عنوان الموضوع : صاحبي هبلني مشكلة
مقدم من طرف منتديات العندليب

السلام عليكم
المشكلة الي عندي و مقلتني بزاف خلاص هي انو ماعنديش اصدقاء عندي واحد برك
و المشكل انو هذا الصديق يطلع الدم بويسك من النوع الي يحبو يقعدوا في الدار بزاف
تخايلو عمرو قريب 20 سنة و مايخرجش من الدار الا حين و مين و في بعض المرات ما يخرجش شهر كامل
والله راني حاير فيه من نعيطلو باه نخرجو يقلي راني غلبان و ساعات يقلي راني راقد "تقول عليه يتوحم"
و كي يخرج معايا نلاحظ بلي راه خارج من فوق القلب من كثرة مايشكي مرة على المشي مرة على البرد و مرة على السخانة
تخايلو يا خاوتي من عقبنا الباك خرجت معاه غير مرتين "الحمد لله نجحنا"
قتلو نروحو للبحر قلي لا , كي نقلو هيا ندخلو للبيزيريا ولا لكاش قهوة يقلي لا المهم معقد فوق الحق
الحاجة الوحيدة كي يخرج معايا يديني لوحد البلاصة معزولة و يخليني نتأمل
والله انا نعزو بزاااف و نعرف بلي هو يعزني كيما نعزو ولا كثر
, لكن والله مليت و حاب ندير اصدقاء جدد نصليو في الجامع كيف كيف و نسهرو مع بعضانا و نروحو للبحر و نديمنو في القهوة في شهر رمضان ,
مي صاحبي هذا اكيد راح يبقى صاحبي و فوق راسي و لكن كيما حاب هو , يعني نمشي معاه بعقليتو
و زيد عليها اكيد ماراحش نزيد نشوفو لانو هو يقرى في ولاية و انا في ولاية اخرى
انا راح ندخل للجامعة هذو ليامات علابيها نتمنى منكم تنصحوني وش هي افضل الطرق باه نكسب اكبر عدد اصدقاء



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ماكاش حاجة ساهلة كيما تربح اصدقاء... في ليكول تقدر تجبدهم ليك....فالمسجد تقدر تجبد شبان ليك...في الحومة تاني برك شوف روحك كيفاش تتعامل مع الناس فبل ما تشوفهم كيفاش يعاملوك

__________________________________________________ __________

>>>> الرد الثاني :

السلام عليكم

كي قريت بلي عندك صاحبك واحد عرفت بلي راك في الثانوية
شوف أخي، غالبا في الثانوية و المتوسطة ما تصيبش بزاف لي تتفاهم معاهم، علاهادي تحوس على واحد مادابيك يعجبك في كلش
بصح كي تدخل للجامعة بإذن الله تشوف بلي العالم واسع و الناس أشكال و ألوان، و يولو عندك بزاف صحابك، و رغم ذلك من المستحيل تلقا واحد لي يخرج عليك مية بالمية، لكن كل واحد كاين بينك و بينو نقاط اتفاق حتما
فنصيحتي لك أخي الكريم، صاحبك هادا الذي يبدو أنه يميل إلى الهدوء و العزلة (يفكرني في خويا كي كان شوية صغير)، ولا كاين بيناتكم نقاط اتفاق تقبّلو كيما هو، تقدر تهدر معاه في النت، في التلفون، تزورو في دارو.... و في نفس الوقت، العالم واسع تقدر تتعرف على ناس واحدخرين تخرج معاهم و تروح معاهم للجامع، كي راك داخل للجامعة تتلاقا مع بزاف أصدقاء جدد ما تقلقش روحك,
و في رأيي و الله أعلم حتى كسب الأصدقاء يولي أسهل خاطر كي راك تكبر عقليتك راهي تتطور و انفتاحك يزيد
و بالمناسبة حتى صاحبك ممكن يتبدل كي يدخل للجامعة

هادا وش قدرت نقوللك حسب تجربتي الشخصية و أنا أختك الكبرى (تخرجت من الجامعة في 2008) و ربي يوفقك و يبعتلك الجلساء الصالحين

__________________________________________________ __________

>>>> الرد الثالث :

بلاك راك عليا ههه اوصاف صاحيك تقريبا فيا انا مش قاع ولكن


__________________________________________________ __________

>>>> الرد الرابع :

سلام...
اترك صديقك براحته,قهو حسب مافهمت غير إجتماعي
اما بالنسبة لافضل طريقة لكسب الأصدقاء فأنصحك بقراءة كتاب للدكتور ديل كارنيجي
إسمه
كيف تكسب أصدقاء و تؤثر في الناس
إبحث عنه في جوجل
وفقك الله


__________________________________________________ __________

>>>> الرد الخامس :

المجتمع يسير نحو العزلة بسبب الملهيات يعني الانترنت الألعاب التلفاز...
قلت العلاقات الاجتماعية والتواصل واصبح الشباب يديرو علاقات افتراضية
ويقلك عندي صحابي في الهند والصين و و والصراحة أنه يقضي 90٪ من
أوقاته في غرفته.