عنوان الموضوع : مشكلة زواج ............... تم حل المشكلة
مقدم من طرف منتديات العندليب

السلام عليكم ورحمة الله وبركاته

قصتي مع الزواج انو ابي ماهوش حاب يزوجني حتى تزوج اختي الاكبر مني


انا كنت نظن انو مبقاوش ليخممو هكذا لكن صدمت عندما عرفت انو ابي يخمم هكذا


حابة نهدر معاه ونفهمو بلي مايش عقلية

راني في السن الزواج ........... عمري 22 سنة والله هذا العام برك تقدملي 7 يخطبوني
وكل مرة نقولهم لالا وندير حجة بقرايتي ومع العلم اني هذا العام كنت ليسانس

وكما نمدلهم عذر بقرايتي يقولولي راني هذا العام تخلصي ماهوش عذر والله حتى نحشم

يعني هاهو جارنا والله كان عندو 3 بنات كبار وحدة 32 و وحدة 30 ووحدة 28

مد تاع 28 لولة والله العام لمنبعد تخطبوا بناتوا لخرين دخلوا في صيف واحد


اذا مكانش مكتوب لختي نحبس انا منزوجش
من بين لخطبوني استاذ قراني والله عام كامل وهو يحاول وانا نقولو لالا
حتى المرة الاخيرة وليت قتلوا على عقلية بابا تشوكا


وانا صراحة كرهت وعييت من نظرات الناس ليا وليت نحشم

وكل راجل يكون خير من الاخر وكون نكمل هكذا ميزيد حتى واحد يجي

في الاسبوعين الاخيرين تقدملي استاذ اخر وهو استاذ ما شاء الله وكل يشهدلو بالخلق الحسن

وانا قتلو منقدرش تجي تخطب ذرك قلت حتى الدخول الجامعي القادم يعني في سبتمبر ولا اكتوبر
على امل اني نقنع ابي في العطلة يبدل رايوا

بصح حتى الان مقدرتش نهدر معاه ومعرفتش لمن نروح باه يهدر معاه

امنيتي كما اي طفلة تزوج ودير دار

بصح والله راني نشوف في هذاك نهار بعيد

اعطوني رايكم ولا حل

راني كرهت



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ادا اجاك انسان متدين ومليح

حاولي تقنعيه

وذكريه بحديث الرسول الكريم عليه الصلاة والسلام

وربي يرزقك بولد الحلال

حاولي تخلي يماك تهدر معاه

واكيد ف اي حاجة لازم رايو

لانو رضا الوالدين لازم خصوصا ف مثل هاد المواضيع


ب

__________________________________________________ __________

>>>> الرد الثاني :

....ولأنه لا حول لكي ولا قوة...فلابد لكي من وسيط في القضية...توسطي أمك أو خالك أو اي انسان ثقة ممن هو أفصح لسانا وأقوى برهانا وربي يلين قلب أبيك وأكثري من الدعاء لنفسك ولأختك عسى الله ان يجعل لها سبيلا...

__________________________________________________ __________

>>>> الرد الثالث :

مشكلتك مثل مشكلتي يعني القراية+ الاخت الكبرى مجهاش المكتوب ...ولكن انت راكي كملي هدا العام ومعند حتى حاجة تشدك على الزواج حاولي تحكي مع امك باش تقنعو بالامر وكذلك اختك اذا مكانش عندها اعتراض

__________________________________________________ __________

>>>> الرد الرابع :

حاولي تزوجي أختك قبل وأعطيها واحد من الخطاب السبعة اللي جاوك وهكذا يتحل المشكل
أمزح طبعا لكن عليك توسيط والدتك في الأمر والله المستعان.
استغربت من حديثك مع أساتذتك وخطابك قبل أن يأتوك للخطبة احترسي أختي ولا تتمادي في الأمر
اللي حب يخطبك يروح للدار ويقنع والدك وهناك طرق كثيرة لذلك من أهمها تدخل كبار العائلة أو إمام الحي
ربي يرزقك الزوج الصالح

__________________________________________________ __________

>>>> الرد الخامس :

بالتوفيق لك و لـــها

و لجميع البنات