عنوان الموضوع : انصحوني خاوتي ركبلي القنطة مشكلتي
مقدم من طرف منتديات العندليب

ندخل طول في لموضوع
وحدة فاميلتنا تغير مني لدرجة الحقد والكره ولحسد وانا والله مندور بها وديما نهرب على عينيها تفاديا للمشاكل نسا راهم فاهمينها

بصح ولات تحرش في راجلها ولا يقلقني نعود ماشية نقول السلام عليكم نهبط راسي ونعدي بصح هو يحب يقلقني يطيشلي في لهدرة وكان معايا بلقدر غير السلام بحكم حنا عايلة وحدة ودوكا ولا يطيحلي قدري ماشي كيما فهمتو لا لا ولا يتعامل معايا كيما يتعامل مع لولاد صغار يطيش لهدرة ويركبها عليا لدرجة نحب نسبو والله غير يقلقني ناس لكل معيا بلقدر الا هو شغل يستهزا هذا لكل من مرتو لي تحرش فيه

انا ديما نحكم في قلبي نروح لماما نبكي ونقولها هاداك الرخيس دوك نقول لبابا يرخسو مبقاش يدور بيا ماما تقولي لا لا والله ويصرا مايصرا

فهموني كيفاه احسن طريقة باه نتعامل معاه
كيشوفني تقلقت يزيد اكتر لبسالة تاعو
هل نحڤرو ولا نرخسو المهم اعطوني حل باه مبقاش خلاص يهدر معايا السلام عليكم وخلاص ارجوكم ردو عليا بنصائح انا قلوقية وحاجة كيما هادي تفسدلي لمورال


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي .....الاعصاب الباردة هي لحل مع هؤلاء .......اجعليه يمل وحده و يذهب ببرودة اعصابك


__________________________________________________ __________

>>>> الرد الثاني :

تجاهليه
كأنه مكانش
ديجا هكا انت راكي معمرة راسك بيه
ياختي انساي الهم ينساك
تجاهليييييييييه وفقط
كبري بالك

__________________________________________________ __________

>>>> الرد الثالث :

السلام عليكم

بكل بساطة تجاهليه ...خلييييييه يحكي حتي يكره
ربي يهدي ما خلق

__________________________________________________ __________

>>>> الرد الرابع :

كيشوفني تقلقت يزيد اكتر لبسالة تاعو


أختي الحل في هذه الجملة
يعني تجاهليه وامشي وإن ادعى الأمر لا تلقي عليه السلام،
وإن تجاوز حدوده فعليك وضعه عند حده
باخبار أبوك أو أخوك على أن لا يكون صغير.
موفقة أختي.


__________________________________________________ __________

>>>> الرد الخامس :

كيما نقولو كبير و بهلول
كي تشوفيه بدلي الطريق
اصلا علاش تقوليله سلام هو راجل و أنت مراة
فوتيه و خطيك منه و متعمريش راسك بيه