عنوان الموضوع : كيف أقنع أختي ؟؟ تم الاجابة
مقدم من طرف منتديات العندليب

السلام عليكم
اختي 34 سنة كانت نخطوبة لشخص سألنا عليه شكروه كامل و اخلاق و ادب و دخل من الباب و بعد رؤية شرعية تم عقد شرعي و مر تقريبا عام اكتشفنا انو شخص يتعامل بالحرام و الحرام رشوة علاقات مع النسا و و
هي لم تصدق لانو حتى معها كان شخص رائع و قمة في الادب
بعدما تأكدنا انفصلت عنه

هي لليوم يتقدمولها عرسان و كل مرة علاه ما يتمش الموضوع
هذا الاسبوع تقدملها شخص انا نعرفو معرفة شخصية و كان لي عدة تعاملات معاه هو مظهرا عمل + شكل + مكانة + همر مناسب ليها
لكن هو شخص منافق و فتان و وجــهو صحيح
انا قلتلها و أصريت انها ترفضو تفـاجأت بيها تقلي علاه نرفض قلتلها لانو ما عندوش اخلاق تليق بيك ردها كان : و هل انت ضامن انو صاحب الاخلاق فعلا متخلق ؟؟؟

انا تصدمت هل هاذي نفس اختي اللي ياما رفضت رجال مال و مكانه و جاه فقط انو شرطها الوحيد الدين و الاخلاق ؟؟؟؟؟؟

قلتلها ربي يهديك و حاولت نقنعها لكنها تصر على ايجاد سبب مقنع للرفض
كلنا احترنا فيها

واش نديرو ؟؟؟؟؟؟؟؟؟؟؟؟؟؟؟؟؟؟؟؟؟؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم .....
أخي دائما الإقناع يحتاج دليل ....جيبلها دليل قوي ...ماعلاباليش أنا أحكم عليه(هاذاك السيد) كاش غلطة ....أكيد هي راح تبطل وتنحي من راسها الفكرة تع الزواج بيه ......
وثاني خويا تقدر تقلها بش تستخير في الامر .....وفقك الله

__________________________________________________ __________

>>>> الرد الثاني :

يبدو أن عامل السن يؤثر عليها كثيرا انصحيها وصبريها وقوليلها أن تصبر حتى يأتي من يستحقها
ولا ترمي بنفسها لأشباه الرجال اللي راح يندموها على اليوم اللي خممت فيه في الزواج ...ربي يفتح عليكم

__________________________________________________ __________

>>>> الرد الثالث :

السلام عليكم
صعب ان تقنع شخص مر بتجربة فقد فيها الثقة بالاخرين ,,,,,,,,,,,,,وعاش خيبة الظن فيما كان يؤمل فيه الخير ,,,,,,,,فقرارها هو رد فعل
لاتدري لعل الله يحدث امرا بعد ذلك
ربي يسرلكم ويوفقكم

__________________________________________________ __________

>>>> الرد الرابع :

المشاركة الأصلية كتبت بواسطة optimism
السلام عليكم
صعب ان تقنع شخص مر بتجربة فقد فيها الثقة بالاخرين ,,,,,,,,,,,,,وعاش خيبة الظن فيما كان يؤمل فيه الخير ,,,,,,,,فقرارها هو رد فعل
لاتدري لعل الله يحدث امرا بعد ذلك
ربي يسرلكم ويوفقكم

أحسنت القول و التحليل هي لا تؤمن مطلقا بكلمة قالو متخلق حجتها انها هاك او هاك ماراحش تعرف عليه والو و حجتها كلمة - شكون يقول - نحسها صح فقدت الثقة و لهذا بغيت نروح معها غير بالعقل و نحاول نخليها ترجع لتفكيرها الطبيعي


المشاركة الأصلية كتبت بواسطة عفاف عفة
السلام عليكم .....
أخي دائما الإقناع يحتاج دليل ....جيبلها دليل قوي ...ماعلاباليش أنا أحكم عليه(هاذاك السيد) كاش غلطة ....أكيد هي راح تبطل وتنحي من راسها الفكرة تع الزواج بيه ......
وثاني خويا تقدر تقلها بش تستخير في الامر .....وفقك الله

ما بقى عندها ثقة في والو نحس عامل الاخلاق اللي كان اول شروطها صار اخر شرط

المشاركة الأصلية كتبت بواسطة محمد جديدي التبسي
يبدو أن عامل السن يؤثر عليها كثيرا انصحيها وصبريها وقوليلها أن تصبر حتى يأتي من يستحقها
ولا ترمي بنفسها لأشباه الرجال اللي راح يندموها على اليوم اللي خممت فيه في الزواج ...ربي يفتح عليكم

هي بنفس هادي الفترة رفضت غيرو لكن هذا قاتلك بما انو عيبو اخلاقه شكون يقول صح ماشي متخلق على العكس اللي يقولو عليه متربي ما بقيتش نأمنو و كأنها ليست اختي بل فتاة اخرى تتكلم و مانيش باغي نضغط عليها لاني شفت واش صرا فيها من قبل

__________________________________________________ __________

>>>> الرد الخامس :

اك راجل شفتو مايصلحش لاختك قال لالا نقطة الى السطر...........علاش دار الشرع ولي الامر