عنوان الموضوع : مشكل مشكلة
مقدم من طرف منتديات العندليب

مشكلتي شاب عمري 39 سنة قريت في الجامعه و تخرجت بشق الانفس و من باعد لقيت خدمة بشق الانفس يعني اجودوسيزي
و صبرت على جال الدورو و حياتي كامل مريض
و من باعد وليت خلاص مانقرش نخدم كرهت حياتي و راني تعبان كثيرا و مصاب بالنعاس و حين انام لا انام و انهض في الصباح و كانني كنت نخدم ماسو
كرهت الدنيا و كلشي وبطلت الخدمة بشكل مؤقت ماقدرتش نظل نخدم نفتح بيرويا و نرجع للدار
و نظل عند الاطباء كل مرة يجيني مرض ونبرا منو يترتق في جهة اخرى و كي رقيت قالولي راك مسجور و مس منذ الصغر و السحر قديم و جديد و دائما نصيبو الرش عند الباب و نغسلوه و مافي بالناش ان سحور
رقيت و كي رقيت يعواجو يديا و رجليا يتحركو و بريت و من باعد وليت نمرض و نظل في لفراش
و الطفلة لي نخطبها تكون موافقة نبطل منها و بعدها ما نعرف وعلاه ؟ و تغيضني و اصبحت متردد في الزواج
واصبحت منخرج من الدار يا اما مع النت او الجزيرة الرياضية و من باعد كرهتهم و عندي منتدي الجلفة نظل فيه و كرهتو لاسباب
و خدمتي درت مالادي بعد مسيرة الرقية قالى الراق رااه عندكم رصد يعني السحر ماهوشي بدمي يعني الجن كاين في دارنا
و عندمنا لمشاكل و البنات تزوجو و 2اخوتي تزوجو بكري و انا الصغير و طفلة اصغر مني يخطبوها و يبطلو و ماكملتش قرايتها
اريد حل و كيف ينزع السحر و ماهو نوع السحر لي ما قدروش يداوني الرقايين
عانوني راني كرهت و راني نحكيلكم عفويا باش ستحسو بيا
اخوكم الذي يئس من الحياة



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اذا عندكم راقي في مدينتكم روح واحكيلو وهو يرقيك بالطريقة الشرعية طبعا

سينون

اكتب في اليوتيوب علاج السحر الدكتور محمد العريفي

وتبع النصائح تاعو

بالاضافة الى اهم حاجة وهي تشفيكم

انت واختك والوالدة اذا قدرت

تقراو سورة البقرة يوميا او تسمعوها في زوج يوميا

وعن تجربة فوائدها جمة

تجيب الرزق والبركة

شفاك الله

ولا تقنط من رحمة الله

__________________________________________________ __________

>>>> الرد الثاني :

اخي في الله لاتياس في الحياة

حاول ان تقترب من الله فهو الشافي العافي واعتزم على ان تعقد امورك وتعالج نفسك وتتحدى الحياة وان تقرأ القرآن كثيرا وان تصلي وتدعي الله


لأن هاته النفس امانة عندك

وربي يكون معاك يارب ويصلح حالك وحالنا ان شاء الله


__________________________________________________ __________

>>>> الرد الثالث :

إن أردتَ نصيحتي ، إذهب إلى إختصآصي علآج نفسي

و داوِم على العلاج عنده و الشفآء من العزيز القآدر


و دعكَ من الرقآة و ما شآبههم

حقيقةً محدثك ، لآ يؤمن بهذه الأمور

السحر ، المس و ما شابه ذلك

و ليس حديثي مجرد .. إبحث في النت عن أحاديث الدكتور (محمد هداية) و ستفهم كلامي

جيداً !

صدقني ، المعضلة في نفسيتك .. التي يجب علآجها

أما أنك مسحور ، فدعكَ من هذا الكلام

تصور مثلاً .. الله كتب لك أن تتزوج في الأربعين

على حسب كلامك .. يسحرك (لآ أدري من) فـ يقطع عنك رزق الله

بالله عليك ، من يستحق العبآدة هنا ، أليس السآحر ؟

كان الله في عونك ي صديقي .. و الله المُوفق


__________________________________________________ __________

>>>> الرد الرابع :

تقراو سورة البقرة يوميا او تسمعوها في زوج يوميا

وعن تجربة فوائدها جمة

تجيب الرزق والبركة

شفاك الله

ولا تقنط من رحمة الله
عليك براق قدير لو كنت من اهل الشرق لنصحتك باسم راق

__________________________________________________ __________

>>>> الرد الخامس :

اخي هناك 3 اشياء ركز عليهم مع اليقين وحسن الظن في الله

1- الدعاء
2- قيام الله
3-سورة البقرة لان سورة البقرة لا تستطيعها البطلة(السحرة) فيما معناه عن رسول الله صلى الله عليه وسلم.

ربي يشفيكم ويفرج عليكم ويبعد عليكم اولاد الحرام من الانس والجن