عنوان الموضوع : مشكلتي مع عائلتي
مقدم من طرف منتديات العندليب

السلام عليكم
قبل عامين عملت جاهدا لاقتناء جهاز حاسوب خاص بي بعد ان امتنع واداي عن اشتراءه لي
و الحمدلله
لكن الان أصبحت العائلة كلها تعمل به و يشدوه ساعات ساعات و ديما كي نسحق نخدم بيه يبداو يعيطو و لا احترام و لا هم يحزنون و كأنني لست أنا مالكه
المهم عندما تشاجرت معهم درتلو mot de passe
لكن الوالد قعد يعيط عليا
حتى و حاولت نفهمو محبش يفهم
قتلو ياك حاسوبي جبت بعرق جبيني علاه راكم تتحكمو فيه ضرك قعد يعيط و هو من النوع المسيطر اللي يحب يكون هو دائما اللي عندو الحق
البارحة كانت أختي تعمل بيه
قتلها نوضي قعدت تعيط في وجهي ولا احترام
قتلها ياك حاسوبي و أنا الان مسحقو قعدت تخلط في الهدرة و زادت كملت عليها والدتي و والدي
أنا كرهت ماحابو يشرولي ما خلاوني نتحكم في حوايجي
صراحة حسيت نفسي ماعندي لا كلمة و لا قيمة فهاديك الدار
رايو عليا خاوتي و ليكن في علمكم حاولت ناقش الموضوع باحترام معاهم و درت لكل واحد حصة خاصة بيه تتلائم مع وقتو لكن بدون فائدة
ديما كي نسقو لازم نستنى الدور
شغل الحمار حماري و أنا راكب من اللور



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وشحال في عمرك؟؟؟؟؟؟؟؟؟؟؟؟؟؟؟؟؟
باش نقدر نعطي رايي

__________________________________________________ __________

>>>> الرد الثاني :

على حاسوب راك داير منه مشكلة .....ربي يحفظلك عائلتك

__________________________________________________ __________

>>>> الرد الثالث :

يا اخي حنا صاريلنا العكس بابا شرا الجهاز بطلب و الحاح مني بصح الاخ تاعي راهو مستعمرو واحد ما يقعد فيه حتى يصرا مشكل ولوكان غير بالفايدة راهو يلعب من الصباح حتى لعشية
بابا فكر باش يقطع خط الانترنيت بصح شافني نسحقو في الدراسة ديالي
يعني كي نلقا حل راني نعطيهولك

__________________________________________________ __________

>>>> الرد الرابع :

هادا ماهوش مشكل في اي دار تكون كيما حكايتك وحتا حنا مرات تنوض حرب علا جالت لميكرو وينوض بابا يطفيه ويحوزنا كامل ولي تمسو تاخذ طريحة ههههههههههههه باباك وخواتك ماتزعفش منهم تكبار وتنسى

__________________________________________________ __________

>>>> الرد الخامس :

السلام ،
البعض سيقول لك عادي و هاذي عائلتك انا بكل صراحة كون شريتو بدراهمي نخليهم يستعملوه تاني بصح كي نسحقو انا ينوضو لانو ملكي و شريتو بدراهمي و ما دام اك تقول ما يخليوكش خلاص دير بيه و راهي تنوض مشاكل بسببو بيعو و تهنا