عنوان الموضوع : ماذا افعل
مقدم من طرف منتديات العندليب

السلام عليكم


×


ندخل في الموضوع بدون إطالة عمري 16 سنة نقرا اولى ثانوي مع العلم اني متفوقة في دراستي جبت 18 المعدل


مالقيت لمن نفرغ همي غير ليكم انتوما بلاك تعاونوني


ابي يخدم فالغربة ومانشوفهش من شهر لشهر نسكنوا في دار أقل من صغيرة جدا 2بيوت وكوزينة مع العلم رانا في 5 خاوة خويا لكبير السنا الباك ادعيو ربي ينجحو مسكين أمي أمية لكن دروس الحياة علمتها المشكلة أنو ابي كلما يروح من الخدمة يداوس هوا و امي ودايما يضربها ونحن لا حول لنا و لاقوة أبي انسان يقلق بزاف ومانخبيش علكم هو مدمن خمـــــــــر ديما كي يدخلنا فالليل بحالة ليس لها وصف المهم هاذ المرة ضربها وحلف انو يطلقها وحنا مادرلناش حساب كامل وولى مايحسش بينا خلاص ولى يسبنا ويحاوزنا ويخلينا وحدنا ويروح ماعلابالوش بينا كامل وليت نحس بلي راهو حاب يزوج ويقولهالنا بطريقة غير مباشرة لكن انا من الطبع اللي يخبي في قلبو وماعندي حتى صديقة نخرجلها همي و لا نحكيلها ونخاف يهدرو علينا الناس و يضحكو علينا ومازاد الطين بلة هو اسفزاز احد الاشخاص لي فهم لا يعلمون ان الله يقول ولا تنابزوا بالالقاب راني كارهة وبديت نتراجع في مستواي الدراسي حتى اني فكرت نقتل روحي ونتهنى من هاذ المعيشة المرة راني غير نبكي خاوتي عاونوني واش ندير كـــــــــــــرهت



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أبوك يشرب الخمر

هذه المعادلة عنهدا حلين لا ثالث لهما :

إما أن تقنعوه بترك الخمر بطريقة أو ما خاصة أمك

إما أن يبقى يشرب الخمر ويؤذي أمك ويؤذيكم كلكم .....................

__________________________________________________ __________

>>>> الرد الثاني :

الله يعاونك ..................ويا رب يزول همك............ويفرج كربك
ما انصحك به هو الصبر ............فلعله امتحان وابتلاء من الله عزوجل والله يهدي الوالد

__________________________________________________ __________

>>>> الرد الثالث :

مساء الخير اختي وربي يكون في عونكم وما ديري حتى حاجة في بالك. والانتحار ماراهوش حل مطلقا ....صلي صلاتك في وقتها وادعي لربي من صميم قلبك وانشاءالله ربي يهديه هادا الاب اللي ماعندوش احساس ربي يسامحو.

__________________________________________________ __________

>>>> الرد الرابع :

واش نقولك اختي ربي يهديه وخممي شوي في روحك الانتحار مش حل بالعكس تزيدي مشكل اخر وتاني شوفي لامك مسكينة على جالكم صابرة على كلش ان شاء الله تكبرو ويكون عندك مستقبل مليح تنسي امك كل المعاناة الاي عشتوهم ربي يكون في عنك اختي اصبري اصبري الصبر مفتاح الجنة وعليك بالدعاء و الصلاة

__________________________________________________ __________

>>>> الرد الخامس :

ربي يهديه باباك ويهدي الجميع
فكري في روحك وصلي وادعي ربي ماهوش حا يخيبك قولي ربي يصلح دارنا واعمرها بالفرحة والامان
والصبر مفتاح الفرج