عنوان الموضوع : خطيبي شخص غامض مشكلتي
مقدم من طرف منتديات العندليب

سبق ان طرحت مشكلا في قسم مشكلتي تحت عنوان انا لا احب خطيبي و هناك من لامني وقالولو لقيتي راجل و تتمسخري بيه المهم هنا اريد ان اشرح اشياء كثيرة و ارجو ان تتفاعلو معي
منذ خطبتنا في ماي الى الان جامي دارلي جاست مليح مثلا يعرضني على غدا او يشريلي هدية راه مشحاح بزاف لدرجة انو كي يروح معي للخدمة انا نسلك عليه الطرونسبور و هو كل مرة يقول انه راه يبني و عليه الدين و انا تفهمته بصح الهذه الدرجة اصبح الرجل يطمع في مال زوجته لا تصدرو حكما علي الان ضرك نزيد نفهمكم
وحد المرة قال لي افليكسيلي باش يدير العفسة تاع جيزي و نهدرو ساعتين انا صدمت كيفاش يقول افليكسيلي بصح احسنت لظن وقتها و فليكسيتلو تصورو والف وولا كل مرة يقولها حتى كسرت الشريحة و درنا موبليس
شحال من مرة ينتظرني كي نروح من الخدمة زعما باش يوصلني للبيت تصورو اكثر من 15 مرة ينتظرني ولا مرة شرالي حاجة لاشتة باطة فلوريدا
وحد الخطرة خرجنا رحنا نحوسو و لحق علينا الغداء وانا حشمت نقولو راني جعت ماخلاني نروح لدارنا ما سلكلي غدا بالعكس قال لي بكل وقاحة كاش ما عندك دراهم نتغداو بيهم
زيدو اسمعو هذي الضربة انا استاذة و كي سلكت الدراهم تاع المخلفات حوالي 10 ملاين قالي اعطيلي 7 ملاين نشري بيهم الشمبرة كوشي رفضت و اشتريت بيهم ذهب
وهذي المرة راني نستنا في الشطر الثاني تاع المخلفات راه مازال مصر نمدلو شوية منهم بحجة انه ماكفاشو روحو
يا ناس راني خايفة ما يمدليش الصداق تاعي على حساب الشوفة و لعلمكم راه خدام و يسلك كيما انا 3ملاين
ورغم هذا مانيش حابة نفسخ الخطبة خايفة من هدرت الناس و في نفس الوقت خفت منو بعد الزواج واش ندير براجل ما يهونش فيا لاشتة 10دج
و انتم خاصة البنات واش رايكم فيا نكمل معاه و لا نخبر بابا و لا كيفاش ندير


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

و الله هكذا كان خطيب اختي السابق لكنها فسخت الخطبة واش ديري براجل كيما هذا؟ بعد الزواج sur انتي اللي تصرفي عليه و على الدار ...
اختي اخبري والدك بكل شيء وافسخي الخطبة افضل و ماتديريش على هدرت الناس خطراكش كن تبعيهم ماتعيشيش
استاذة بقيمتك تتحملي شخص كيما هذا و تتقبليه؟؟
هذا رأيي و دبري راسك

__________________________________________________ __________

>>>> الرد الثاني :

المشاركة الأصلية كتبت بواسطة nouna l maghbouna
و الله هكذا كان خطيب اختي السابق لكنها فسخت الخطبة واش ديري براجل كيما هذا؟ بعد الزواج sur انتي اللي تصرفي عليه و على الدار ...
اختي اخبري والدك بكل شيء وافسخي الخطبة افضل و ماتديريش على هدرت الناس خطراكش كن تبعيهم ماتعيشيش
استاذة بقيمتك تتحملي شخص كيما هذا و تتقبليه؟؟
هذا رأيي و دبري راسك

بصح يا اختي هذا هو الديفو الوحيد لي فيه يعني مثلا فيه ايجابيات ماهوش تاع بنات و فحل هل من الممكن يتغير
وزيد ثاني راهي باني دار واسعة و راه يرمم فيها انا سوايع نقول بالاك كي راه يبني ما يحبش يبذر صواردو بصح راني مرتو و لازم يدللني شوية خطرة على خطرة اين المشكل كي يديرلي هدية لاشتة قرعة ديودورون تاع 20 الف

__________________________________________________ __________

>>>> الرد الثالث :

هذا نوع من االرجال هو الذي اعطى نظرة سيئة على الرجل اليوم افسسخي الخطوبة بسرعة

__________________________________________________ __________

>>>> الرد الرابع :

المشاركة الأصلية كتبت بواسطة MIWAKE
هذا نوع من االرجال هو الذي اعطى نظرة سيئة على الرجل اليوم افسسخي الخطوبة بسرعة

والله انا كون نصيب هو لي يقدم على هذا الفعل يا ريت هو لي يفسخ بصح ما لقاش فيا حتى ديفو خاطر راني متحملاتو و طايعاتو املا ان يتغير صراحة مانيش حابة جي من عندي و خايفة نكلم بابا يزعف مني و يبهدلني

__________________________________________________ __________

>>>> الرد الخامس :

المشاركة الأصلية كتبت بواسطة madoucha
بصح يا اختي هذا هو الديفو الوحيد لي فيه يعني مثلا فيه ايجابيات ماهوش تاع بنات و فحل هل من الممكن يتغير
وزيد ثاني راهي باني دار واسعة و راه يرمم فيها انا سوايع نقول بالاك كي راه يبني ما يحبش يبذر صواردو بصح راني مرتو و لازم يدللني شوية خطرة على خطرة اين المشكل كي يديرلي هدية لاشتة قرعة ديودورون تاع 20 الف

انقولك اختي ماتفسخي الخطبة ما والو باين هاذالساعة ماعندوش البنية و الدار ميش حاجة ساهلة ربي يعاونو
المهم انتي ماتزيديش تصرفي عليه ماتمديلو حتى دورو و ساعة ساعة قوليلو صحبتي فلانة جابلها خطيبها ولا راجلها قرعة ريحة ....
و ماتكثريش عليه بالاك ميش من النوع اللي يدلل و يقلش
مي اهدري معاه قوليلو راهي غايضتني روحي مكش مقيمني ...
و بعد الزواج sur يتبدل و الله
نتمنالك كل الخير اختي و انشا الله غدوا يشريلك قرعة *ديودورون تع 20 الف هههه نقصر برك المهم انتي ساعفيه و اهدري معاه
انشاالله يتبدل