عنوان الموضوع : ماذا افعل
مقدم من طرف منتديات العندليب

السلام عليكم
متزوجة وعندي بنت والان حامل....المشكلو تصرالي ملي تزوجت عندي ثلاث سنين لما اكون خارجة ذايما يحدث تعرقيل يااما يتبلوكا الباب واو يحذث مشكل بيني وبين زوجي او تحبس لاسنتور مش عارفة وش اسمو المهم لاحظت بزاف عادت تصرالي ومش دايما نخرج ونهار لاي نخرج دايما مشكل حت عدت اتجنب الخروج والله ما حملت الوضع من ضيقت الخاطر راني غير وحدي في الغربة كرهت كل شي
والله مماعرفت واش ندير استغفر الله ولا حول ولا قوة الا بالله
الناس كامل عادت منحوسة مني عادو يقولولي راكي حسودة ودايما يحذثو فيا بالمش مليحة غير المشاكل والمرض....والله عادتلي ععقدة مع اني اصلي انسانة لاباس بيا وخاطيني المشاكل نحب الخير الناس....بصح ماعرفتش المشكل وين....
ارجز منكم ان تنصحوني حتي ازيل هادا الغم من مخي واكون انسانو ايجابية


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سيدتي ميهمكش وش الناس يقولو ارقي دارك بنفسك او ديري قناة المجد للقران مليحة ومتنسيش اذكار الخروج من المنزل و الهدرة تع الجهل تع منحوسة ومعلباليش متعمريش راسك بيها بلاك هم اللي عينوك جربي رقية ليك ولدارك ربي يفتح نفسك ويشرح صدرك انساي كلام الجاهلات

__________________________________________________ __________

>>>> الرد الثاني :

هذيك وساوس برك

__________________________________________________ __________

>>>> الرد الثالث :

اولا اذكار الصباح والمساء
ثانيا اذكار الدخول والخروج من المنزل
واخيرا اكثري من الاستغفار تنجلي عليك كل هموك


__________________________________________________ __________

>>>> الرد الرابع :

عليك بالصلاة في وقتها و حتى صلاة الفجر ففيها الكثير من البركة و عليك بقراءة القران و قراءة الاذكار
و يجب ان تكوني واثقة من نفسك ان تلك الاحداث محض صدفة و ان لا تتوقفي عند القيام بشئ ما مثلا اذا اردت الخروج في ذلك اليوم فاصري على الخروج حتى تزال هذه الوساوس او هذا الذي تسميه نحسا
توكلي على ربي في لكبيرة او الصغيرة و ركزي على كلمة ''بسم الله الرحمان الرحيم'' واذكريها بقدر ما استطعت خاصة قبل النوم وتستطيع التاكد من هذا اذا عرفت اسرار البسملة

__________________________________________________ __________

>>>> الرد الخامس :

اختي الكريمة حافظي على صلاتك انت زوجك و لازمي الاذكار واية الكرشي حاولي تقريها بصوت مسموع في الدار و تاني حصني بنتك بالاذكار و شغلي سورة البقرة كل يوم في الدار و حاولي تاني ترقي بنفسك الماء لي تشربي منو انت و عائلتك وباذن الله تعالى تتحن الامور
و الامور لي راهي تصرالك تقدر تصرى لاي واحد انا احيانا خرجة وحدة نبقى كثر من 10ايام وهي تتاجل كيما تقولي بكاش سبة لكن لا تلتفتي انه حسد و حتى وان كان باش ما تسيطرش عليك الوساوس حاربيها بالذكر