عنوان الموضوع : دبروا عليا ودعولي
مقدم من طرف منتديات العندليب

السلام عليكم جميعا
تعيشو أعطوني رايكم بصدق وصراحة وادعولي معاكم ربي يسهل لي
أنا بنت عادية نخدم،تقدم لي واحد الانسان من حوالي 3 سنين،هو شخص متخلق كيما يقولو وخدام لاباس عليه،بالصح بابا ما وافقش عليه والسبب مجهول،بالاك لانه ماهوش من عائلة عريقة وأصيلة هذا مكان،عاودلي العام الي فات وبعث لي مع صحبتي وانا بصراحة ما قلت والو قتلو يعاود يقول لبابا كي قالو ثاني رفض وماعلمنيش،الصح انا زعفت ومن بعد قلت أكيد فيها خير،الاشخاص الاخرين الي تقدمولي كان يقولي عليهم على كل حال ماشي كامل بالصح لي يعجبو هو،خصوصا كي يتقدم لي استاذ وعايش في منطقتنا،أنا في كل مرة كنت نصلي صلاة الاستخارة وما تمش هذيك الخطبة يعني يقولو ومن بعد تحبس بالصح هذا لالا ارتحت بزاف وسبحان الله رغم اني والله مانعرفوحتى في شكله برك نسمع عليه بالصح ارتحت له بزاف وكل مايتمناولي زوج صالح يجي غير هو في بالي،هاذالمرة راهو يقول باغي يجي للدار باش يحط بابا قدام الامر الواقع هكذا سمعت بالصح انا راني خايفة من ردة فعل بابا هو مش من النوع لي يرجع على كلمته وانا بصراحة ما رانيش باغياته يرفضو،بالصح ماعندي ما ندير قدام كلمة بابا انا كامل شوي شوي بالصح والديا مانفوتهمش حتى ولو على حساب سعادتي
راني حايرة واش ندير،خايفة،مقلقة...........بزاف أفكار راهم يتضاربو في عقلي
بالصح راني صابرة المهم مانغيضش بابا،وبابا لحد الان معلابالوش بلي اني سامعة بلي تقدملي خاطر انا خبرتني واحدة نعرفها
دبروا عليا ربي ينور عليكم ودعولي أمانة



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

في

مثل هذه الأمور الصراحة

واجبة

أنت أخبري أمك وهي تخبر أباك

بأنك لن تتزوجي غيره

أبوك سينزعج في بداية الأمر لكن فيما بعد سيوافق

__________________________________________________ __________

>>>> الرد الثاني :

ana nwessik n9olek haja( el matal li 9al maya3ref rajal ghir rajal maghletch,,balak babak chef fih haja ma 3ajbatouch
diri salat el istikhara w ketri men istighfer w ad3iya

__________________________________________________ __________

>>>> الرد الثالث :

عليك بالدعاء و متدريش بالاك هده المرة باباك يقبل
ربي يوفقك اختي لما يحب و يرضى


__________________________________________________ __________

>>>> الرد الرابع :

ربي يكون معاك وكتبلك الخير ان شاء الله

__________________________________________________ __________

>>>> الرد الخامس :

ربي يوفقك لما يرضيه
عليك بالدعاء وان شاء الله خير