عنوان الموضوع : مية 2 تم الحل
مقدم من طرف منتديات العندليب

https://www.djelfa.info/vb/showthread.php?t=1079136


لقد اصررت على اكمال الطامة و لكنها ليس كما ظن البعض انا لم افعل شيء و حتى بعد خالي انا بكر

هل تعلمون ما معنى ان تمشي في الطريق و يبزق في وجهك احد و يجب عليك مسحها و اكمال الطريق بكل ذل و هوان
انه احساس رهيب و هذه حياتي هكذا احس انني اغيش لا ظهر لي ولا سند و لا حماية ولاامان و يجب عليا ان امشي جنب الحائط دوما
ياقرئين مشكلتي احيطكم علما اني بنت في غاية التهذيب (لست ازكي نفسي) و البس الحجاب (مجبرة بالقهر حتى كرهته مع انني سابقا كنت جد متحمسة و خططت للباسه مع صديقاتي) و دائما الاولى في الدراسة و الكل يشهد انني لست النوع الذي يخالط الناس و يعيطولي العاقلة و لكن
في خضم كل ما يجري لي ظهر الصديق الخبيث لقد كنت في فترة امتحانات شهادة المتوسطة كان اكبر مني بعام و كان يعيد السنة في مدرستنا طلب مصاحبتي فرفضت فسال عني و عرف انني الاولى في المتوسطة و انني لا اكلم الذكور و ابي يقود الا اغلى السيارات فقرر ان اكون له و ان يعتزل كل البنات (العشرات) اللواتي يعرفهن من اجلي و بالفعل استطاع ذلك و حقيقة وجدت اخيرا الامان معه و اخلصت له و احببته و حكيتلوا على كل شيء (و ياريتني مافعلت)
ساعدته في الدراسة و حتى ماديا والوفاء و وقفت معاه في عدة مواقف في حياتو حتى حطمت الرقم القياسي و اصبح كل اصحابه يغارون و الكل يحاول مغازلتي و مع مرور السنين و انا اكبر معه و اصحابه يحسدونه اكثر
انا وقفت مع صديقي (الكلب حاشاكم) اكثر من زوجة و احببته اكثر من امه المهم لنا اربعة سنوات لاكنه بدا يشتمني في كل خلاف و انا اسامح بعد كل مرة يعتذر و كل الشتائم تدور حول عائلتي و حياتي الى حد يوم الخميس تشاجرنا كالعادة حتى به يبعث لي ميساجاث ثقثل فيلا لقد حطمني و ارجعني 50 خطوة للوراء لقد ذلني و دمرني اكرهه اكرهه (ارجو من الادارة عدم حذف او تعديل الميساجات)
يمدح عائلته مدحا كثيرا و يقول انو يدي ليتكونلو و انها جميلة و احسن مني خلقا و هو يحبها
كتب ايضا روحي لخوالك ......
دار المشاكل يالطيف
نتوما مزيا معندكمش الولد دار النسا ههههههه
ابوك فاسق و الدليل تزوجه الثانية و انتم خرجتوا قاع كيف كيف
وين راهو باباك راكم وحدكم راح ليماك الثانية ههههههههههههههه
مزالوا باباك يضرب يماك في نص الليل و يروح للمرة الثانية هههههههههههه
يماك جيفة
يماك صح جيفة ههههههههههههه
يماك جابتكم غلاط يادرا شكون هههههههه
و الله راني نبكي و دموعي انهار و قلبي تحرق و المشكل لمن اقول لمن اشتكي من ياخذ بطاري منه و من شدة وقاحته و ثقته ان له اهل يستند عليهم قالي لي تقدري عليه ديريه و ابعثي الي يخلعك و تحبي تشكي روحي و نجي و نقلبها عليكم هو يعرفانني ضعيفة ولا استطيع ان اقول لاحد لانه ليس لديا احدو انه كان بمثابة امان لي الله يعطيه ضربة
يا ناس والله والله الموت ارحم لي لاادري مالعمل ابي لايكترث و انما يقهرنا نفسيا و اذا احتجناه في امور يقوللنا مانيش ناقصكم و لا يسمع و انما يصرخ علينا لاننا حاولنا التكلم وهو و الله كل يوم في بلاد جديدة كما انه يعبد اخواته عبادة خاشعة حتى اصبح امراة ويغتني بهم و يحل كل مشاكلهم والله والله لاكذب مع ان عماتي(اخواته) مزوجين و مرفهين و ازواجهم ماشاء الله و جدي و جدتي عايشين و لاباس بهم
يا ناس لااستطييع ان اقول لامي هي فيها ليكفيها سعدوني تعيشو مع انني اظن ان الموت احسن حل كرهت الاحساس بالذل كرهت يا ناس كرهت
ارجوكم لاتكتبوا ردود تبكيني كالاخ الذي قال مسلسل تركي و غيرها
شكرا وداعا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

روحي لأقرب مركز شرطة و اعطيهم لي ميساج يقروهم و هوما راح يزيرو الحثالة هذا... و الله غير نحس في الدنيا ادور بيا كي قريت واش راه يبعثلك الحيواااااان هذا... ما تتردديش و روحي اشكي بيه
تقدري تروحي لوكيل الجمهورية نتاع المحكمة وين تسكني و تقابليه و تحكيلو و توريلو لي ميساج و هو راح يجيبو بسيف عليه و يزيرو مليح

__________________________________________________ __________

>>>> الرد الثاني :

ربي يهدينا ويهديك يا أختي للطريق الصواب
قليل بنات في هذا الوقت اللي مغلطوش ومداروش علاقات غراميـة ومواعيد وغيرها
والله أحيانا نشوف معاناة إبان العلاقة وبعدها نحـير تاع الصح
لكن المشكل في أن البنت ميجيش في بالها بلي أن الشاب مهما تودد ليها ومهما غازلها في الأخير موش راح يديها
متبقايش تأنبي في ضميرك أخيتي ،وقليل اللي مغلطتش
أقطعي العلاقـة مع الشاب وتجاهليـه ، حتى كي تشوفيه بدلي الطريق
وإذا قدرتي غيري رقم الهاتف تاعك
وأشغلي نفسك بالحاجـة اللي تنسيك، عارفة تقولي هذا الشيء صعيب عني بصح لازم عليك تديري أي طريقـة باش تنساي
كما وصيتك في الموضوع الأول وراح نوصيك ذرك الصحبـة الصالحـة أولا وأخيرا
شوفي كشما وحدة متخلقة ومتربية إستندي ليها
وأبدي رغبتك فقط في التغيير إلى الأحسن
أما أن تتمني الموت فبصراحـة دائما وقت مانكونوا في لحظات ضعف إيمان وعجز نتمناو الموت
ناسيين بلي راه ربي خلقنا باش يبتلينا ويشوفنا نصبروا ولا
لكن كي يتفكر الواحد باش راح يقابل ربي يولي يتردد
اتسلحي بالصبر وأنواي التغيير
وربي راح يعطيك قد نيتك


__________________________________________________ __________

>>>> الرد الثالث :

وكلي ربي سبحانو يا اختي الكريمة يمكن ننصحك بنصيحة صلي وادعي ربي سبحانو يفرج هدا الهم والغم عليكم وربي يهدي الوالد نتاعكم صراحةقريت مشكلتك والله مالقيت باش نعبرلك مازال كاين اب يعامل اولادو كيما هاك استغفر الله العظيم من كل ذنب عظيم لاحول ولا قوة الا بالله العلي العظيم

__________________________________________________ __________

>>>> الرد الرابع :

نسيت نقلك اختي نصيحة لوجه الله تعالى ما تزيديش تحكي امور العايلة لأصدقائك مهما كانوا قريبين لك... إياك ثم إياك ... عليك دائما أن تحافظي على صورة عائلتك أمام الاخرين فليس من مصلحتك ان تهتز صورتهم أمام الناس.

__________________________________________________ __________

>>>> الرد الخامس :

يا اختي صلي و دعي ربي يفرج همك الله يهديك و يفرج عليك و يبعد عليك الهموووم يا رب