عنوان الموضوع : كفاه ندير تم الاجابة
مقدم من طرف منتديات العندليب

عمري 23 سنة ادرس الطب عرضتني خالتي لشخص امه تبحث له عن زوجة "ماتحوسيش بعيد اي كاينة الفلانة ومدحتني لهم "
حيث ان خالتي هي زوجة عمه وعندما سمعت امي لم تمانع وقالت لي نشوفوا هوما فاميليا مليحة و هو عندو مستوي جامعي يعمل و عندوا سكن و مايخصهوم والوا وهم موافقين عليك هو و امه ؟ انا مافهمتش كيفاه هو موافق مايعرفنيش
خالتي تلح علي بأنها عرضتني عليه وشافك في صور زفاف ابنتها وعجبتوا و بأنه موافق
خوفنتي هده الحكاية فسألت عنه ابنة خالتي اي هي بنت عمه فشكرته من كل النواحي وسألتها ان تحكيلي كيف تمت المآمرة
تبين انه جاء عندهم و كانوا النسوة مجتمعين لحفل زيادة ابنها فعرضت عليه خالتي الامر و أرته بعض الصور فوافق مبدئيا علي ان يفكر برزانة ويرد نهائيا فيما بعد, وبعدها اخبرته بأنني وامي موافقتان ولم يبقي الا هو فلم يرد الي حد الان رأيت صوره وهو عادي مقبول الشكل يبدوا صغير بالنسبة لعمره 29 سنة و بنت خالتي تقولي يخرج عليك
و البارحة اتصلت بي ابنة خالتي تقولي انه جاء عندها وسأل عليك بزاف و حاب يهدر معاك
كفاه ندير دبروا عليا



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كي يهدر معاك واش بش يقلك خلاص ياخي هو موافق وانتي موافقة مبدئيا وين راهم اهله واهلك يجوكم ويتتفاهمو قوليلها يجيبهم لدار معندي معاه حتى هدرة وكي يجي نهدرو ونهدرو بزاف ثاني اما قبل ميجي راني منعرفاش يريحلي ونريحلو كي يجي ونتعرف عليه ويتعرف عليا كي يجي بلاك المسكين مش عارف كاين رؤية شرعية نوروه لهذا الطريق

__________________________________________________ __________

>>>> الرد الثاني :

اختي عادي فاميلتكم عرفوك عليه قبل متعرفيه اذا انتي عجباتك مواصفاتو احكي معاه وقليلو يتقدم بعد الخطبة زيدي شاوري روحك شوي مع داركم
وربي يسهل ليك ويجعل لك الله زوجا صالحا ومتتقلقيش راهو ممكن يكون مكتوبك اين الخطا

__________________________________________________ __________

>>>> الرد الثالث :

يجي للدار اياك تحكي معاااااااااااااااااااااااااااه

__________________________________________________ __________

>>>> الرد الرابع :

ادا راكم موافقين ما بقات غير الهدرة تع الاهل و كل شيئ لازم يكون رسمي

__________________________________________________ __________

>>>> الرد الخامس :

السلام عليكم
أحذر الأخت والأخوات من طامة استخدام الهاتف وكثرة الكلام فيه أو غير ذلك قبل عقد القران لأن ذلك سوف يؤثر على علاقتكما مستقبلا ، وبغض النظر على الجانب الشرعي لذلك ولنا في رسول الله صلى الله عليه وسلم اسوة حسنة . فمن أراد الكلام فليتكلم في لقاء شرعي بمحرم .

والله أعلم

السلام عليكم