عنوان الموضوع : كرهت من هذه الدنيا مشكلة
مقدم من طرف منتديات العندليب

السلام عليكم ورحمة الله وبركاته

انا سئمت وكرهت من هذه الدنيا يا رب فرج همي وعلاش الوالدين دائما يميلو الى واحد من العائلة كرهولي حياتي زهر معاهم مكاانش والله يا اخاوتي نحس روحي ماشي بتنتهم التمييز العنصري داير حالة راني صابرة بصح صبري هذا ولد لي مرض رايح البعض منكم يقلي بالاك راكي تغيري والله العظيم يديروو صوالح تظهر من خلالهم انك مهمش يارب صبرني وابعد عن قلبي اي سوء
دعواتكم لي بالنجاح وان شاء الله يقبلوني في المسابقة ا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

علاه تقلقي في روحك
هدي بلا نقاش الوالدين يميلو لطفل ولا لطفلة معين مستحيل يحبوهم كامل كيف كيف
حتى لو كان حبو يخبو تبان تبان
مالا الحل تعك ما ديريش بالك ليهم بزاف بويسك هدو الوالدين و دايما يبقاو عزاز متقعديش تعسي فيهم ولا وش قاعدين يديرو لخوتك بويسك تبريسي روحك على باطل
ربي يفرج همك

__________________________________________________ __________

>>>> الرد الثاني :

أنا أيضا أعاني من النفس المشكلة لكن رانا صابرين اصبري .

تفائلوا خيرا تجدوه .

__________________________________________________ __________

>>>> الرد الثالث :

مهما كان والديك ربي يخليهملك و يطول في أعمارهم

__________________________________________________ __________

>>>> الرد الرابع :

الوالدين يحبو كل واحد في مجال معين ماكاش حب مطلق أو كره مطلق أنت لازم تكتشف وين يحبوك
هدا المشكل يكون في المراهقة .......نخدمو روسنا على حاجة والو ........
المهم أنو الوالدين يحبو مصلحة الأولاد بصفة مطلقة هادي نظن مافيهاش نقاش

__________________________________________________ __________

>>>> الرد الخامس :

ربي يفرج همك