عنوان الموضوع : واش ذنبي ??
مقدم من طرف منتديات العندليب

السّلام عليكم
أنا بنت 15 سنة أدرس االاولى ثانوي ،ماعندي لا صديقة و لا حتى واحد نحكيلو راني لقيت وين نفرغ قلبي أنا ديما وحيدة عندي أب يخدم فالغربة و خويا ديما يضربني و هادا عامين وحنا منحكيوش مع بعدانا يضربني على حوايج تافهين و معندهم حتى معنى رغم أني فتاة خلوقة و متربية في الثانوية ديالي و ذلك بشهادة الأسرة التربوية كاملة ملتزمة بديني و حجابي لكن أتعرض للسخرية من طرف الزملاء اللي يقراو معايا بنات و لا ولاد يقولولي واش درتي في روحك مالقيتي ماديري تحجبتي هه فيقي يا الغافلة حنا في عام 2015 و مازالك تحوسي على رضاية الوالدين ازهاي ازهاي .... يدهشونني بهاد الكلام و مانلقا ما نقولهم غير نسكت و نقنع روحي باللي هوما الخاسرين على كل حال و أنا لازملي ما نديرش على هدرتهم و نعمل روحي كي شغل ماكان والو ديما نبتسم رغم واش راه صاري متفوقة في دراستي الحمد لله ، أدعيولي إن شاء الله يوجهوني علوم تجريبية لاني حابة ندير صيدلة وندير مستقبلي ان شاء الله و نوصل الهدف نتاعي لكن راني خايفة لانو الثانوية اللي نقرا فيها الاساتذة يظلمو وويوجهو بالمعارف و القهاوي .... المُهم يا اخواني و أخواتي كيما قتلكم عندي اب ديالي يخدم بعيد علينا واش نطلب منو يوفرلي و الحمد لله داير فيا ثقة عمياء وديما يقولي يا بنتي لعزيزة راني نخمملك ديما على مستقبلك كوني قد الثقة و علاقتي معاه منقدرش نوصفها لوكان كشما يصرالو نموت و منحملش فراقو بعيد الشر عليه و ربي يبعد علينا البلاء لكن... عندي ضيقة في نفسي.. خويا يضربني لكن قلبي صافي معاه مانيش حاملة الحقد تجاهو.. ماعنديش حتى واحد نحكيلو نحس روحي راني محتقرة من طرف الجميع لكن ماذنبي ... ما رانيش كيما لبنات و مانيش تاع لف و دوران أنا نحب الجدية و الإلتزام حابة نوصل لأبعد نقطة إن شاء الله وكي ندي الباك ديالي نكمل قرايتي فالخارج .. كاين شي بنات يضحكو عليّا كيفاش ماعنديش بورتابل و أنا في هاد السن لكن عايلتي ترفض ديرهولي علاخاطر يجيب غير المشاكل و البلاء و أنا راني مقتنعة ماعندي مندير بيه .. و كيفاش ماعنديش فيسبوك و تويتر و ***** ... و يوصفوني بالمتخلفة لاني جامي دخلت على هاد المواقع وذلك بسبب وعد مديتو لبابا كي قالي يا بنتي منحبش عليك ديري في بالك النيف و الكرامة اذا طاحو الموت خير من الحياة .... مانيش فاهة علاش راه يصرا معايا كل هاد الإحتقار ما فهمتش واش عملت للناس حتى يكون هادا مصيري ... أرشدوني ماني فاهمة والو



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حبيبتي يعطيك الصحة راكي أنت الصح ما لازمش تخوني الثقة تاع باباك وقبل ذلك ربك الذي أنعم عليك بكل شيء فله المنة والفضل لا يهمك رأي الناس فيك ما دامك على حق لأنهم بينهم وبين نفسهم يعرفو أنك أنت خير منهم تحكمت في نفسك وقهرتي نزواتك وتغلبتي على شيطانك واصلي عزيزتي أما أخوك فلا يجب عليك مخاصمته لازم ترجعي تهدري معاه لكن في حدود يعني تتجنبي الاحتكاك به ومجادلته ربي يوفقك وحاولي تزيدي ثقتك بنفسك من خلال الكتب والمواقع المفيدة لكن اياك ثم إياك ومواقع الدردشة لأنها فساد وخسارة بالتوفيق ولا تنسي الدعاء لأنه مفتاح كل الخير والفرج.


__________________________________________________ __________

>>>> الرد الثاني :

غيرة برك
ماتعمريش راسك

__________________________________________________ __________

>>>> الرد الثالث :

ماتعمريش راسك بالغيارين والحسادين راهم عكس التيار الصحيح شدي في اخلاقك ورضى ربي ثم الوالدين هو الزهو الحقيقي وللاسف هذا حال جل البنات اليوم بدعوى التقدم والله المستعان حال الامة اصبح يبكي

__________________________________________________ __________

>>>> الرد الرابع :

madirich a3lihoum oumat3amrich rasek bihoum houm elakhsarin elmoustakbal rah ibayanlek amchi fi trik assah li raki nawyatha ourabi inawarlak trikek ouifarah babak bik ta3bou mairouhch batal ki twali haja yaftakhir bik
man yatki allah yaj3al lahou makhraj, yakfi rabi lirah radhi 3lik oumazalek sghira mathawsich 3la ridha anass maifidek bwalou ou3oumrhoum mayardaou rahoum maikhalou hata wahed fi halou

__________________________________________________ __________

>>>> الرد الخامس :

rabi yahafdhak man koul chr ouithabtek ouyahdi khwatatna elmouslimat