ساعدوني في الادخار تم حل المشكلة

[chichaki]

عنوان الموضوع : ساعدوني في الادخار تم حل المشكلة
مقدم من طرف منتديات العندليب

السلام عليكم و رحمة الله و بركاته

حبيت تعاونوني فطريقة مليحة للادخار لانو كل مرة نجبد من الكونت تاعي و الصوارد تاعي باقيين في نفس المستوى سما ما زادوش خلاص لانو يدي شوية مطلوقة على اهلي و على عائلة زوجي و عليا انا و زوجي و حبيت ندير سيارة بالتقسيط باه تتحتم عليا نسلكها كل شهر في حاجة باينة بصح مكانش ظاهرتلي

ان شاء الله تساعدوني في كيفية الادخار

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اشري حصااااااااااالة تاع باربي ضرك تخبيلك هههه

راني نتمسخر برك

انتي زيري شوي يدك على الدراهم
ماتبذريش
وما تبعيش طريقة الصرف الجنوووووووني
شوي بشوي ضرك تلمي الدراهم يلي حبيتيهم
وشكرا

__________________________________________________ __________

>>>> الرد الثاني :

السلام عليكم اختي
إنت كا ما تحتاجيش الدراهم أبلوكيهم مي تخافي تحتاجي ما يمدلوهملكش حتى تخلاص المدة اللي تبلوكي فيها وهكذا ميم تروحي تجبدي ما يمدولكش كان عندك مصدر للرزق وهذوك ما تحتاجيهمش ضرك من رأي أبلوكيهم خير


__________________________________________________ __________

>>>> الرد الثالث :

المشاركة الأصلية كتبت بواسطة moooooda147 اشري حصااااااااااالة تاع باربي ضرك تخبيلك هههه راني نتمسخر برك انتي زيري شوي يدك على الدراهم ماتبذريش وما تبعيش طريقة الصرف الجنوووووووني شوي بشوي ضرك تلمي الدراهم يلي حبيتيهم وشكرا

والله يا اختي مش حكاية تبذير بصح كي نشوف لباس لاخواتاتي نشريلهم كي يسخفو على حاجة تع ماكلة نشريهالهم اكي تعرفي الاطفال و تاني اهل زوي كي يوصيوني نشريلهم و منحكمش الصواردعليهم نحشم و راني خممت فالسقاطة بصح ما تصلحش بارك الله فيك

__________________________________________________ __________

>>>> الرد الرابع :

المشاركة الأصلية كتبت بواسطة مريم الصابرة السلام عليكم اختي إنت كا ما تحتاجيش الدراهم أبلوكيهم مي تخافي تحتاجي ما يمدلوهملكش حتى تخلاص المدة اللي تبلوكي فيها وهكذا ميم تروحي تجبدي ما يمدولكش كان عندك مصدر للرزق وهذوك ما تحتاجيهمش ضرك من رأي أبلوكيهم خير

و عليكم السلام و رحمة الله و بركاته واش راكي اختي مريم ان شاء الله احوالك تتحسن ربي يشفيك ان شاء الله عاجلا غير اجل
والله عفسة هذه تع البلوكاج جامي سمعت بيها نزيد نسقسي عليها الوالد تاعي بصح كيما قلتي نخاف تصرالي ضائقة مالة و نكون محتاجتهم صح و مانلقاش كيفاه نجبدهم
راجلي اقترح عليا يخبيلي الكارني دشاك و لاكارث مانيتيك ؟ واش رايكم

__________________________________________________ __________

>>>> الرد الخامس :

المشاركة الأصلية كتبت بواسطة نورسين.داية و السيارة التي تريدين شارئها .......بإسم من سوف تكون ...و من سوف يستعملها ؟؟ أنتبهي لهذا أولا أنا رأي إذخري لتشتري قطعة أرض و ليس سيارة ............لأن السيارة ثمنها من يوم شراءها يقل ثمنها أما الأرض فالعكس طبعا .... مسألة مساهمتك في المصروف المنزلي هل هو على أساس إتفاق أم ....بشكل جزافي فاقد للتاطير و التكييف ؟ وفقكي الله أختي

ياختي خممت كيما انت و خفت شوفي معايا السيارة قلت لراجلي اكيد نكتبها باسمي قالي حقك هذه بلا هدرة بصح منع عليا السياقة بالرغم اني امتلك رخصة سياقة و راجلي تاني عندو نورمال كي يسوقها هو بصح خايفة يوليو سلافي تاني يسوقوها و نعود عندي سيارة بصح ديما ماشية و نحشم باه نقوللهم يقولو عليا مشتاقة فهمتيني يعني نحتاج السيارة و خايفة
و قطعة الارض اختي ندي حياتي كاملة حتى للتقاعد بلاك ما نلحقهاش
و انا نسكن فالعمارة و حابة اذا ماشريتش السيارة نتعاونو انا و زوجي و نبنيو فوق اهله و خفت على المستقبل تاني راني نشوف فيها فالواقع الحكاية تع الورثة فهمتيني مانلقاش علمن تتكتب الدار
اختي مساهمتي ف المصروف المنزلي تطوع مني نعاون راجلي باه نعمرو دارنا اا من جهة اهلي و اهله راني ذكرت فالرد السابق كيفاه