عنوان الموضوع : نصحتها...فهل اخطات ام اصبت تم الاجابة
مقدم من طرف منتديات العندليب

السلام عليكم
حبيت نستشيركم في امر لاني حاسة بالذنب
بالرغم من اني نصحت صديقتي من قلبي

صديقتي هادي تقدم لخطبتها شاب مليح من كل النواحي
الا انه في الاصل " متبنى "
يعني والديه رباوه فقط ومنحوه الاسم

انا قوتلها ماكالاه
على خاطر نعرفها تخاف من هدرة الناس وماهيش حابة الناس سيمعو ولا يعرفو

وفعلا رفضتو
المشكل انه قلبها متعلق به
وندمت على الرفض

وش رايكم في هذه القضية
ولو كنت يا اختي في مكانها واش ديري

وانت يا اخي اعطني رايك في القضية بصفة عامة

هل اخطات ام اصبت في نصحي لها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

و المتنبى أليس انسان ؟؟؟؟؟؟؟؟
لا حول ولا قوة الا بالله

__________________________________________________ __________

>>>> الرد الثاني :

يا اختي تلقايه متبنى وولد فاميلا ومتدين خير من واحد عندو والديه وهو لا علاقة وزيد علاه اللي متبنى واش ذنبو مسكين حتان ما يكونش عايلة ويعيش متهني اتحرم من والدية وانزيدو نحرموه من الذرية والله ما تليق ..
المهم كي يكون الراجل ترونكيل ومتدين وشايفة بلي راح تتهنى معاه هذيك الساعة ما يكون حتى مشكل
++++ والناس ضرك عادت تهدر على الزين والشين ربي يهدي برك
+++ قلها اتصلي صلاة الاستخارة واللي فيها الخيرة هذاك هو
واللي كاتبهولها ربي راح يجيها سواء هذا المتبنى ولا اللي عندو والديه ..
ربي يهنيييكم ...

__________________________________________________ __________

>>>> الرد الثالث :

انا نصحتها هكا على خاطر هي موسوسة وتبع بزاف كلام الناس
بدليل انها ما وافقتش مباشرة وجاتني تسقسي وهي مترددة
انا قوتلها كون جيت انا شخصيا كون راني قبلت لاني قوية الشخصية
اما هي فضعيفة الشخصية وتتاثر بهدرة الناس

__________________________________________________ __________

>>>> الرد الرابع :

شوفي

الأمر الآن بيد صديقتك

أنت نصحتيها و انتهى االأمر

سواء أخذت بالنصيحة أو لا فالقرار النهائي يرجع لها هي .

أنت نصحت فقط و لم تتخذي القرار نيابة عنها .

و لو كنت مكانك لقت نفس الشيئ .

ليس لأنه لا يحق لهذا الرجل أن يتزوج و يؤسس عائلة لأنه مُتكفل به

بل و كما قلت أنت أن صديقتك لا تتحمل كلام الناس .

لا تزعجي نفسك بالتفكير في االخطأو الصواب

لأننها لو عرفنا الصواب قبل اتخاذ القرارات لما كنا أخطأنا أبدا .

__________________________________________________ __________

>>>> الرد الخامس :

المشاركة الأصلية كتبت بواسطة جويرية الإيمان
شوفي

الأمر الآن بيد صديقتك

أنت نصحتيها و انتهى االأمر

سواء أخذت بالنصيحة أو لا فالقرار النهائي يرجع لها هي .

أنت نصحت فقط و لم تتخذي القرار نيابة عنها .

و لو كنت مكانك لقت نفس الشيئ .

ليس لأنه لا يحق لهذا الرجل أن يتزوج و يؤسس عائلة لأنه مُتكفل به

بل و كما قلت أنت أن صديقتك لا تتحمل كلام الناس .

لا تزعجي نفسك بالتفكير في االخطأو الصواب

لأننها لو عرفنا الصواب قبل اتخاذ القرارات لما كنا أخطأنا أبدا .

شكرا جزيلا اختي