عنوان الموضوع : تصرف والدتي مع الخطابة تم حل المشكلة
مقدم من طرف منتديات العندليب

السلام عليكم،منذ اسبوع كان عرس عمتي شافتني وحدة قريبة زوج عمتي عجبتها و لكنها ماهدرتش معايا بعد ثلاثة ايام رن هاتف أمي و هدرت لقاتها هي و قالتلها مدولي الرقم تاعك و رانا حابين تخطبو بنتكم أمي بدات تسقسي فيها تقولها شكون هذا الشاب و يخدم و قاري هذيك المرأة قالتلها علاه راكي تسقسي هكذا قالتلها نقولولكم عليه و والدي يروح يسقسي عليه ،قالتلها رديلنا بالخبر باش يجو للدار والدتي قالتلها حت نشاور باباها،المهم غدوا منذاك الصبح خبرت والدي وجات حكاتلي قالتلي شوفي شكون راهم حابين يخطبو و حكاتلي كلش ووالدي قالتلي كي حكيتلو أنخلع و قالها كي حبو يخطبو كانو مايجوش مباشرة هكذا لأننا مانعرفوش الولدهذا قالها لوكان راحو هدرو مع زوج عمتي و هو يجي يهدر مع بابا و قالها ماتزيديش ترفدي عليهم التلفون....أنا ماعجبنيش الحال أنا قدامها و هما يظلو عيطو ف تلفون هذيك المرأة و أمي ماترفدش تلفون يولي وجها حمر ،كانت تمدلهم فرصة ماشي هكذا ،امبعد يديرو علينا كاش دعايات ،و زيد أمي تقلقت كي سقسات المرأة قالتلها علاه راكي تسقسي هكذا ،،أنا مايهمنيش الخطابة هذو و لكن تصرف والدتي مايعجبنيش درك نقادة هكذا الي يجي مانعرفرش نتصرفو معاه كاين اصول في رايكم هل هذا تصرف خاطئ؟؟؟؟*


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وعليكم السلام
أختي الكريمة قولي لوالتدك أن ترد على الهاتف ولكن ردها يكون كالآتي:
تكلموا مع والدها أو مع عمها
ولا تزيد ولا تنقص في الموضوع وهكذا تكون الأم غير محرجة وثانيا وجهتهم الوجهة الصحيحة والأكيد أن الوالد حفظه الله سيسأل عنه والكلمة الأولى والأخيرة لك فيما بعد.


__________________________________________________ __________

>>>> الرد الثاني :

عندها الحق امك تفاجئت يماك متصرفتش تصرف خاطىء سقساتهم هكداك تقول بلاك ميعودوش يعيطو لازم درك نسقسيهم هدا تصرف غير خاطىء الله يهديهم امينننن شكرا

__________________________________________________ __________

>>>> الرد الثالث :

تصرف امكي لم يكن خاطئ وربي يجيب اللي فيه الخير

__________________________________________________ __________

>>>> الرد الرابع :

انا نظن من الافضل و من اللباقة امك ترد عليهم و تقوللهم بلي انتوما تفضلو تكون المقابلة الاولى بين الرجال مثلا يجي اب الخاطب و زوج عمتك يتكلمو مع باباك و من بعد تحددو المقابلة ما بين النساء
و انا نظن ماكاش لازم والديك يتقلقو لانو الناس ماشي كامل عاداتهم كيفكيف كاين اللي يسبقو النساء يتلاقاو كاين اللي يسبقو الرجال
و تاني عمتك كي قالولها اعطيلنا رقم الهاتف علاه ماقالتلكمش

__________________________________________________ __________

>>>> الرد الخامس :

[center]بكل صراحة أمك تصرفت تصرف خاطئ لو كنت مكان تلك السيدة راح نحس بالإهانة
نورمالمو تستقبلها وتخلي الأباء يناقشو الموضوع ميدخلو لا عمها ولا عمتها [/center]