عنوان الموضوع : مشكلتي 666 تم حل المشكلة
مقدم من طرف منتديات العندليب

سلام عليكم

انا فتاة نعاني من الخطوط البيضاء في الجسم كيعاد كنت سمينة وشينت وانا مخطوبة وخطيبي يشتيني بزاف وانا خايفة يكرهتي من العيب هدا اللي فيا والله غير نخمم نفسخ الخطوبة من المشكل هدا والله غير تعبت وثقتي في نفسي راها في الحضيض

بغيت نسقسيكم اسكو الراجل يهتم بالامور هدو ولا الاهم العقلية كما يقولو؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله منعرف سولي الرجال بصح حاولي تصلحي العيب بذكائك مثلا خيري الالبسة
اللي تكون طويلة .. استعملي نقوش الحنة مثلا ... ديري نبات السدر يوحد لون البشرة
بصح نقولك نعرف نساء فيهم عيوب اكثر خطورة يعني حرائق و تزوجو عادي
و زيد قلتي يحبك لازم تكوني قوية حذاري تبيني قدامو انك متاثرة لو يكون مش
منتبه ينتبه.... زيد يبانولي اغلب رجال نية بسرعة تفوتيها عليهم و الله اعلم

__________________________________________________ __________

>>>> الرد الثاني :

ماتهتميش بزاف للامر خاطر نسبة 99 بايمية من النساء كي يحملو يصراولهم خاطر يسمانو في فترة الحمل ثم ينقصو شوي بعد الحمل وهاد الخطوط تكون كاينة بزاف في منطقة البطن انا ننصحك ماتهتميش بالامر بزاف ادا حبيتي شوفي طبيب كشما يقدر يعاونك ومع انو قتلك والله بعد الزواج والولاده رايحة تشوفيهم تشوفيهم غير ماتكسريش راسك وننصحك ردي بالك تقولي لخطيبك عليهم ولا تجبديللو عليهم خاطر رايحة تولهيه ليهم
سلامي ختي وماتحيريش روحك خاطر والله غير امر عادي

__________________________________________________ __________

>>>> الرد الثالث :

يا اختي ما تبينيش روحك قدامو بلي ماثرة فيك هاد الحاجة
وما تبطلي ماوالوا

ان شاء الله نتلاقا صاحبتي لي كانت تعاني من هاد المشكل ونسقسيها وش هي الطريقة لي تخلصت بيها من هاد الاشكالية ونردلك الخبر
وماتلقيش روحك كيما قالت الاخت كاين لي فيهم حروق واثار ماشي غير خطوط بيضاء وتزوجو عادي

__________________________________________________ __________

>>>> الرد الرابع :

khti diri thi9a fi rouhek w brebi nchallah makan walou

__________________________________________________ __________

>>>> الرد الخامس :

اختي الفاضلة
أفضل حل هو المصارحة و المكاشفة و لا حل لك غيرك