عنوان الموضوع : مشكلة بسيطة مشكلتي
مقدم من طرف منتديات العندليب

السلام عليكم
لقد قرأت الكثير من المواضيع في هذا القسم ورأيت ان معظم المراهقين الذين يتوجهون هنا لحل مشاكلهم تكون صعبة
ومعضمها خاصة بالحب ومعلاباليش واش
بصح انا عندي مشكل ممكن يعتبروه البعض تافه ولكن سأتوجه لكم لمساعدتي ونصحي:
انا ادرس 1 ثانوي تلميذة جيدة عندما كنت في المتوسطة لم اكن اخالط زملائي ابدا وكان الكل ينظرون الي على اساس البنت المتربية المعقدة ولكن بدأت بعد مدة اخالط البعض
وهذا العام تحسنت علاقتي معهم ففي الماضي كنت دائما القارية التي ترفض تنعت ومنحبش نعطيهم التمارين لنحلهم
بصح درك وليت عادي يعني نعاونهم لاني اكتشفت اننا كلنا نحتاج المساعدة ممكن نحتاجهم كش نهار المهم انا بعد ان سرت اخالط زملائي بدأت أشعر ان في هذا خطأ وخاصة الذكور لا أقول اننا نتعدى الحدود ولكن صرنا نجلس في جماعات خاصة في الساعات التي لايحضر فيها الاساتذة نضحك ونلعب بعض الالعاب نحكي قصص مخيفة ومضحكة وبعض الالغاز
صرت اتحدث معهم اسألهم عن نقاطهم واحوال الدراسة
فهل في هذاا خطأ؟؟؟؟؟؟
واذكرك بأني لا اتحدث الى كل الذكور بل المحترمين فقط

اما مشكلتي الاخرى : فهي اني احب ان اكون الاولى وأجتهد كثيرا لاحقق ذلك ورغم ان كل زملائي يقصدون الدروس الخصوصية ولكني لا اذهب اليها فانا احاول الاعتماد على نفسي
وفي الثلاثي الاول تحصلت غلى المرتبة الثانية بمعدل 15 فقررت هذا الثلاثي الاجتهاد اكثر وبالفعل فعلت وبعد تعب كبير عرفت ان زميلاتي التي سبقتني امها تعرف كل الاساتذة وهم دائما يزيدولها النقاط ومغظم السوجيات تتحصل عليهم قبل الامتحانات ففي بعض المواد رغم ان الاجوبة كلها صحيحة ميحطوش الاساتذة نقطة كاملة وكي تحدثت معاهم رفضوا معداه هي هيطولح اكثر مني وانا جاوبت افضل منها
ورغم كل هذا في هذا الثلاثي كانت كل نقاطي افضل منها وتحمست اني نغلبها ولكن البارحة فوجئت بامها في المؤسسة فقد تحدثت مع الاساتذة ومع الرقابة وارغمتهم ان تكون هي الاولى
وبعد ان دخلنا الى القسم قالت لي هذا الثلاثي سأكون الاولى والفرحة تملأها
لقد تحطمت معنوياتي كنت انتظر يوم الاحد بفارغ الصبر لاني كنت شبه متأكدة اني الاولى اما الآن كرهت
خاصة انه في الثلاثي الاول كنت اشارك اكثر منها وبعد ان ان تحصلت على المرتبة الاولى صار كل الاساتذة يحبونها ولا يهتمون بنا مهما فعلنا
بل الاساتذة منذ ندخل وهي تشكرها ولا تتكبد العناء حتى لتشكرنا على نقاطنا بل قالت لنا انه يجب ان نحضر لها هدية لانها هي من رفعت من قيمة القسم
ماهذااااااا؟؟؟؟؟؟؟؟؟ لماذااااا؟؟؟؟؟؟؟؟؟؟؟؟؟؟؟ كرهت ومللت ولا اجد حافز يدفعني للدراسة بعد الآن ولا ارغب في رؤية معدلي



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي ماتكسريش راسك بخصوص التكلم مع الذكور المحترمين والجلوس مع بعضكم في جماعات عادي جدا
بخصوص تلك الطفلة فانا نقولك خليها تجي هي الاولى
خطاه انا كي قريت في الليسي بكري ديما ولاد المعارف ولي يديرو لي كور هوما لولين وانا علبالي بيهم راهم حابسين يعني اغبياء وانا كنت علبالي في روحي ذكي المهم كنت نخدم غير في المواد العلمية علوم وماط وفيزيك وكنت ديما نجيب فيهم مليح وهوما يجيبو فيهم مليح اما بليكور ولا يعطوهم النقط وكان معدلي ديما في حدود 12 13
لكن في وقت الباك قريت والحمد لله تحصلت على الباك ب 17 ماجور دو برومو وتالمون ماعنديش المعريفة نورمالمون نروح للخارج لكن للاسف بعثو معارفهم
وهاذوك لي كان يقراو معايا يعطوهم لي سيجي الاغبياء هاذوك ولاد المعريفة البعض ماداوش الباك حتى بعد 4 مرات والبعض مداوش الباك
وانا الحمد لله قريت في الوطن وراني بلا خدمة
لذا نقولك خليها تجي الاولى والصح في الباك واشفاي على هدرتي نتي تدي الباك مليح وهي ماتديهش

__________________________________________________ __________

>>>> الرد الثاني :

إبتسامة ثم لقاء ثم.............

__________________________________________________ __________

>>>> الرد الثالث :

السلالم عليكم و رحمة الله تعالى و بركاته

.اختي الغالية انه من الجيد ان تساعدي زميلاتك و تسالينهن عن احولهم و تتبادلين معهن الحديث و لكن هن فتيات عادي ....و لكن ان تتكلمي مع الذكور و اللذين تنعتينهم بالمحترمين فهذا خطا يا حبيبتي لانهم لو كانوا حقا محترمين لما جلسوا يلعبوا معكم و يضحكوا ....لانهم اكيد لا يرضوا هذا التصرف لاختهم ....انا اقول لك الحقيقة التي كنت تعريفينها ثم غيرتها في هذه السنة ....زملائك الذكور اذا سالوك عن تمرين عن درس في حدود المعقول اجيبيهم و فقط ....يا حبيبتي ان للمراة شرف كالزجاج فلاتخدشيه و حافظي عليه .....تقولين عادي نلعب و نضحك و لكن الايام تمر و التطورات تزداد حتى ان المولى عزوجل لا يرضى منا مثل هذه التصرفات و اعلمي يا غاليتي ان هذه الدنيا فانية و سياتي يوم نموت فيه و لا يفيدنا الا عملنا الصالح ....اعلمي ان البنت التي نعتوها الناس بالمعقدة فقط لكي يستدرجوها اليهم و لكنهم يعلمون بداخلهم انها بنت العزة و الكرامة حتى كلمة معقدة استعمولها في غير محلها و فضلي ان ينعتوك المعقدة و لا ان ينعتوك بكلمات اخطر منها التي تشوه سمعتك مدى الحياة .....نحن في زمن لا يرحم فاحذري يا حبيبتي ...

فيما يخص نتائجك لا تفقدي الامل و اصبري حتى تحققين العلى .....انت تقولين ان الاساتذة يعطونا لها المواضيع و يضاعفون لها النقاط و انا اسالك يا اختي هل رايتي هذا الامر ام سمعت هذا الكلام من الناس المهم و كما يقال * صدق نصف ما تراه و لا تصدق شيئا مما تسمعه حتى تتاكد* و لهذا يجب ان نضع كل الاحتمالات و حتى ان نجحت بالغش فانها لن توفق لا في الدنيا و لا في الاخرة ما عليك الا ان تجتهدي و افرحي لنفسك و فرحي عائلتك معك و فقط ....

__________________________________________________ __________

>>>> الرد الرابع :

أختي العزيزة...تقريبا القصة تاك كما تاعي ... أنا تاني قدك في سنة 1 ثانوي ... ومانهدرش مع الدراري ومانخالطهمش بصح أنا مازالي مانهدرش معاهم ... على خاطر على بالي وواثقة بللي راني فالطريق الصحيح ... على هاذي اانتي كما تهدري معاهم تحسي لروحك تديري في حاجة غالطة ... على خاطر انتي على بالك بللي كنت صح بصح بدلتي عقليتك للأسوء ... أنا في القسم كي نشوف لبنات قاعدين مع الدراري نحتقرهم واش عليه قاريين وحتى الأساتذ تاني ... كي يشوفو طفلة تدير هكذا يحتقروها ويظلو يهدرو عليها
وماتقوليش محترمين راهم كامل كيف كيف .... ربي قالنا ماتهدروش معاهم صايي مانهدروش معاهم هو على بالو علاه ... بصح كي تنعتي لهم ولاتشرحيلهم التمارين هاذي مافيها والو...العكس حاجة مليحة.أنا ننصحك ترجعي كما كنتي ... على خاطر الدراري تعجبهم كما يهدرو مع لبنات بصح يحترمو غير اللي مايهدروش معاهم ... وشوفيهم من وراك واش راهم يقولو عليك ... كون يشوفو خواتاتهم يديرو كما انتي يقتلوهم ...بصح تعجبهم كي يتمسخرو ببنات الناس...
أما بخصوص لقراية ... كما قالك الأخ في الاول ... ماتكسريش راسك معاها وكما يقولو * اللي غطاوه لعباد كشفاتو ليام* فالباك ان شاء الله ونشوفو...
أنا صرات لي فالابتدائي .. بصح مبعد جيت أنا الأولى بمعدل 9 فاصل فالسيزيام ... وهذيك الطفلة لحد الآن أنا نجيب خير عليها...
نوصيك اختي ... رجعي كما كنتي خير ...ربي يوفقك ان شاء الله.
دمتم بود

__________________________________________________ __________

>>>> الرد الخامس :

حبيبتي , لا يجب الابتعاد عن الزملاء فانتم تدرسون يوميا و لكن حافظي على علاقة سطحية معهم لا جلسات و قعدات يمكن تبادل الافكار و التمارين و الحلول فقط اما بخصوص التلميذة المتفوقة فاقول لك انطلاقا من تجربتي في ميدان التعليم لا يمكنها ان تتفوق لان امها تعرف الاساتذة هي تبذل جهدا و لكنها تتظاهر بالعكس فحتى لو عرفت استاذا او استاذين فلا يمكن لجميع الاساتذة ان يتفقوا على الغش
انصحك ان تبذلي جهدا اكبر و ستحصلين على المرتبة الاولى في الفصل الثالث و سانتظر نتائجك ارجو فقط ان تضعيها في نهاية جوان بالتوفيق