حياتي فارغة كرهت دارنا مشكلة
عنوان الموضوع : حياتي فارغة كرهت دارنا مشكلة
مقدم من طرف منتديات العندليب
سلام
منين نبدا و منين نكمل
نبدا منين نعرف روحي
انا عمري 21 سنة
عندي اخت وحدة و 3 ذكورة
انا وحدة ضيعت عمري باطل في باطل على ناس ما يسحقوش
اللي هوما عايلتي
و ذرك يعايرو فيا
حياتي فارغة
نشوف فيهم كيفاه قاعدين ينطلقو و انا حابسة
بسبتهم
ساعات نكرههم و نخمم ننتاحر باش نتهنا
اتخيلو
ديت لباك مولات 17 دخلت للجامعة
درت طب سيف عليا طبعا
و بقيت نعاود فالعام الاول
حتى تحاوزت منها
علاه
خاطر ما قريتشش
كانت محتما عليا
نظال فالدار مع لالة ماما
ما يمدوليش المصروف
كنت حاطة روحي نشتيهم
ناس يحبو يديو فرات
اخر عام كيفاه تحاوزت كانت ناقصتني 0.25 ننجح
مالقيتش اللي يعاوني
ذرك تعقدت بمعنى الكلمة
راني نعاود فالباك
نظال نبكي
نورمالمو راني فالجامعة نحفظ ليكونترول مش نعاود فاباك
اللي فاتو وقتو ما يطمع في وقت الناس
2..عندي ختي مهملة درجة اولى
مسرفة جدا
بصح والو
يزيدو معاها فرات
و كي تحب ماما تقابضها
تجي نوقف عند راسي و تبدا تجمع
نتوما يا الرزيات البايرات
بلاني ربي بيكم و ......
و حتى بابا ولى كيفها
يقول وش درت انا في حياتي....
كرهت حياتي
تموت على خاةوتي الذراري كلش ليهم
الصباح هاذا فالفطور حكمتني فمها و ماجاب
خاوتي الذراري و ختي تاني واقفين معاهم يديرولهم كلش
يسجلو وين حبو لبارميات كلش كلش ليهم
و انا الجمهمور نشوف فراات
اخر عفسة البارح لعشية
ختي راحت للطبيب على عينها
كي جات سقسيت ماما وش قالها الطبيب
قاتلي قاللها لازمك عملية
و الهدرة هاذي كذب
علاه
كي تلمو مع بعضاهم سمعتهم يقولو باللي ماكاين والو
علاه هكذا
اني ديما يضخمولي الامور و النزا|gيم
كي سمعت انا هكاك غاضني لحال
ما حبيتش نزيد نهدر معاهم و هوما تاني ما حوسوش
اليوم عندها عرس اتلي تجي معايا
قتلهعا اخطايني ما تزيديش تدوري بياا
شبعتني سب
.
الدورو تاعها ما نشوفوش
علابالكم
نبيع حوايجي و قشي لبنات خوالي و الصوارد هدوك نشري وش نحب
تديني للعرس يضحكو عليا هكا تحب
كرهت حياتي
مش محوسين عليا
ذرك عمري 21 سنة تقولي لبايرة نشوفك وش راح تدي
انا والو تقولي ماعندك حتى معنى
صار انا وش ندير معاكم صبحت ما عندي حتى معنى
اللشي اللي وصلتلو بسبتهم انسانة محطمة
عطاني ربي الزين و كنت من الاوائل بصح منين ديت لباك ما شفتش نهار مليح
ماعنديش الزهر
كرهت جدهم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
معليش اصبري
انشاء الله تنجحي و روحي اقراي بعيد عليهم
و هاذوا اهلك لازم تتحمليهم
و ماتحكميش في قلبك
ماتقلقيش روحك
و ماتبقايش غير في الدار pcq تهبلي اخرجي بدلي الجو
راكي صغيرة و الدنيا قدامك
ربي معاك اختي
__________________________________________________ __________
>>>> الرد الثاني :
شوفي ختي راكي 21 سنة صغيرة هاذا وين جيتي للدنيا تاعك
ما تعمريش راسك
اقراي قرايتك هي سلاحك
عيشي حياتك افرحي ازهاي
واحد ما راح يدوملك
دير صحابات حباباتك اخرجي معاهم اتواصلي مع الناس
بدلي الجو اللي عايشة فيه
ما تديريش خاوتك و الا واليدك هوما كل شي في حياتك
تعرفيهم غير هوما و حياتك متوقفة عليهم
بيناتكم الاحترام و التقدير فقط
واليدك طيعيهم صح بصح مش في حاجة تخص مستقبلك
اصبري و ركزي فالباك مابقاش يزاف عليه
راكي صغيرة و الدنيا قدامك
اقراي برك
ربي يهنيك
+
العرس علاه ما تروحيش لفحلة
روحي نحي على بالك و اشطحي و شوفي الناس
ذرك يهز عليك ربي
__________________________________________________ __________
>>>> الرد الثالث :
للأسف أختي الفاضلة لقد انتشرت هذه الظاهرة بشكل خطير في مجتمعنا و نكاد نجد في كل اسرة -ان صح تسميتها بذلك- من عدم احترام أحد أفرادها أو تجاهل حاجته العاطفية ، ما تعانين منه مؤلم جدا لكن حاولي أن تثبتي نفسك بالدراسة و اتخذي من التجاهل و سيلة لتقوية عزيمتك
__________________________________________________ __________
>>>> الرد الرابع :
21 سنة قلتي بايرة !!!!
الحمد الله ع كل حال اختي لازم تكملي دراستك و تثبتي نفسك .....و مهما عملت يماك و بابك ما تزعفيش منهم رضاية الوالدين اهم شي في الحياة بل هي وسيلة النجاح في حياة الدنيا و الاخرة في الاخير نتمنالك التوفيق و ربي يكون معاك
__________________________________________________ __________
>>>> الرد الخامس :
khoti lazem tensay hemek benjah ou tl3i ghir bchwya ou bynilhom wache tsway
رد مع اقتباس
