عنوان الموضوع : طلقت العروسة بعد ايام تم الاجابة
مقدم من طرف منتديات العندليب

اخوتي ملاحظته هاته الايام كثرت الطلاق للمتزوجات حديثا والسبب واضح
اريد بيتي لوحدي بعيدا عن اهل الزوج
انتم تعرفون حال اغلب الشباب ليس لديهم سكن خاص
والزوجات لا يفهمون ذلك
قبل الزواج تكون احلام كبيرة من الحب......................الى انجاب الاولاد
وبعدها بايام
تكون من سكني الخاص..........................................الى المحكمة والطلاق
افيدونا اخوتي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

و مشكل اخر

في مرحلة الخطوبة و الا تاني بعد العقد و كاين اللي كي يجيو للدار -الشوفة- المهم قبل العرس

الرجل يقول لزوجتو مثلا ماتخرجيش ماتلبسيش ماتخدميش ...

و هي تقبل مباشرة و واش راهي تخمم

كي نتزوج ندير رأي و نبدلو

يعني في الاول ماهيش قابلة بالشروط و تقبل من اجل الزواج فقط

و الا العكس تقولو نخدم نسكن في دار بابك

و هو يقولك كي نتزوجو نبدلها

و ايضا ماهوش قابل بالشروط تاعها

و بعد شهر شهرين المشاكل و ممكن توصل للطلاق

+

بزاف ينساو صلاة الاستخارة


ربي يستر علينا و صلوا على الرسول و ال الرسول

__________________________________________________ __________

>>>> الرد الثاني :

و انت الصادق .....لالالالالالا مش الاحلام كبيرة و الحب
شوف البنات وش عادوا يديرو خاصة الجيل تاع ذرك
يجيها واحد معندهاش غير قابلة......... مع دارنا اوكي تقولو داركم
هوما دارنا ......منخدمش نورمال معنديش نورمال تحبسي لقراية
عادي
اول اسبوع زواج كل اللي كان يصبح امامو سالب البنات كل
يقرو غير انا حبست ............البنات عندهم ديار وحدهم غير انا

باش اللي طاح على راسو يتكر من نيفو
واللي عندو مبدا يقولها هذا الوضع حبيتي تقبلي حبيتي داركم

عندي بنت جيرانا كيما هاكة بصح اللي دايها راجل عندها سبع
سنين كل يوم تنقرش حابة تسكن وحدها قالها شوفي يا بنت
الناس العيب الى كذبت عليك اول يوم خطبتك قتلك والديا حتى نموت
و الايموتو كل مرة تروح دارهم حتى استسلمت وحدها

__________________________________________________ __________

>>>> الرد الثالث :

ما اجمل الصراحة في اليوم الاول
لكن الطامة ان كلا الطرفين مستعد للكذب و قول نعم مع انه غير مقتنع من اجل الزواج فقط
و نسوا ماهية الزواج
ربي يسترنا
*

__________________________________________________ __________

>>>> الرد الرابع :

اوله شرط اخره نور

__________________________________________________ __________

>>>> الرد الخامس :

لازم النهار الاول يفهمها يابنت الناس انا عندي امي ثم امي ثم امي ثم اب نعيش معاهم حتى ندفنهم ولا يدفنوني بغيتي اوك مابغيتيش البنات راهم بزااااااااف بكل انواع والوان
كيفاش واحد والديهم رباوه وسهرو عليه وقلعو من رواحهم وزادو فيه ومن بعد تجي مرا في نهار واحد تبغي تنسيه في كلش
من المفروض اللي تقوله مرته ديرلي داري يقوللها انا ما مانسمحش فيها وعمره ماراح يندم لان الام ماتعوضها اي امراة بصح الزوجة في دقيقة يقدرو يعوضوها 4