عنوان الموضوع : التسلاف .. عندي و ما نمدش :d من المجتمع
مقدم من طرف منتديات العندليب

السلام عليكم
حبيت نهدر على التسلاف
المعروف غالبا بلي النسا هوما الي يتسلفو بزااف
هادا عرس سلفيلي روبة سلفيلي صباط سنسلتك ... الخ
بصح مام عند الرجال عندهم هاد العقلية يسلف vيسpا , طونوبيل , كوستيم يحضر بيه عرس .. الخ
***
التسلاف هادا نورمالمون يكون غير للحاجة الضرورية برك
متلا واحد محتاج دراهم لعملية ولا لكاش حاجة ضرورية لازم عليه يدبر دراهم مام ما يكونش عندو يتسلف وممبعد يرجع
بصح عندك عرس روحي بحوايجك , عندك صوالح روح فالكار وعلاش تسلف طونوبيل

***
هي فالحق دوكا ولى التسلاف نورمال و تقبلو المجتمع
بصح انا مازال ما تقبلتش هاد الفكرة كيفاش نسلف حوايجي تلبسهم وحدوخرا ؟؟
و خلينا على الحاجات الي ما يتسلفوش ..
انا نعرف تسلف الماعن كي يكون جارك عندو مناسبة , تسلف الدارهم كي يكون محتاج ,
الحاجة الي هو ما عندوش و محتاجها ضروري
اما ادا كان عندو البديل يقنع بلي عندو
يقولو ناس زمان : "المكسي برزق الناس عريان "
**********
واش رايكم نتوما ؟
كيفاش تشوفوها عادي ولا لالا؟؟؟



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة على الموضوع الباهي
الظاهرة هاذي كاينة تاع يسلفو القش وانا ملي كنت نحير مانتخيلش نفسي نسلف قش تاع واحد ونلبسو وفرحان
الحمد لله ماعنديش التسلاف أصلا لادراهم لاهم يحزنون ربي يرزقنا الكفاف
أظن تسلاف اللباس عند النسا بزاف سواء في لعراس ولا في غيرها ...


__________________________________________________ __________

>>>> الرد الثاني :

انا تبانلي واحد كي كون قريب ليك وبيناتكم علاقة وطيدة
عادي بالعكس نوقف معاه ونعطيلو واش يحتاج
كيما نحب نكون في احسن صورة نحبلو يكون كذلك
وماوش اي واحد
وهذي قناعة تختلف من شخص لاخر

__________________________________________________ __________

>>>> الرد الثالث :

المشاركة الأصلية كتبت بواسطة ولد حمد الباتني
يعطيك الصحة على الموضوع الباهي
الظاهرة هاذي كاينة تاع يسلفو القش وانا ملي كنت نحير مانتخيلش نفسي نسلف قش تاع واحد ونلبسو وفرحان
الحمد لله ماعنديش التسلاف أصلا لادراهم لاهم يحزنون ربي يرزقنا الكفاف
أظن تسلاف اللباس عند النسا بزاف سواء في لعراس ولا في غيرها ...


ايه يتسلفو و فرحانين ...
والله بكري كانت عند النسا بزاف , اما دوكا الرجال تانيت ولاو يتسلفو القمجة , الكرطاب , الباراسول , الكوستيم , الطونوبيل ’ التيليفون ساعات ...
شكرا على الرد


__________________________________________________ __________

>>>> الرد الرابع :

المشاركة الأصلية كتبت بواسطة nihale89
انا تبانلي واحد كي كون قريب ليك وبيناتكم علاقة وطيدة
عادي بالعكس نوقف معاه ونعطيلو واش يحتاج
كيما نحب نكون في احسن صورة نحبلو يكون كذلك
وماوش اي واحد
وهذي قناعة تختلف من شخص لاخر


مهما كانت الانسانة هادي قريبة ما نقدرش نعطيها تلبس روبتي ولا بيجامتي ولا تدي صاكي
ومهما كنت نحبها ونحبلها الخير و تكون في احسن صورة ما نقدرش نسلف
قناعتي هكدا
ربما كي ما عنديش اختي مانيش موالفة نلبس مع اي وحدة ههههههه ربما .
شكرا اختي على الرد

__________________________________________________ __________

>>>> الرد الخامس :

لا احب التسلاف ابدا على الانسان ان يعيش قدر رزقه الا ان اضطر لاجراء عملية مثلا