عنوان الموضوع : قولولي واش ندير تم الاجابة
مقدم من طرف منتديات العندليب

السلام عليكم يا جماعة الخير كيف احوالكم؟
أنا كنت طرحت عليكم موضوع بنت خالي وكتبتولي ردود باارك الله فيكم الحالة مازالت هي هي لكن الجديد يا جماعة والله حرت جيت ندير الخير انا ويمى رانا في مشاكل مع زوجها ومعاها هي مريضة مرة على مرة كل ما يقولها كلمة فالهاتف تحاول تنتحر اليوم ربي ستر ولقيتها راحا ترمي روحها من فوق دارنا والمشكل انا مريضة وما نقدرلهاش صحتي قليلة الحمد لله يمى كانت فالدار قريب رماتني من الفوق واش ندير وليت نخاف نروح من الدار كاش ما دير في روحها ولو نخلوها تروح للشارع وقادرة تقتل روحها او كاش ما بلعبو بيها واش ندير حطيت امي وحطيت نفسي في مشكل وانا والله راني ن مريضة وما عرفت واش ندير وليست نسايسها دبرو عليا واش ندير وشكرا وإسمحولي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يفرج عليك اختي ويشفيك انت في موقف صعب

ربي يهدي والديها وراجلها هذاالمراة المسكينة

__________________________________________________ __________

>>>> الرد الثاني :

صبرا جميلا والله المستعان......................حولو ان تهدئو من روعها وان تذكروها بالله وان تخوفوها بمغبة قتل النفس والانتحار وان نار جهنم اشد حرا وعذابا مما فيه الان فكيف تهرب من عذاب او ابتلاء صغير غير دائم الى جهنم تخلد فيها وفيها عذاب عظيم .................... كاش نهار يلقا واحد فيهم يتفش فيه..

والله المستعان

__________________________________________________ __________

>>>> الرد الثالث :

ربي يهديها و يثبت فؤادها

أما زوجها و اهلها إذا صح يستاهلو هذه الكلمة

ربي ينتقم منهم

__________________________________________________ __________

>>>> الرد الرابع :

يا ليليا ختي قستيني,,,,ربي يفرج عليكم,شوفي المساعدة مليحة لكن لا يكلف الله نفسا الا وسعها.اذا شايفة صحتك وقدرة ماماك مش حمل هاد المشكل ,الافضل تأخذوها لمشفى لتعالج بالمهدئات,يظهرلي هادي عندها انهيار عصبي و احباط مزمن يلزملو الدوا و راني خايفة كاشما يصرا فيها عندكم و تحصلو مع مواليها و مع راجلها ديجا راه شاريهالكم.يا ختي اسمعي نصيحتي خذوها للمشفى او اعلمو الجهات الخاصة بأنها تشكل خطر على نفسها و وووو و الله أعلى و ‘أعلم.ربي يفرج عاجلا غير اجلا

__________________________________________________ __________

>>>> الرد الخامس :

المشاركة الأصلية كتبت بواسطة اميرة باحتشامي
ربي يفرج عليك اختي ويشفيك انت في موقف صعب

ربي يهدي والديها وراجلها هذاالمراة المسكينة

السلام عليكم اختي ربي يخليك اللهم آمين والله عييت وما لقيت واش ندير نقولها روحي ماشي جاية غيب وعارفة باللي لو راحت للشارع راحا تقتل روحها او تهمل وثاني بزاف الحالة اللي راها فيها مرات تكون مليحة تسمع القرآن ونحكي انا وهي وتولي عادي لكن هو راجلها يجي يديها او يعيط فالتلفون تولي في حالة اخرى ما فهمتش انا والطبيبة النفية قاتلي لو تبقى هكذا لازم ندخلها للمستشفى إتصلت ب والدها قالي ربي يسهل كي تموت ما تقولوليش علاه هذا واش دارت والله الطفلة عاقلة ونشهد على هذا قدام ربي هوما هبلوها باباها وراجلها شكرا اختي