عنوان الموضوع : حابة نعاون خطيبي مشكلتي
مقدم من طرف منتديات العندليب


السلام عليكم ورحمة الله وبركاته
خطيبي عندو دين وملزوز لازم يسلكو.هو الصراحة مستحيل يحكم من عندي دراهم لكن انا حبيت نعاونو ونبعث الدراهم لماماه وهكا تتحتم عليه يحكمهم.وان شاء الله يحكمهم.
لكن مشكلتي انا حابا نبيع 2 لويزات مشبكين يجيبولي 4-5 ملاين ومالقيتش كفاه نقول لماما حشمت منها وجاتني صعيبة باه نقوللها.ماما ماعندهاش مشكل نعاونو مي مشكلتها كفاه نبيع حاجة من ذهبي ... وانا نوجد في روحي باه نزيد حاجة نولي نقص.
عاونوني كفاه نقولها.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

عاونيه بعدم تكليفه فوق ما يستطيع من مهر وتكاليف الزواج حتى أصبح في الحالة إلي راهو فيها تنازلي عن بعض الأمور في التجهيز وقوليلو يبيعها ويسلك دينه فرج الله همكما
لاتعوديه من الآن في بيع ذهبك حتى لايتعود الإتكال عليك أتركي هذه التضحيات إلى مابعد الزواج
هناك أنت زوجته وعليك الوقوف إلى جانبه


__________________________________________________ __________

>>>> الرد الثاني :

اختي من رايي ذهبك ماتبيعيش منو حتى حاجة انتي واهلك تعبو باش داروهلك وماتعرفيش الزمان واش راه مخبيلك
لانو كاين بزاف نسا يحبو يعاونو خطيبهم اوازواجهم لكن للاسف نجد بعضهم يستمرون فقط بالاستغلال للمراة بقول (ماعنديش )حتى ولو كان عنده يقولها (معنديش)
وهذي حقيقة تعيشها بعض المتزوجات خصوصا العاملات فنجد ان ازواجهم يستغلونهن في تسديد ديونهن وكانهم مجبرون على ذلك دون رد الجميل اليهن وحتى ولو بكلمة طيبة
وبكون الرجل طبعا لايخبر امراته حالة وضعه المالي الحقيقي فيكتفي دائما بقول(مازال عندي الدين .........؟)
وهنا احتمالين ممكن يكون صادق ممكن يكون يتلاعب بعقل بزوجته حتى لاتطالبه بشيء؟


اختي واذاكنتي حابة تعاوني خطيبك فبمكانك ماتطلبيش مهر او شروط اخرين منو وانتم تستكلفو بمستلزماتك كلها

وان شاء الله خطيبك يكون من النوع المُقدر لماتفعليه لاجله
ربي يعطيك على حساب نيتك ويسعدك في حياتك

__________________________________________________ __________

>>>> الرد الثالث :

انا رئيي من رئي الاخت سراب نقصولو من الشرط واصبري عليه حتى يخلص دينوا واياك اتبيعي ذهبك بلا علم ماماك

يا بنتي مازال القدام ويحتاجك راجلك وتوقفي معاه بصح ماشي من ذرك مازال قدامكم دار وولاد ومسؤولية كبيرة خلي انتروحي الدارو

__________________________________________________ __________

>>>> الرد الرابع :

رأيي من رأي الاخوات, بيع ذهبك و اعطاء المال ليس محمودا على الاطلاق في هذع الفترة

يمكننك مساعدته بتخفيف من متطلبات زواجكما و دعوة الخير ليس الا

__________________________________________________ __________

>>>> الرد الخامس :

إن كان خطيبك من النوع الذي ذكرتي فلا أنصحك بأن تعطي المبلغ لأمه

فهنا لن يتقبل منك هذا الموقف

نصيحة فقط أختي هو رجل و يعرف كيفية التصرف

لذا فلا أنصحك ببيع ذهبك و كما قالت الأخت عاونيه بتخفيف التكاليف عليه