا مشكل ماتجي تطلع تطلع روحي راها تفسد الموضوع

شوف يا اخ وليد انت باين زايد في 90 ياك راك قد خويا الصغير

انا باريس لا عشقي الابدي و لا والو و الله درتها زكارة برك هاكا في ناس مي ما يكون الا خاطر انحيها راك في مثابت خويا المازوزي و طلباتو اوامر