عنوان الموضوع : مشكلتي مع صديقاتي مشكلتي
مقدم من طرف منتديات العندليب

السلام عليكم كيف حالكم المهم انا اليوم توجهت اليكم لاعرض لكم مشكلتي لقد مللت منها المهم قصتي هي
انا كان عندي صديقتين احبهما جدا وهما يحبان جدا وعلى صداقتنا القوية كاي يضرب بنا المثل المهم حنا 3نتنافسوا في القراية وكنا نتنافسوا منافسة شريفة يعني بدون حسد ولا كراهية لكن واحدة من صديقتي اصبحت تحسدني في كل شي حتى ولو اكل حبة حلوة تحسدني فيها واذ هي فقيرة وانا ابي غني وبماله الحمدالله وانا ووحيدة ابي وكل يوم لبسة جديدة المهم عادت تحسدني في قرايتي تانيك وهي تقعد نعيا في الكلاسة وكي يعود عندنا فرض ولا كاش حاجة نقول لها مراجعة تقول لي لا والله ماراني حافظة وماعلاباليش ومباعد نهار التصحيح نلقاها 20وانا 00وكي تعود مش عارفة الاجابة تقعد تسال فيا وتقول لي وريلي وانا نوريلها ومباعد نلقاها جايبا خير مني وانا كي نقول لها وريلي تدير روحها مش سامعتني خلاص وانا قد مانحفظ وقد مانراجع نجيب نقطة عادية يعني 17/16/15 وهذا تراجع مستوايا الدراسي كنت نجيب 17لكن هذا العام الله يستر العاقبة خير وصديقتي الاخرى هي ايضا تعاني مثليي ولقد مللت من هذا الحسد والكراهية واي شخص يقرا معيا يسقسيني يقول لي شحال جبتي نقول له ويوقولو الله يبارك الا هي تقول عادي ان شاء الله تنقصي يعني تدير روحها تديرها غير بمزحة وتضحك مي هي هذا ماتتمنى لي وكي نحل حاجة في الدار يعني كاش تمرين وبلا نحفظ تحكم الكرطاب تاع كامل تخرب فيبه من فضلكم اعطوني الحل المناسب لها وادعولي ان يوفقني الله في دراستي واتفوق عليها امييييييييييين


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بصراحة هذا النوع من المشاكل

يرجع لسنوات المراهقة .................

أنت وصديقاتك في يوم من الأيام وحين تكبرن

ستضحكن على مثل هذه الأمور

لا تشغلي نفسك بهذه الأمور

__________________________________________________ __________

>>>> الرد الثاني :

أصابتك صدمة نفسية كيف لأعز صديقاتي تتغير هكذا بدون مقدمات وعادت تحسدني في كل صغيرة وكبيرة
أختي عليك أن تؤمني أن أكبر قصص الخيانة جاءت من صديقة حميمية
ثقي بنفسك وانسي ما يؤلمك والله يكون معك بعونه

__________________________________________________ __________

>>>> الرد الثالث :

ما تنسايش ** من غشنا فليس منا ** بالاك ربي سبحانو ما راهوش يباركلك في تعبك و تدي دايما اقل من متوقعة على خاطر تنعتيلها و تعولي تدي من عندها يا الغالية اعتمدي على ربي سبحانو وحدو عاوني قبل الامتحان اشرحيلها واش ماراهيش فاهـمة مي كل واحد يمتحن وحدو على الاقل ياخذ علامة مقتنع بيها
و حكاية تقلبلك محفظتك صراحة ما نفضلش بعض الحدود تروح مهما يكونو زوج ألأصدقاء و مقربين و اذا كان ماكانش نية صافية ماكلاه أصلا كلمة صديقة بيناتكم خلي بينكم حدود و حكاية الفقر و الغنى ماشكيتش و ما عندها حتى علاقة
ركزي على دراستك و اخطيك من الامور اللي راح تشغلك
ان شاء الله ربي يوفقك و تكون الاولى ماشي تفوتيها هي برك
و أخـــيـرا ديـــري فـي بــالك دائـما : من اعتمد على عقله ... ضل .ومن اعتمد على ماله ... قل . ومن اعتمد على جاهه ... ذل .ومن اعتمد على الناس ... مل .ومن اعتمد على نفسه ... اختل . ومـــن اعــتـمـد عــلى اللــه :فـلا ضــلّ ، ولا قــلّ ، ولا ذلّ و لا مــــل ...

__________________________________________________ __________

>>>> الرد الرابع :

أولا : أعقب على كلمة قلتيها وهي : نقلها وريلي / نوريلها


يا أختي هذا يعتبر نوع من الغش والرسول صلى الله عليه وسلم قال : من غشنا فليس منا » ومن المفروض كل واحد يخدم وحدو ماشي مع بعض ومن بعد كل وحدة تدي نقطة على ظهر الاخرى

ثانيا : بما انك صديقتك تغيرت فانصحك بالابتعاد عنها .. فيبدو انها تريد ان تحتل المرتبة الاولى واذا اخذها احد آخر ستعاديه

لذلك انصحك ان تبتعدي عنها او ربما تكلميها في الموضوع

__________________________________________________ __________

>>>> الرد الخامس :

اولا تستاهلي راكي تنقلي وحابتها تعاونك ياك من غشنا فليس منا و راكي لاباس بيك ماشي محتاجة مساعدة واش بيها 16 و17
امالا استغفري و انعلي بليس
ثانيا راقبي تصرفاتك ماشي لانك مقتدرة و عندكم دراهم تحسي روحك احسن منها او لازم تتفوقي عليها ولا تعسيها كي تاكلي الحلوة قدامها بدل ما تراقبيها قدميلها حبة و ابتسمي في وجهها و شوفي كيفاه تولي تحبك
بالاك راهي تشوف عندك اشياء هي محرومة منهم علاش ما تهديهاش و راقبي ردة الفعل ديالها
وفي الاخير اللبسة و الدراهم ما يرجعوكش احسن منها بالاك مستواها الفكري ارقى بكثير
ربي يهديكم و انشالله تتفاهمو و تولو صحابات كيما بكري و احسن هادي المراهقة واش ادير