عنوان الموضوع : رجاء للرجال خاصة فهموني و اكيد لبنات محتاجتكم
مقدم من طرف منتديات العندليب

السلام عليكم و رحمة الله
أكيد متذكرين حكايتي مع ابن الجيران من ايام الابتدائي و اللي كان يتوعد بالقتل لاني تخطبت لغيرو بعد ما هو قالي روحي من حياتي و حتى بعدها انا بطلت من خطيبي و هو تزوج

راح تقولو علاه توجـعلنا في روسنا لحكاية فاتت و الله غير وقفتكم معايا خلاتني قبل رجعت لعقلي خاصة اختي و حبيبتي في الله لي رسالتها كان ليها وقع كبير

المهم هو تزوج و انا دايما نقول حسبي الله و نعم الوكيل و الحمد الله على كل شيئ

اليوم تعرفو واش قالي - لسوء حظي جاري ما عندي وين نهرب -

حاول يكلمني رفضت جن و قالي كاين رب و نوكل عليك ربي قتلو ان شاء الله ربي ينصر المظلوم و ياخذ حقو من الظالم و قطعت الحديث معاه
صار يرمي في الكلام و بكل قلب متحجر قالي راكي مهمومة و مازال راح تخلصي و نخرج فيك نكارة العشرة

سكتت و ما رديت والو و يا ليتو سكت قالي لوكان عندك ثقة في روحك ما تديريش هكذا و الله تــشوفي ؟؟؟؟

بصلراحة حسيت النار تاكل فيا و سكتت و حقرتو و راح كل واحد لطريقو


فهــموني يا رجـــال تصـــرفو الله يخـليــكم اعتـبروني اخت و طلبت نصيـحة

راح تقولو اكيد انا ظلمتو اقسم بالله لحكاية كيما حكيتها كان مثل المجنون معايا كل بيوم بحال و هو اللي قالي روحي راكي ليبر و حتى خطبتي كانت بعد عامين و ما دار والو غير يلحقني و يحب يكلمني و انا نرفض

عــــلاه يـــلوم فـــيا

فــهــموني هذا قلب و الا حـــجـــرة

هو متـزوج و مازالني في راسو
اللي حب واحدة حتى نهار يعاملها هــكــذا ؟؟؟؟؟؟
المفروض زواجو بغيري كان على قولو رد على خطبتي علاه مازال يعاقب فيا على غلطتو ؟


راح تقولو داركم وين انا حابة حل بلا غير ما يكبر المشكل بين العالتين على الاقل كحل مبدئي
الله يخليكم خاصة رجال قولوليي واش لازم نرد عليه


و ادعـــو ربي يفـــرجـــها علـــيا و تخلاص لحكاية و ينـــصرني عليه
لانو السيد المحترم يعايرني بعــمري و نسى لي انا ضيعت عمري عليه

ادعو ربي ينصرني على اللي ناسي باللي كاين رب

نســنى ردكـــم و رأيـــكم في تــصرفاته و اكيد ادعو لي ربي يحفظكم ادعو ربي يعجلي بالفرج

فــــهـــموني فيـــه اذا فـــهــمتوه و سامحــوني حملتكم هــمومي



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حكايتي كانت كتبتها هنا

من منا ضحى بالآخر .. اشعر بالموت فقط

و مازالني راح نبقى نقول حسبي الله و نعم الوكيل عليه توكلت و هو رب العرش العظيم

__________________________________________________ __________

>>>> الرد الثاني :

السلام عليكم اختي
يا حبيبتي هو تزوج و انت علاه تهدري معاه ..ما تخليش ليه الفرصة باه يحكي معاك و لو كلمة
هو تزوج و راح لحالوا خليه الله يسهل عليه .عيشي حياتك وما تحصريهاش بواحد تافه
تاملي هذه الجملة .لانو السيد المحترم يعايرني بعــمري و نسى لي انا ضيعت عمري عليه ..
ارمي عليك الهم و عيشي حياتك واحد يعاير فيك
و انت مازال تهدري عليه ..اسفة اختي و الله ما نبغي للبنات الي طيح من روحها على جال شئ رخيص
انت احسن منه فعلاش تنزلي مستواك لمجنون
و اظن في حكايتك معه انك تبحثين عن الانتصار منه و هو ايضا .هذا خطا و الله راح تضيعي حياتك و انت
تحاولين الانتصار عليه ..فيقي يا اختي و اعظم انتصار لك هو تجنبه و عدم الكلام معه
و عندما يرى انكي سعيدة في حياتك راح يندم و يستغرب انك وقفتي بحياتك..
الله يصلح احوالك و يرزقك بزوج صالح طيب محب و يفرج كربك و لن يحدث ها الا اذا ابتعدتي عنه

__________________________________________________ __________

>>>> الرد الثالث :

السلام عليكم
اختي انا كنت تبعت حكايتك وحطيتلك رد
شوفي اختي هي إنك تتجاهليه وما توصليش المشكل لأهلك ولأهلو راحا تكبر وتزيد تسمع مرتو وتكمل
هو راه يحوس عليك وما لقاش طريقة من غير يعاير ويرميلك الكلام وحتى يجرحك شوفي الرجال قليل وين يستعرفو بغلطتهم ويندمو هو المهم أي طريقة يوصلك الكلام وبرك حتى يتواصل معاك
لو انا منك والله ما نقيمو لو يموت قدامي ويعاير على روحو معليش إنت وكي غير ربي و خليه هو يتولاه وربي يجيبلك نصيبك وتتزوجي وترتاحي ويولي هذا مشكل وفات ما تكبريهاش وتجنبي تشوفيه او تتلاقايه ولو صدفة إعتبريه غير موجود مهما يعاير قوليلو كلمة وحدة روح ربي يتولاك هذا ماكان وخليه ما تقلقيش روحك خليك منو هذا واحد مريض نفسي ربي يهديه ومهما كان يحبك ما يديرش هكذا تزوج خلاص نورمالمو يتمنالك حياة وتتصافاو إنت ما تحقدي عليه وهو ما يحقد عليك وكل واحد يشوف حياتو مي واش ديري خليه وتجنبيه قادر يدير اي امر مازال مصر عليك تجنبي اي فرصة تكوني في طريق وحدك ما تعرفيش واش يخمم ربي معاك


__________________________________________________ __________

>>>> الرد الرابع :

شكون منكما متعلق بالاخر؟؟؟
انتِ طبعا هذا ظاهر و باين ما زلت طامعة فيه
و إلا ما سبب اهتمامك لدرجة انك تبحثين عن مبرر
فلأي سبب كتبتي هذا الموضوع و رمزتي له بصرخة الم
ابتعدي عن مسالك الشيطان و اتقي الله فالرجل متزوج
كنت صريحا معك لاني اعتبرك اختا لي
فتقبلي ردي اختاه


__________________________________________________ __________

>>>> الرد الخامس :

تجاهليه فهو لا يعلم ما يفعل
ولو كان يعلم ما يفعل ما كان يجري وراءك كالمجنون وهو متزوج
إن تطلب الأمر اخبري أحد اخوتك أو والدك حتى لا يتجرأ عليك أكثر
ولا أمل فيه مجددا
تذكري ذلك
وحاولي نسيانه
فكل ما يقوم به يدل أنه يحاول الانتقام لنفسه منكِ
فدعكِ منه انتبهي منه
ولو كانت عائلتك بعلم أحسن لأنه لو قام بشيء يكونون على علم من قبل أحسن.
والله الموفق.