عنوان الموضوع : الندم راح يقتلني ... تم الحل
مقدم من طرف منتديات العندليب


ماعلاباليش كيفاه راح نبدا ...ومالقيتش وين نخبي وجهي وانا نكتب في المشكلة انتاعي
المشكلة انتاعي اني درت حاجة خلاتني نمووت بالندم اييه
انا فتاة عمري 17 سنة نقرا في الثانوية انا ملي كنت نعارض فكرة العلاقة بين الشاب والفتاة قبل الزواااج
ودائما ندعي لربي انو يسترني من هاذ لحوايج
لكن هاذ العام ماعلاباليش واش صرالي ودرت هاذ الحاجة .....كن نهدر مع شاب في البورتابل هو يقرا في الليسي انتاعي واكبر مني ب3 سنين المهم جبت شهر وانا معاااه مبصح الحمد لله انو خلاني نكتشف بلي راني غالطة
علابالكم من هاذاك النهار وانا في حالة .....نبكي فرااات نبكي كيفاه عصيت ربي ودرت هك نبكي كيفاه ماخفتش ربي كيفاه ماخفتش يقبض ربي روحي وانا حاكمة لبورتابل ونهدر .............وليت كرهت كلش علاخاطر والديا بعثوني نقرا وانا نروح ندير في هاذ لحوايج عيب عيب بزااااف
انا تبت لربي ونظل نبكي ليل نهار باش ربي يغفرلي علاخاطر هاذ الامور مايليقوش بفتاة مسلمة
انا ندمااااااااااااااااااااااااانة بزاااف وربي شاهد عليا وعلى نيتي وحلفت مانزيد ندير هك خلالالاص
مبصح كرهت روحي علاخاطر نستحق الموووت مانستهلش نعيش
وين راحت حشمتي وحيائي في هاذاك الوقت عييت نفهم واش صرالي درت هك
انا صح غلطت مبصح تبت والحمد لله وحبيت ننسا الماضي ونبدا صفحة جديدة مبصح عييت ننسى وخاصة انو هاذ الشاب يلي علاجالو عصيت ربي خرج خداااااع وماهوش رااجل
سااعدوني الندم راح يقتلني
اختكم الناااااااادمة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي الحمد لله انك تيقنت أنك كنت على خطأ كبير المهم أنك تبت الى الله وان لا تعيدي الكرة مرة أخرى والله سبحانه وتعالى سيغفر لك ان شاء الله

__________________________________________________ __________

>>>> الرد الثاني :

قال سبحانه وتعالى: قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ

__________________________________________________ __________

>>>> الرد الثالث :

Oukhti el mouhem enti ndimti w hattiti fi balek matzidich diri haka rabi rafour rahim oukhti houtiha milih fi rassek w matkhalich hadi haja tater 3lik hmd enik slikti 3la khir kbel mayfout wakt kayen bazef bnat sirtout fi lage ta3k yartou w yakhsrou charef tahoum inti mazelek srira
g 3la lahwayeg hadou rabi yhanik hanouna w kamelek bi takhmamek hada raki farahtini kigoulti nadam rah youktelni pasque rana nchoufou wach rahou sayer nass mabkach 3andha lahya rabi kamelek fi 3aklek

__________________________________________________ __________

>>>> الرد الرابع :

الحمد لله انك تبت استغفري و اعلمي ان الله تواب رحيم

__________________________________________________ __________

>>>> الرد الخامس :

في اعتقادي والله اعلم انك ندمت لان هذا الشاب مخادع ولو كان غير ذلك ربما لتماديت في المعصية صحيح الاعمال بالنيات ولكن ارجو ان تكون توبتك خوف من الله جل وعلا وليس لكون الشاب خدعك باب التوبة مفتوح مادمت حية فسارعي واستغفري الله ولا تعودي لامر كهذا لان عاقبته وخيمة ونهايته معروفة............بالتوفيق