عنوان الموضوع : كرهت من حياتي لكن الحمد لله تم الحل
مقدم من طرف منتديات العندليب

السلام عليكم ورحمة الله وبركاته والصلاة والسلام على سيدنا محمد وعلى اله وصحبه اجمعين

اول شيء شكرا لكل من راح يقرا مشكلتي ويحاول يعاوني وربي يبارك فيه ويسترو


عمري 24 سنة من كنت صغيرة كنت محقورة من صحاباتي الاستاذة كامل


السبب هو اني كنت نحشم وعاقلة وجامي خممت نبدل هد الشي فيا لانو كنت متاكدة بلي راح يعوضني ربي على كل لحظة عانيت فيها من الاحتقار .


وصح عوضني ربي بشخص ماشاء الله وقف معايا ومتخلاش عليا حتى في اصعب المواقف ونيتو دك يتقدم يخطبلي ان شاء الله


المشكلة ان هو من ولاية اخرى ودارنا ديما نحكي عليهم بالخير وهداك هو الصح خاصة الوالدة

بصح المشكل في الوالد سمعتو بالارض وايضا دخل للحبس وخرج وحتى عملو حرام


انا ولا مرة قلتو على الوالد بلي سمعتو مش مليحة او دخل للحبس خبيت الحوايج هدو لانو مهما كان يقعد بابا


المشكلة هو كي جاي يخطبني يعني راح يحكي مع الوالد وممكن يسقسي عليه ويعرف ماضيه

وانا خايفة من ردة فعلو


خايفة يفهم بلي كذبت عليه او شيء اخر


والله يا ناس الامر هدا متعبني ساعات نخمم اني نلغي كلش ولا يصرالي موقف مثل هذا لانها حشومة يعرف بابا على حقيقتو


قولولي كيفاش ندير؟


وكون يقولي علاه مكانش عندي علم على بوك ؟ شا نقول ؟ شا ندير؟

انا خايفة كانخسر الانسان هدا وراح تكون ليا صدمة كيعاد هد الانسان الوحيد في حياتي ويعلم الله اني الحمد لله متحجبة ومتدينة وعاقلة بصح واش ذبني كي بابا مش مليح ؟ واش ذبني ؟

ادعيولي ربي يسهل في كلش ويفرج علينا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يـا اخـتـي أنـا مـن رأيـي يــسـمـع مـن عـندك خـير مـن الـناس . . .
عــمـلي على ربـي و صـارحـيه و فــسريـلو واش حــكيـتي هـنا لـي راكـي ماعـندكـش ذنـب ..
و خـليـلو هـو الاخـتـيار مـن بـعد هـذا قـرارو . . حـتى اذا لامـك و الا زعـف على خاطـر كامـنتيـش صـريحة من الأول ماعلـيش ماتـلوميـشو و فـهمـيه لي راكـي ماخـتلـفة على والـدك و هــو أكــيـد يـعرفـك
ديــري لـي عـليـك و خـليـلو قــرارو بيـدو هــو حـر هـو وقــناعاتو و ان شـاء الله اذا فيه الـخيـر يـكون مـن نـصيـبك
حـبيـتي ثـاني نـقلك داوهــم بــظروف أســوء و رضـاو و اقـتنـعو بيـهم ظـروف حـياتك ماراكــيش مــسؤولـة علـيها واحـد مابيـدو يـختار والـديه . . مـي نـرجع نقلك كـل واحـد وطـريقة تـفكـيرو ديــري لي عليك و عملي على ربي ان شاء الله ما يكون غير الخير

__________________________________________________ __________

>>>> الرد الثاني :

ربي يفرحك و يكملك بالخير .


__________________________________________________ __________

>>>> الرد الثالث :

احسن شيء تصارحيه .

__________________________________________________ __________

>>>> الرد الرابع :

ربي يفرج عليك صارحيه واذا ماشافش ربي فيه الخير يروح على روحو كاين الي يتمناك

__________________________________________________ __________

>>>> الرد الخامس :

اولا ادعي ربي يكون الخير فيه ثم اخبريه انت احسن و لي متقبلك يتقبلك باهلك و ان شاء الله ما يكون غير الخير من قلبي