عنوان الموضوع : الخالق راضي عما فعلته ؟؟ ارجو الدخول
مقدم من طرف منتديات العندليب



السلام عليكم
ارجو الاجابة و اقناعي اذا كنت مخطأة :
ككل فتاة في سن المراهقة انا حبيت واحد العام الماضي و كنت نحكي معاه في القسم و المؤسسة قبل ما نعبرلو على اعجابي بيه و بسلوك تاعو في القسم لانو في الحقيقة كان انسان رائع صامت و هادئ و قاري مليح و حافظ من القرأن ما تيسر لانو كان هو يذكر الشيخ تاعنا ببعض الايات في حصة الشريعة
و هذا شي خلاني نحبو يوم بعد يوم و بعد مرور نصف عام تقريبا عبرتلو على حبي ليه عن طريق صديقتي في حساب على الفيس بوك هو تفاجئ و قالها اقفلي الموضوع لانو كان يحسبني مجرد صديقة و مرت الايام و انا تجاهلت الموضوع رغم انو مازالني مايلة عاطفيا ليه و لكرامتي تجاوزت الموقف تاعو و حكمت حدي بالعامية و لا هو ايضا فاجأني لما قالي انتي ثاني رائعة و ما عندي كا نقول فيك خجولة متربية مثقفة و عندي مستوى عالي في الدراسة تقديري جيد جدا و هو جيد
و من اغواءات الشيطان اني حكيت معاه نصف مدة الصيف الماضي و لما جا رمضان بديت نخاف من علاقتي معاه و صارحتو بلي هاد الشي ما يقبلوش ربي سبحانو و ما يرضاش علينا و لا يباركلنا ايا هو انسان متفهم تقبل الموقف و قالي ديري لي ترتاحيلو نتي و من عندي مسامحك بصح نبقى نحبك للممات لأنك حقا بهذا الموقف لي تاخذتيها متربية تاع الصح و نشجعك على هذا الشي بصح نحبك و انا قتلو نبادلك نفس الشعور و لاكان يكتب ربي سبحانو لينا في المستقبل نكون ام لأولادك عجباتو الفكرة و قطعنا الاتصال من الصيف لي فات مع العلم انو قالي ابقاي نظيفة نكونو لبعضانا نشالله
خااااااوتي درك انا قطعت و هو كيف كيف نشوفو ساعات في المؤسسة برك من بعيد مع صحابو ما تبدل فيه والو
واش رايكم تعيشو انا بهذا الموقف راضي عليا ربي سبحانو و لا لا ؟؟ يعني شي لي درتو صحيح و لا غالطة في حسابي
انصحوني اذا كنت غالطة
حاليا راني نحضر لشهادة البكالوريا و بقوة كل ما نتفكر كلامو و فرحة النجاح نزيد نستعد اكثر
.................................................. .................................................. ......................................
مع العلم انو ما يهمنيش مستقبلا اذا هو بدل رايو فيا لأني في الحقيقة مانيش من النوع لي يتعلق بشدة لكن مجرد وعود تقدر تكون صادقة و كلشي بالمكتوب ............واش رايكم ؟؟؟
اذا كنت صحيحة قولولي اذا كنت غالطة اقنعوني بأدلة شرعية من كتاب الله و سنته


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

واش من أدلة شرعية تحوسي؟
حابة تعرفي إذا علاقتك بيه حلال ولّا حرام؟
يعني في رايك أنها حلال؟
خافي ربك بنتي.
ما زالك صغيرة و ما زال قدامك الطريق طويلة.
اهتمي بققرايتك قبل كل شيء... و تأكدي أنو اللي
يكتبهالك ربي رايحة تلقايها بدون ادنى شك.
ربي يوفقك في قرايتك
و يهديك للطريق الصحيح


__________________________________________________ __________

>>>> الرد الثاني :

ختي وش داك توصلي روحك وتوصلي صحبتك معاك

نتي قلتي متربي وساكت في الحصة ومن فوق هذا حافظ قران

وشوفي نتي وين وصلتيه حتان قالك نفس الحاجة وخليتيه ينطق كلمة نحبك من فمو

يعني هذي ماشي حرام عليك؟؟؟ اتقي مولاك رمضان قرب

استغفري ربي وتوبي ليه

__________________________________________________ __________

>>>> الرد الثالث :

شدي بلاصتك وكثري من الاستغفار واقطعي كل طرق الاتصال مع هذا الشخص
الفتاة لازم تكون عزيزة واذا حكت مع الشاب راه طيح بروحها وبدينها وأخلاقها وبوالديها وتربيتهم ليها
اهتمي بتعلم أمور دينك وخلي نفسك عزيزة حتى يجي وقت ويرزقك ربي بالزوج الصالح وتذكري قول الله سبحانه وتعالى (الطيبات للطيبين)
كوني طيبة

__________________________________________________ __________

>>>> الرد الرابع :

يا اختي نصيحة ليك والله

اخطيك منو ارمي امرك لربي سبحانو عندكي تضعفي وتزيدي تهدري معااااه

لالا خليك قوية وخلي ربي راضي عليك كي يكون ربي راضي عليك الدنيا وما فيها

صح خطرات يغوينا الشيطان ونقعدو نخمم تخمام اخر انتي لازم تتغلبي ع وساوس الشيطان

ونقلك حاجة واذا كان من مكتوبك والله تديه تديه


واذا مكاش ربي يجيبلك مخير

خليك منو وتوكلي ع ربي سبحانو وتقربيه ليه وراح تشوفي السعادة الحقيقة


__________________________________________________ __________

>>>> الرد الخامس :

المشاركة الأصلية كتبت بواسطة هشام 12
شدي بلاصتك وكثري من الاستغفار واقطعي كل طرق الاتصال مع هذا الشخص
الفتاة لازم تكون عزيزة واذا حكت مع الشاب راه طيح بروحها وبدينها وأخلاقها وبوالديها وتربيتهم ليها
اهتمي بتعلم أمور دينك وخلي نفسك عزيزة حتى يجي وقت ويرزقك ربي بالزوج الصالح وتذكري قول الله سبحانه وتعالى (الطيبات للطيبين)
كوني طيبة

بارك الله فيك في كل كلمة قلتها

مشاء الله عيك