عنوان الموضوع : الى صاحبة موضوع السكري
مقدم من طرف منتديات العندليب

السلام عليكم حبيبتي لماذا كل هذا من اجل مرض السكري عادي اخيتي انا عمري 20 سنة مرضت بالسكري منذ كان عمري 4 سنوات وتعايشت معه واحمد الله بكرة و عشية كنت طفلة و اخذ حقن الانسولين وعاااادي وكبرت معهم والان هناك نوع جديد (فليكس بان) والله تعيشي معاه كانك معندكش السكر عااادي راني معاهم مرتاااحة ديما في حقيبتي نحتاجهم نستعملهم مانحتاجهمش راني مريحة والله اختي شوفي دوكا شحااال راني بهذا المرض وعايشة كيما قاااع لبنات وخير منهم ناكتيفي اكثر منهم جامعية والله البحوث انا نخدم عليهم ونصوم رمضان وجامي نتعب ولا بتر ولا شيئ باسكو مستحفظة بروحي لازم النظافة والله اختي حتى كي نتجرح ماتبقاش فيا لاسيكاتخيس حتى كي نروح ساعات لطبيب على حاجة و نقلو راني ديابيتيك يحير يقلي مايبانش عليك و اصلا دوكا ما يحير ما والو باسكو لاديابات ابسط امر
اما الزواج وهذه الامور والله ماتخمي عليها باسكو السكري اليوم كي اوجاع الراس وش نقلك مرت عمي عندها السكر وجابت 3 اطفال بكل سهولة والله ماتعبت خير من وحدة ماعندها والوواولادها كبرو ولابااااس بيهم وطفلة اخرى حبيبتنا تانيك ديابيتيك كي خطبها واحد قالو بابه نقلك من دوك بنتي ديابيتيك ضحك هداك الراجل قالو و من بعد ودوكا عندها زوج ولاد شابييين وعايشة مع راجلها و ولادتها la belle vie
والله اختي انا عايشة نوغمااااااااااااااال واكتر وجامي نخمم فيه وكاين اكثر من شخص علابالهم ومع هذا يتقدموا لخطبتي نوغماااال الايامات الي جازو كان عرس ختي والله كلش جاااز على راسي انا ومانرقدش الليل وانا نجهز وجاز العرس والتعب كامل عليا وعااااااااادي ماصرالي والو تعايشي معاااه يا اختي راهو ابسط مرض وشبهتهولك بوجيعة الراس مكان والو عزيزتي راني نحكيلك عن تجربة

ان شاء الله يجي نهار تقوليلنا انك تجاوزتي هذه المحنة ونتمنى تتعايشي معاه كيفي واكتر ياااربي
تطمني اختييي راكي عادية واكثر من العادية فقط البنكرياس توقف عن انتاج الانسولوين عوضتيه بشبه حقنة

اااسفة معنديش عضوية في المنتدى والا كنت تواصلت معك شخصيا وفهمت اختي بانو ابسط شيئ ارجو من المشرفين عرض الموضوووع وشكرا جزيلا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :


__________________________________________________ __________

>>>> الرد الثاني :


__________________________________________________ __________

>>>> الرد الثالث :


__________________________________________________ __________

>>>> الرد الرابع :


__________________________________________________ __________

>>>> الرد الخامس :