عنوان الموضوع : قصتي غريبة عاونوني مشكلتي
مقدم من طرف منتديات العندليب

السلام عليكم

خاوتي انا شاب ابلغ من العمر 21 سنة تعرفت على فتاة عبر موقع اجتماعي و بقينا مدة نحكو مع بعضانا و بالوقت حبيت لبنت هاذي و هيا نفس شي مع انو انا من نوع لي رافض نهائيا لهاذي لعلاقات وربي يشهد انو اول مرة اقع في هذا شيئ و لبنت هاذي من منطقة ثانية لحمد لله لو التقي بها و لم ارى وجهها حتى و شي لوحيد لي بينا هوا لهاتف .

لمهم هاذي لبنت تكبرني بسة و انا نهار لي عرفت مقدرتش نقولها انها اكبر مني و خبيت الامر عليها و خليت لي بينا يكمل و لبنت تعلقت فيا بزاف و عندنا ضوك تقريب 3 شهور نتواصلو غير بالهاتف و صراحة اني نشوف روحي ملي دخلت لهذي طريق بعدت على ربي بزاف مع انو كنت ملتزم في كل شي مع الله و حاسس روحي كرهت حياتي.

يا خاوتي حابكم تعطوني طريقة نبعد بيها هاذي لبنت عليا بدون ما نضرها و حاب نتوب لربي و نرجع كيما كنت

اريد نصائحكم خواتي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

التائب من الذنب كمن لاذنب له
ربي يثبتك ان شاء الله
بكل بساطة خبرها بلي العلاقة اللي بينكم حرام
وإذا كنت واثق منها اتزوجها واذا لا ابعد عليها وخبرها
حتى يقبل الله توبتك يجب ان تكون صادق مع نفسك ومع الآخرين

__________________________________________________ __________

>>>> الرد الثاني :

اظن اخي انه من الضروري مصارحة هذه الفتاة بكل ما تشعر به وانك تريد الرجوع الى الله
وانك لم تتاقلم مع هذه الحالة وان علاقتكما تخالف الشريعة لكن باسلوب يحافض على مشاعرها وذلك بتوعيتها لانها في الاخير تبقى فتاة يجب توعيتها.
واسال الله ان يوفقك لما يحب ويرضى اخي
تقبل مروري ♥ تحياتي

__________________________________________________ __________

>>>> الرد الثالث :

ربي يبعد عليك الحرام يا رب و يوفقك في حياتك

__________________________________________________ __________

>>>> الرد الرابع :

يااخي قلها انو الشيئ اللي رانا نديرو فيه حرام وراني حاب نقطع علاقتي بيك لارضاء الله سبحانه وتعالى وبهذه الخطوة اكيد رايح ترجع كيما كنت على ان تستغفر ولا تعود الرجوع الى مثل هذه العلاقات فهذه الاخيرة هي سبب ضياع شباب اليوم الله يهدييييييييييييييي والله يوفقك

__________________________________________________ __________

>>>> الرد الخامس :

التائب من الدنب كمن لا دنب له
ادا كنت ناويها اخطبها و فارق السن مش مشكل
اما ادا راك تقسر معاها فقط نقولك رمضان على البواف فرصة دهبية للتوبة