مشكلتي مشكلتي
عنوان الموضوع : مشكلتي مشكلتي
مقدم من طرف منتديات العندليب
السلام عليكم يا أخوتي في الله
أنا شاب 25 سنة مصلي و متدين و الحمد الله
مشكلتي بدأت عندما توقفت عن التدخين فقد
تبدلت شخصيتي جدا جدا جدا .... لحد الان
راني ضايع ... وليت ما نقسرش بزاف و ديما
وحيد قتلتني الوحدة و القلق سورتو كي نتلاقى
مع أناس جدد لساني ناكلو غير السكات حتان
يخافو منيأنا كان في بالي كي نحبس
الدخان نرتاح و لكن الحالة تبدلت ماشي الى
صالحي كي كنت نتكيف كنت نزدم و نهدر
مليحة و لا حايرة و الله ماعلابالي مي درك
وليت حشام و مانقسرش كامل واللي زاد من
عزلتي و انطوائي هو كثرة المشاكل و اللي
نديرها ما تصدقش خايف ننتحر و مانموتش
يخليني ربي شفاية ..... والله غير كرهت
وراني غير نضعف و راني خايف نولي
للتدخين و علابالي ماهوش حل و لكن خير من
هاد الحالة ........ و للعلم أنا عندي عام برك
ملي حبستو و حالتي الصحية الحمد الله جبت
روحي و قويت على بكري و كامل الناس
قالولي راك خشنت مي الحالة النفسية ضايعة
كاش واحد عانى من نفس مشكلتي
أو علابالو بواش راهو يصرالي
ينصحني و لا يقدملي كاش حلول
راني مدمر و كاره
و أسمحولي كي طولت عليكم و
ربي يفرج على الجميع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
أعتقد أنه أمر عادي بعد التدخين وزيد هنا دور الشيطان الرجيم يزينلك التدخين ويحببك باش ترجعله ما نضنش أنو التدخين هو السبب الوحيد لمشكلتك حاول تلهي نفسك في أمور أخرى كالرياضة شارك في نادي الجيدو ولا الكاراطي دير حاجة زيادة ادخل تقرا في كاش مدرسة بالدراهم دير تكوين إضافي حوس على خدمة زيادة لازم تتعب تاع صح باش تعيا وتقتل الفراغ وما يبقالكش وقت باش تخمم بالسلبيات
وفقك الله
__________________________________________________ __________
>>>> الرد الثاني :
مجرد وسوسة من الشيطان
خلي ايمانك بالله قوي
ربي يفرج عليك
__________________________________________________ __________
>>>> الرد الثالث :
هل تقصد التدخين ام ...............؟؟؟
حاول تعوضه بحاجة اخرى او عادة جديدة تنسيك شويه ومع الوقت توالف
__________________________________________________ __________
>>>> الرد الرابع :
اقرا القرءان وصلى الصلاة فى المسجد فى وقتها واش داك للانتحار يالطيف ماتربح لا دنيا لا اخرة ربى يشفيك من الوساوس
__________________________________________________ __________
>>>> الرد الخامس :
21صفر1434 هجري
السلا م عليكم
أخي الكريم مبروك عليك الاقلاع عن التدخين فهو هلاك للجسم و للجيب و معصية لله
مدة سنة غير كافية لشفائك من اثار التدخين خاصة النفسية عليك أن تتعود عل هذه الاعراض الجانبية
أنصحك بالمأكولات السكرية خاصة العسل أو المكسرات والحلوى بانواعها و الشكولاطة
أنصحك بأن تمتنع عن مجرد التفكير في الانتحار لانه معصية لله في الدنيا و ندامة في الاخرة و ليس حلا بل هروب من الحل فانت شاب رجل و مازال الخير موجود عندك حياة كتبها الله لك زوجتك اولادك والديك أعمالك الصالحة
هذه مشكلة صغيرة تعترضك و تريد ان تنتحر ماذا لو اعترضتك مشكلة اخرى أكبر منها ماذا ستفعل هل ستنتحر ؟؟؟
الرجل تقويه الشدائد ..و العظماء يخرجون من رحم المعاناة .. اما قصة التدخين ستمر و ستحكيها لأصادقائك و أولادك ان شاء الله
فكر في أشياء كبيرة نتظرك فيها و بقية مجتمعنا
ربي يوفقك ان شاء الله و يشفيك و يعافيك
شكرااااااااااا
رد مع اقتباس
