عنوان الموضوع : تابع اااااااااااااه تم الحل
مقدم من طرف منتديات العندليب

السلام عليكم

حابة نشكركم بززاف على وقفتكم معايا ربي يهنيكم و يعطيكم ما تتمناو
بالنسبة للاخوة اللي قالولي روحي برك فةتي خايفة خاوتي يهزولي نكر و يكرهوني مزال محتاجتهم ماديا ما عنديش شكون يعطيني و مانيش حابة العيب كرهت من الحس و العياط كل يوم و في نفس الوقت مانيش حابة نفرط في قايتي و الله مافهمت


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
خيرا إن شاء الله
أكثري من الدعاء ولا تتوقفي عن الدراسة وتعمدي المراجعة أمامهم
حاولي التقرب منهم من خلال اعداد ما يحبون من طعام ومشروب وعندما يدخل احدهم للبيت سارعي لخدمته ولا بأس أن تعبير عن مدى حبك لهم ببعض العبارت التي لا تجدين احراجا في ذكرها لهم
استغلي فرصة وجودهم لوحدهم وتكلمي مع كل واحد لوحده بعيدا عن الآخرين ولا تكلميهم مجتمعين وحاوريهم وتوددي لهم ولطفيهم حتى يقتنعوا
بلتوفيق إن شاء الله


__________________________________________________ __________

>>>> الرد الثاني :

هاذو اذا الباك ماخلاوكش تروحي تجوزيه معناها ما يخلوكش تقراي في الجاعمة؟ ربي يهديهم حاولي ان تقربي منهم وعامليهم بحنية ربما تلين قلوبهم عليكي اتمنى لك التوفيق والنجاح من كل قلبي ربي يكون معاك

__________________________________________________ __________

>>>> الرد الثالث :

ما تخسري خاوتك و ما تخسري قرايتك

لازمك حل وسط و هو الحل الامثل يكمن في تدخل امك و لازمها دير موقف مع خاوتك تبدا باللين و ان لم ينفع تغضب

عليهم و اذا كانو صح متربيين راهم يخافو من رضاية الوالدين و اذا العكس ماعندك ماديري معاهم

و بالنسبة ليك ماديري حتى حاجة يديروهالك حجرة في الصباط او يخلوك تقولي اي كلمة ماشي امليحة

لانهم في الاخير اخوتك بمقام والدك رحمه الله و مهما كان راهم دمك و لحمك و لازمك طيعيهم

و كي ينارفوك روحي تواضاي و صلي و ادعي ربي يهديهم

و ابقاي اقراي و راجعي و مادخلي والو في راسك

المهم في هاته الحالات ينفع الاصرار و الاصرار ثم الاصرار ((و ليس العناد ))لآخر لحظة و ديري ثقتك في ربي سبحانو

ودائما بعض الاخوة يتصرفون هكذا و بعدها يدورو في رايهم و يحنو لاخاطر يعرفو انهم قد ضلمو ختهم و راهم غالطين و تصرفو بانانية

وان شاء الله ربي يهديهم و ربي ينجحك و كي تجتازي البكالوريا خبرينا

بالتوفيق و النجاح



__________________________________________________ __________

>>>> الرد الرابع :

اختي اتركي العاصفة تمر بسلام اخضعي مؤقتا واصبري حتي يهديهم الله ولا تخسري اهلك الدراسة موجودة حتي بالمراسلة وري ينجحك وخبريناااااااااااااااااااااااااااا

__________________________________________________ __________

>>>> الرد الخامس :

السلام عليكم
يا أختي ما عندكش خال أو عم تقدري تروحي عنده يعاونك؟؟؟؟
سبحان الله إذا هوما رجال ما كانش أرجل منهم يعني
خممي فكاش واحد يقدر يكسرلهم راسهم
كاش خالك ولا عمك
وقولي ليماك تهددهم أنها تدعي عليهم
لأنو أغلب الأولاد يخافوا دعاوي الوالدين
وفنفس الوقت قوليلها تدعيلك ربي يفرج عليك
يا أختي علمك سلاحك
واحد ما يدوم لواحد فهذه الدنيا
متخلي حتى واحد يدفنك بالحياة لأنه واحد ما عندو الحق في هذا
كملي قرايتك وتوكلي على رب العالمين
ومن اليوم إلى يوم الباك حي وميت بإذن بالله
وربي قادر يفتحلك باب ما يعلم به إلا هو
ادعي رب العالمين بكل ما أوتيتي من قوة
وهو سبحانه وتعالى لن يخيبك