عنوان الموضوع : رح نموت من الخوف تم الحل
مقدم من طرف منتديات العندليب

السلام عليكم ورحمة الله وبركاته
صحة رمضانكم وربي يتقبل
انا فتاة باقي على زواجي اشهر قليييلة جدا
صرالي حادث كي كنت صغيرة كنت نلعب مع خويا الغميضة وكي رحت نتخبى طحت وشفت دم بزاف
كنت في مرحلة الابتدائي ذاك الوقت
وكشفت عليا في ذيك اللحظة ممرضة وقالتلي لاباس بيك هكذا راني شافية عليها لحد الآن
ودوكا راني مخطوبة ومعقود عليا
نحب زوجي بزااااف بزاااف وهو تاني وداير فيا ثقة كبيييرة لاننا معروفين بالالتزام
مي خاايفة وموسوسة بزاااف
اذا كنت فاقدة للعذرية كيفاش رح يكون الموقف تاعو معايا
وزيد خفت نروح للطبيبة من جهة هو مش رح يعجبو الحال
ومن جهة منحبش تكشف عليا حتى وحدة
راني نسمع في قصص تخوف كيفاش الرجال يتعاملو ليلة الزفاف
وخااااااااااااااااااااايفة في حااالة
لانني كي حكيت لوحدة وقلتلها راهو يحبني قالتلي في هاذي مكانش حب
ساعدوني وانصحوني
ولاتنسوني من دعائكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كان الله في عونك أختي

الحل الوحيد لتنتهي هذه الحالة من الخوف و الشك هي أن تزوري طبيبة النساء لتخبرك بحقيقة حالتك .. فمهما قلنا فلن يكون إلا ظنا لكن الطبيبة هي من تستطيع اعطائك شئ رسمي فلا تتهاوني في هذا الامر .. و ان شاء الله ستسمعين إلا الخير

__________________________________________________ __________

>>>> الرد الثاني :

rabi maak w maykoun ghi l khir

__________________________________________________ __________

>>>> الرد الثالث :

انتي غالطة من اول مرة وعلاش متروحيش تشوفي روحك ومن بعد تتخطبي هكا تقلقي وممكن توليلك حاجة كبيرة روحي للطبيبة وخلاص

__________________________________________________ __________

>>>> الرد الرابع :

السلام عليكم اختي صحا فطورك انا ٍاي من راي المشرف لازمك تروحي للطبيبة وما تستنايش لأانو هي اللي تاكدلك الخبر وكنت صغيرة بزاف يعني ممكن جرح فقط والطبيبة تقدر تبين إنو ما ما رستيش الجنس يعني حتى لو بعيد الشر ما كنتيش عذراء تقدري تروحي مع خطيبك لأاي طبيبة وهي تشرحلو لانو قادرة تعرف إذا من السقطة او الممارسة وكيما قاتلك الاخت في هذيك ماكانش الحب على العكس لانو يحبك راك يتصدم وما راحش يصدق انك طحت لانك خبيتي عليه على هذا لازم من ضرك وإن شاءالله يكون مجرد جرح وتكوني لاباس عليك لكن ما تعذبيش روحك لازم تقطعي الشك باليقين وعادي اختي ما تديش وقت يا رب 3 دقايق او اقل وراحا تخبرك ديري الكوراج وروجي وأرواحي بشرينا ربي يكون معاك

__________________________________________________ __________

>>>> الرد الخامس :

علاه تخافي نزيدك حاجة الراجل والله ما يفيق..........اديها من عندي رسمي غير وادا قلتيلو وادا فاق وهذا احتمال ضئييييييييييييييييييييييييل احكيلو الحقيقة وما تخافيش لخاطر ما رح يصرا والو راكي برك مقلقة ...رب يكون معاك وما كان والو