عنوان الموضوع : قلبي سينفجر تم الحل
مقدم من طرف منتديات العندليب

السلام عليكم
انا فتاة ابلغ 22سنة متحجبة و الحمدلله اكملت دراستي الجامعية والان اعمل عمل دائم ما دفعني للطرح مشكلتي هو اني اشعر بضيق شديد ورغبة في الرحيل والابتعاد لاني انا سبب تعاستي للاسف وقلت في نفسي لعل اراءكم تساعدني لايجاد الحل لقد كنت فتاة ملتزمة في افكاري درست سنوات وسنوات حتى الجامعة لم تستهوني كنت ادرس فيها فقط ولا الدنيا حتى بالرغم من جمالي اللافت جدا الا اني كنت فخورة بجمال روحي واخلاقي واختلافي عن بنات سني حتى صديقاتي لم يكونو من نفس سني بل اكبر مني وهذا برغبة مني لارشادي و توجيهي والحمدلله لم ارتبط بعلاقة محرمة مثل البقية بل كنت ارفض الزواج حتى وكنت اعتبر هذا نعمة من رب العالمين وعشت هكذا حتى جاء هو لخطبتي مثله مثل البقية اخبرت اهلي لم يوافقو في البداية بسبب شروطه لا اعمل لا اخرج اقطع علاقاتي بجميع الناس الا عائتي و اخبروني انهم يعرفون اهله ولا يشبهوننا ابدا رفضته عاد مرة اخرى وقبله جاء الكثيرون الا ان اهلي رفضوهم كلهم عاد وغير شروطه وقبل بعملي بدا لي شخصا مؤدبا نقيا خلوقا قبلت به وقبلت انتظاره ليجهز وكيما نقولو جاو ملكو وبدات رحلة معاناتي مع التملاك في البداية اخبرته اني لم اتعود الحديث مع الرجال وانه اول رجل و اخر رجل انشاء الله ساتكلم بالعامية ولازم يساعف وميطالبنيش بامور الحب و الغرام لاني بعيدة جد البعد عليها االمهم قيدني باوقات للدخول والخروج واذا نويت الخروج علي استشارته ان قبل اذهب ويلا مقبلش منخرجش ومنعني من الاعراس والزيارات انا اصلا لا اخرج كثيرا يعني اذا نويت يكون للعائلة حتى عمي الذي رباني منعني عنه تزوجت ااختي ومنعني من المبيت عندها يوم عرسها ذلك اليوم بكت اختي لابقى لكني لم استطع ولم اخبرها السبب باش منكرهاش فيه اخبرني ان اصارحه بكل ما يحدث لي حتى االمعاكسات رفضت قتلو لا خوفا من المشاكل واش قالي انت تحبي هكذ وانت اللي تشوف فيهم غاضتني انا نمشي ونشوف فلارض والله يجوز علي خويا فالطريق الكتف للكتف ومنشفوش والله والله انمشي وحاطة راسي طبيعتي هادي ماشي على جالو حتى الخطاب اللي يجو قالي قوليلي قتلو بدا يقولي اعلاه راهم يجو علاه رفضتيهم قبلي ودوك فيك حاجة قالي اقطعي الانترنت متدخليهاش اقطعتها قالي متزيديش تقولي السلام لجوارينك او عائلتك يعني ابن عمي ابن خالي قتلو ايه كنت ندير crémنتاع الشمس هدا مكان انا بيضا والشمس تاثر فيا قلي نتزيديش ديريها قتلو ايه قالي بداي انت تعيطيلي وانا مش عادتي انا حتى كملت الجامعة باش درت بورتابل المهم طورت الامور وبدا يشك فيا كي نمشي معاه برا يقولي راك تلعبي بعينيك نحط عينيا يقولي مكيش تشوفي فيا كرهت مي صبرت كنت نصلي ونستخير وندعي ربي دعيتو ليل نهار المهم صبرت وقلت يحبني ويغير لكن افرط في الامر واصبح يعايرني نحكيلو واش يصرا في دارنا يعايرني بيه انت خوك انت باباك انت يماك وانا والله العظيم يوم ملحقتوش او جرحتو او عايرتو وربي شاهد نخاف ربي ونحشم وتربيت تربية حسنة المهم اهلي مكانوش سامعين بكل هذا هدا قليل اللي حكيتو الامر المهم و زبدة الموضوع هو التالي من يومين كنت نمشي معاه برا قالي امشي منا قتلو راني مليحة قالي امشي منا وسبني انا قتلو وشنو وشبيك واش قللت قالي مكملتهاش وهو والله والله سب ولا كيفاش سمعت انا وانا زعفت قتلو قلت كذا قالي لالا ومبعد قالي واش فيها صحابي كامل يسبو نساهم قتلو انا متسبنيش مدرت والو سكت انا و فوتها وقلت معليش والله مكلمتو ومزدتش معاه حتى جاني الكف برا وقدام الناس ضربني اانخلعت معرفتش واش اندير حكمني ف عيني دلات تدمع يومين باش حبست في هديك دقيقة حبست امعرفتش واش ندير واش درت قطعت الطريق ورحت وخليتو وهو ملحقنيش عيطلي موراها بربع ساعة بلعت البورتابل وبعتلي رسالة قالي وعلاش رحت اعقلي فيها وقالي انت متندربيش +زاد عيط مرا هداك النهار وحبس مقلتش لدارنا مي معرفتش واش اندير يا ناس انا وصلت روحي لهاد الحالة غي معليش معليش ولا قلة خبرة والله معلابالي منيش قادرة نشوفو اوعلاش ضربني مدرت والو هادي القصة وراح نتقبل اراءكم رايو عليا بقساوة حتى معليش واش اندير اعطوني حل عييت انجرحت كرامتي وراني حابة نسافر للخارج (الاني زايدة فالخارج فرنسا تحديدا) انا لا اطيق الغربة نروح لفرنسا مي منقعدش فوت شهر منحملش نحب بلادي نروح تم اختي متزوجة تم ومنقولو والو انا حلفت كلمة منزيدهاش معاه حطمني على جميع الاصعدة والسلا م عليكم ,


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الأمر بسيط أختي

أنت أخطئت بالقبول بهذا النوع من الشخص

اليوم تحملي خطأك

ولا تفعلي خطأ ثاني بالإستمرار معه

أخبري أهلك وانهي أي شيء بينكما

هذا على ما يبدو ليس ببشر

أقطعي علاقتك به وارمي الخاتم

ولكن الشيء الذي أتعجب منه

لحد الساعة

لماذا بناتنا تقبل بهذا النوع من الأشخاص

وحين يأتي الطيبون ترفضونهم

؟؟؟؟؟؟؟؟؟؟

__________________________________________________ __________

>>>> الرد الثاني :

يأختي ماكيش مضطرة باش تحملي هدا كل او راه تمادا بزاف و انتي يلي غالطة من الاول لوكان كنتي تحطيلو حد لتصرفاتو و تدافعي على حقك على خاطر يلي يسكت على حقو في الوقت هذا راح يشوف يلي مايصروش ياختي قولي لداركم و حطيلو حد انت مايخصك والو او زيد راكي صغيرة و هو يلي راح يخسر
ربي يجيبلك يلي فيه الخير و يبعد عليك لبلا

__________________________________________________ __________

>>>> الرد الثالث :

تعبت من القراءة الخلاصة هذا شخص مريض نفسيا انصحك بالابتعاد عنه و دعك من التساهل
ان تجرأ الرجل على ضرب امراته في الشارع و امام انظار الناس مابقات فيها هدرة. مشكلتك انك تسمحي بزاف من حقك.

__________________________________________________ __________

>>>> الرد الرابع :

ببساطة انهي كل شيء ماراحش تموتي عذرا على الرد لكن لا تقبلي الاهانة من اي احد ما زالك صغيرة وربي يرزك ما خير منو

__________________________________________________ __________

>>>> الرد الخامس :

ربي سترك منووووو مريض و معقد