عنوان الموضوع : صديقتي تم الاجابة
مقدم من طرف منتديات العندليب

السلام عليكم
أريد أن أحكي لكم قصة صديقتي لعلني أجد الحل عندكم بإذن الله
صديقتي مخطوبة لشخص هذا الشخص لم نر منه سوى الخير خصوصا أنه طيب وكريم
وبحكم أنها هي صديقتي وهو مثل أخي
فعلاقتي بهم جد مقربة من فترة حصل أمام عيني شيء غريب عجيب
كنا نتكلم وفجأة حدث سوء تفاهم بين الاثنين فضربها نعم ضربها مرت القصة وتصالحا لكن الأمر تطور وصار على أي مناوشة يضربها ضرب مبرح
حاولت التدخل لكن كنت أراها دوما متعلقة به فقلت واش دخلني فيهم إذا هي راضية
لكن المصيبة كنت أظن أن هذا الشيء يحدث أمامي فقط لأني مقربة من الاثنين لكن المصيبة مرة كان خطيبي معي وخطيبي هو زميل صديقتي فالدراسة ويعرفها منذ فترة وهم كإخوة
كنت مع خطيبي فجأة اتصل بي خطيب صديقتي وسمعت صراخ وووو لنتفاجأ به يضربها في الشارع يعني على عينك يا تاجر خطيبي انصدم وأراد طلب الشرطة قلتلو بركا ماتديرلنا المشاكل لأنو الشرطة رح تكون مشاكل كبيرة المهم هذا اليوم أيضا ضربها
وحاولنا منعه وبعدها تصالحا
وفي مرة أخرى لخطيب صديقتي أخت متزوجة تسكن في بلد آخر ومرة جاءت لزيارة أخيها هي وأطفالها ودعتنا للغداء
كنت مع خطيبي وصديقتي وخطيبها وأخته وأطفالها وصديقة أخرى لنا
وعند الحديث أخذ خطيب صديقتي يحكي نكت عن صديقتي
فزعلت وقالتلو أنت كذاب
نحن وجدنا الكلمة عادي يعني مزجة
فجأة قلبت الطاولة على رؤوسنا وأخذ يسب صديقتي ويضربها أمام أخته المتزوجة والأطفال

يعني الأمر تجاوز وأصبح على العلن
بعد هذا تصالحا أيضا

وأمس أتت صديقتي لزيارتي ووجهها كله أزرق سألتها ما السبب أخبرتني أنه خطيبها مرة أخرى

يعني الأمر تمادى كثيرا وخطيبها لا يحترم أحد ويضربها أمام الكل
حاولت نلاقي حل قلت لصديقتي شوفي رجل يحترمه من عائلته واشكيلو بالاك يحبس هذا الضرب
لكن هي شكته لزوج أخته وهو يحترمه لكن ولاشيء تغير

هي الآن ملت وسئمت وتود تركه
مانيش عارفة كيفاه ننصحها لأنه هو شخص جيد لكن مشكلته هذه العصبية والضرب
والمصيبة هم مخطوبين فقط يعني مابالك لما يكون زواج وأطفال بإذن الله

هل برأيكم نزن عليها باش تفسخ الخطوبة
أم هل هناك حل يخليه يتوقف عن الضرب
ومتقولوليش عائلتها لأنو عائلتها لو كان يعرفوا قضية الضرب يمنعوا هذا الزواج جملة وتفصيلا

وصاحبتي نحسها تحبوا وماشي قادرة تتخلى عليها
وهو أيضا يحبها
لكن الشي اللي يدير فيه ميتصورش العقل
وطريقة الضرب المرعبة خصوصا على الوجه دايما يخليلها كدمات

من فضلكم قوليلي نصيحة وإذا عندكم تجربة




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أنا نقولك
اللي يضرب عمرو و لا يبطل
لكن هي تحبو
قولها خمي في أولادك كي يكبرو و يعيشو كل يوم على مشاكل و ضرب هل يقبلو ؟؟؟؟؟؟؟؟؟؟؟؟
تحبي كي يكبرو يقولولك علاش عيشتينا هاذي العيشة
و يلعنو النهار اللي جبتيهم فيه
و يكرهوك و يكرهو الوالد تاعهم و ينتظرو غير وقتاه تموتو باه يتهناو من المشاكل و العياط و الحس

أنصحيها أن تعيد التفكير جيدا بالعقل لا بالقلب

هذا عن تجربة تاع واحدة طفلة عانات من المشاكل بين الوالدين

__________________________________________________ __________

>>>> الرد الثاني :

السلام عليكم
في البداية نركز على جملة قلتيها انت في الاخر (وصاحبتي نحسها تحبوا وماشي قادرة تتخلى عليها
وهو أيضا يحبها) في نظرك هل الحب كافي في هذه الأشياء
باش تتزوج هل يكفي أنها تحبو ويحبها ومكانش تفاهم أو بالأحرى ربما كاين تفاهم لكن عصبية شديدة
سمحيلي نقولك واحد الكلمة بين قوسين صاحبتك راهي تريسكي بحياتها علاجال حب لا أعلم كيف أصفه
لوكان يحبها صح لوكاان على الأقل مين تزعفو غي يصرخ عليها ومنبعد يصالحها يلا كان متسرع
بصح هاد الشي وصل لدرجة الضرب حتى قبل الزواج
على كل كلشي بالمكتوب يلا راهي مكتابة ليها توصل لدارو حتى شي مايمنع هاد الشي
لكن أنا شخصيا جامي نخمم باش نخبي على والديا شيء مثل هذا
نخبرهم ونشوف واش يسرى زيد حاجة باينة والديها غادين يعارضو هاد الشي وهنا يظهر الا صح يحبها ولا لالا
اذا تمسك بيها وحاول يوعدها مايكررش هاد الشي فهذا يعني انه يحبها ويقدر يحبس
بصح يلا حدث العكس حاجة باينة تخليها قبل مايخليها احسن
اسفة حكيت بزاف مي هاد الدنيا تعلم وبما انها صديقتك نصحيها لككن انت شخصيا وخطيبك مهمتك تحكيو معاه لانه هو السبب
( حتى حنا البنات دي فوا نارفيو الطرف الاخر بصح ماشي لدرجة نسمحلو يضربني )

__________________________________________________ __________

>>>> الرد الثالث :

ربي يهديه و يصلح حوالهم ان شاء الله
لازم يدخلو اطراف و حدخرين مراهيش رايحة تبقى غير فالخطبة

__________________________________________________ __________

>>>> الرد الرابع :

قولي لها تترككه احسن

__________________________________________________ __________

>>>> الرد الخامس :

الافضل انها تبطل لان الزواج الصحيح يقوم على ركيزة الاحترام المتبادل بين الطرفين
وركزية السرية بمعنى انو اسرار الطرفين لاتتعدى الشخصين وليس لدرجة الضرب في الشارع
ولا حتى الضرب في المنزل
لابد من التفكير بجدية في الارتباط بشخص من هذا النوع